កំពង់ចាម៖ករណីឪពុកចុអរំលោភសេពសន្ធវលើកូនស្រីដើមនៅនៅភូមិព្រែកស្តី ឃុំព្រះអណ្តូង ស្រុកស្ទឹងត្រង់ ខេត្តកំពង់ចាមរហូតមានផ្ទៃពោះផ ៦ខែនោះ,កាលពីថ្ងៃទីជនល្មើសដែលជាឪពុកចុងរូបនោះ ត្រូវបានសមត្ថកិច្ចឃាត់ខ្លួន និងបានបញ្ជូនទៅ សាលាដំបូងខេត្តកំពង់ចាមហើយ។
រដ្ឋបាលខេត្តកំពង់ចាម សូមជម្រាបជូនសាធារណជន និងអ្នកសារព័ត៌មាន មេត្តាជ្រាបថា ថ្មីៗនេះ មានការចែកចាយព័ត៌មាននៅលើបណ្តាញសង្គម អំពីករណីអំពើរំលោភសេពសន្ថវៈរបស់ឪពុកចុងទៅលើ កូនស្រីដែលជាអនីតិជន រហូតមានផ្ទៃពោះ (កូនក្នុង) រស់នៅភូមិព្រែកស្តី ឃុំព្រះអណ្តូង ស្រុកស្ទឹងត្រង់ ខេត្តកំពង់ចាម ទី៥ ខែមករា ឆ្នាំ២០២៥នោះសមត្ថកិច្ចបានបញ្្ជូនទៅតុលាការហើយដោយបានភ្ជាប់នឹងសំណូមពរដល់ថ្នាក់ដឹកនាំ ជួយអន្តរាគមន៍ទៅដល់ជន រងគ្រោះផងដែរ។
ចំពោះករណីនេះ រដ្ឋបាលខេត្តកំពង់ចាម សូមបញ្ជាក់ជូនសាធារណជន និងអ្នកសារព័ត៌មានមេត្តាជ្រាបដូចខាងក្រោម៖
១- ជនល្មើសដែលជាឪពុកចុងរូបនោះ ត្រូវបានសមត្ថកិច្ចឃាត់ខ្លួន និងបានបញ្ជូនទៅ សាលាដំបូងខេត្តកំពង់ចាមរួចហើយ ដើម្បីបន្តនីតិវិធីតាមផ្លូវច្បាប់។
២- ចំពោះក្មេងស្រី ដែលជាជនរងគ្រោះគឺរដ្ឋបាលខេត្តកំពង់ចាម កំពុងសហការជាមួយក្រសួងសង្គមកិច្ច អតីតយុទ្ធជន និងយុវនីតិសម្បទា ដើម្បីផ្តល់នូវការគាំពារផ្សេងៗ។ រដ្ឋបាលខេត្ត ក៏បានចាត់ គណៈកម្មាធិការប្រយុទ្ធប្រឆាំងអំពើជួញដូរមនុស្សខេត្តកំពង់ចាម បានជួបផ្ទាល់ជាមួយជនរងគ្រោះ និងក្រុមគ្រួសារ នៅថ្ងៃ នេះ ផងដែរ។
រដ្ឋបាលខេត្តកំពង់ចាម សូមថ្លែងអំណរគុណដល់សាធារណៈជន ដែលបានសម្តែងនូវការ ខ្វាយខ្វល់ យកចិត្តទុកដាក់ដល់សុខទុក្ខរបស់ផងជនរងគ្រោះ។ ជាមួយគ្នានេះ រដ្ឋបាលខេត្ត សូមស្នើឲ្យបញ្ឈប់ ការចែកចាយព័ត៌មាននេះ ដើម្បីចូលរួមគាំពារដល់កិត្តិយសជនរងគ្រោះ និងក្រុមគ្រួសារ។
តាមរយៈបណ្តាញសង្គមហ្វេសប៊ុក បានបញ្ជាក់ថា ក្រុមគ្រួសារជនរងគ្រោះបានសំណូមពរ លោក អ៊ុន ចាន់ដា អភិបាលខេត្តកំពង់ចាម សូមលោកអុំជួយរកយុត្តិធម៌ឲ្យក្មួយស្រីម្នាក់នេះផង គ្នាជាកូនកំព្រា កូនអ្នកក្ររស់នៅសព្វថ្ងៃជាមួយយាយតាឈ្មោះ ចាន់ សាវ៉ែន គាត់ត្រូវបាន ទទួលមរណភាពទៅហើយ។ ឥឡូវគ្នាកំពុងតែពេញរៀននៅសាលាពាមកោះស្នា ក៏ត្រូវបានឪពុកចុងចិត្តតិរច្ឆាន ឈ្មោះ សាំង ធារ៉ា អាយុ៣២ដែលបានចាប់ រំលោភ ធ្វើបាបក្មួយស្រី អាយុ17ឆ្នាំ បណ្តាលឲ្យមាន ផ្ទៃពោះ៦ខែហើយ ចង់ឱ្យលោកអុំជួយអន្តរាគមន៍ប្រាប់ មន្ទីរពេទ្យខេត្ត កំពង់ចាម ឱ្យជួយយកកូនចេញពីក្នុងផ្ទៃពោះផង គ្នាចង់នៅរៀនបន្តទៀត រស់នៅសព្វថ្ងៃនៅ ភូមិព្រែកស្តី ឃុំព្រះអណ្តូង ស្រុកស្ទឹងត្រង់៕
