Author: Admin

សៀមរាប៖ព្រឹកថ្ងៃទី១៥ ខែមករា ឆ្នាំ២០២៥ ឯកឧត្តម នាយឧត្តមសេនីយ៍ គឹម ប៊ុនថាន រដ្ឋមន្ត្រីប្រតិភូអមនាយករដ្ឋមន្ត្រី បានជួបសំណេះសំណាល និងពាំនាំនូវការផ្តាំផ្ញើសួរសុខទុក្ខ ព្រមទាំងប្រគល់នូវគោយន្ត ចំនួន ១២គ្រឿង ដែលជាអំណោយដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត។ ជូន អង្គភាពចំណុះទីបញ្ជាការកងពលធំអន្តរាគមន៍លេខ២ តាមរយៈឧត្តមសេនីយ៍ឯក កែវ ធី មេបញ្ជាការកងពលធំអន្តរាគមន៍លេខ២ សម្រាប់បម្រើការងារនៅក្នុងអង្គភាព ក៏ដូចជាជួយប្រជាពលរដ្ឋក្នុងមូលដ្ឋាន។នេះជាការយកចិត្តទុកដាក់ដ៏ខ្ពង់ខ្ពស់ និងជាប់ជាប្រចាំរបស់ សម្តេចបវរធិបតី នាយករដ្ឋមន្ត្រី និង លោកជំទាវបណ្ឌិត ដើម្បីជួយសម្រួលនូវតម្រូវការចាំបាច់នានា ក្នុងផ្នែកកសិកម្ម ទាំងសម្រាប់អង្គភាព ព្រមទាំងជួយប្រជាពលរដ្ឋ ក្នុងគោលដៅជំរុញផលិតកម្ម និងជួយលើកស្ទួយជីវភាពប្រជាពលរដ្ឋមូលដ្ឋានឱ្យកាន់តែប្រសើរផងដែរ

ភ្នំពេញ​៖​ ក្រសួងធនធានទឹក​ និង​ឧតុនិយម​ នាព្រឹក​ងថ្ងៃ​ទី​១៥​ ខែមករា​ ឆ្នាំ​២០២៥បានចេញសេចក្ដីជូនដំណឹង​ស្តីពីស្ថានភាពអាកាសធាតុនៅព្រះរាជាណាចក្រកម្ពុជា។ ខណៈ​សម្ពាធខ្ពស់នៅបន្តមានឥទ្ធិពលខ្លាំងលើរបបខ្យល់មូសុងឦសានដែលគ្របដណ្តប់លើ សមុទ្រចិនខាងត្បូង អាងទន្លេមេគង្គ និងព្រះរាជាណាចក្រកម្ពុជា។សេចក្តីជូនដំណឹងបានបញ្ជាក់ថា​ស្ថានភាពបែបនេះនឹងធ្វើឱ្យ៖ ចាប់ពីថ្ងៃទី១៥ដល់ថ្ងៃទី១៧ ខែមករា ឆ្នាំ២០២៥។១-តំបន់វាលទំនាប៖សីតុណ្ហភាពមធ្យមអប្បបរមា២០°C និងសីតុណ្ហភាពមធ្យមអតិបរមា៣២°C។ ខ្យល់ បក់មកពីទិសឦសាននិងបូព៌ាមានល្បឿនមធ្យម៤ម៉ែត្រ /វិនាទី។២-តំបន់ខ្ពង់រាប៖ សីតុណ្ហភាពមធ្យមអប្បបរមា១៩°C និងសីតុណ្ហភាពមធ្យមអតិបរមា៣២°C។ ខ្យល់ បក់មកពីទិឦសាន និងបូពីមានល្បឿនមធ្យម៤ម៉ែត្រ វិនាទី។៣-តំបន់មាត់សមុទ្រ៖សីតុណ្ហភាពមធ្យមអប្បបរមា២០°C និងសីតុណ្ហភាពមធ្យមអតិបរមា៣២°C។ ខ្យល់ បក់មកពីទិសឦសាន និងអាគ្នេយ៍មានល្បឿនមធ្យម៥ម៉ែត្រ/វិនាទី។-រលកសមុទ្រមានកម្ពស់មធ្យមអប្បបរមា០,៥០ម៉ែត្រនិងកម្ពស់មធ្យមអតិបរមា១,២៥ម៉ែត្រ៕

ភ្នំពេញ៖ កម្លាំងនគរបាលប៉ុស្តិ៍រដ្ឋបាលបឹងកក់ទី១នៃអធិការដ្ឋាននគរបាលខណទួលគោកបានស្រាវជ្រាវឃាត់ខ្លួនជនសង្ស័យម្នាក់ពីបទបន្លំចូលលួចគ្រឿងអលង្ការ ពេលគេមមាញឹកកំពុងរៀបពិធីមង្គលការកាលពីថ្ងៃទី២៨ខែកុម្ភៈ ឆ្នាំ២០២៤កន្លងទៅដែលប្រព្រឹត្តនៅផ្ទះរៀបពិធីមង្គលការផ្ទះលេខ៣៤ ផ្លូវលេខ៣៥១ ក្រុមទី៧ ភូមិ២សង្កាត់បឹងកក់ទី១ ខណ្ឌទួលគោក រាជធានីភ្នំពេញ។ មន្រ្តីនគរបាលខណ្ឌទួលគោក បានឲ្យដឹងថា ជនសង្ស័យឈ្មោះឈឿន វាសនា ហៅស្នា ភេទប្រុស អាយុ៣០ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅមិនពិតប្រាកដ មានទីកន្លែងកំណើត សង្កាត់ស្រះចក ខណ្ឌដូនពេញ ក្រុងភ្នំពេញ។ចំណែកជនរងគ្រោះឈ្មោះ ហួត ចាន់រដ្ឋា ភេទប្រុស អាយុ៣៤ឆ្នាំ ជនជាតិខ្មែរ មុខរបរ បុគ្គលិកក្រុមហ៊ុន មិតហ្វូន ស្នាក់នៅផ្ទះលេខ៣៤ ផ្លូវលេខ៣៥១ ក្រុមទី៧ ភូមិ២ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។វត្ថុតាងចាប់យកបានមាន ៖ គ្រឿងអលង្ការចិញ្ចៀនមាស១វង់ទម្ងន់១ជី ,ចិញ្ចៀនប្លាទីន១វង់ទម្ងន់៣ជី ,ចិញ្ចៀនប្រាក់ដាំត្បូងពណ៌ស្វាយ១វង់ ខ្សែកប្លាទីន១ខ្សែទម្ងន់២ជី ,ខ្សែកប្លាទីនស១ខ្សែទម្ងន់២ជី ,ក្រវឹលប្លាទីន២គូ ទម្ងន់១ជី , បណ្តោងដាំត្បូងពណ៌ស្វាយចំនួន៧ ,បណ្ដោងរូបព្រះ១ សរុបតម្លៃ ប្រហែល ២៥០០$ ហើយក៏បានធប្រគល់ឱ្យម្ចាសដើមវិញ តាមការស្នើសុំដោយមានការឯកភាពពីលោក រៀល សុភិន ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ។ ក្រោយឃាត់ខ្លួន សមត្ថកិច្ចធ្វើតេស្តិ៍ទឹកនោមជនសង្ស័យឈ្មោះ ឈឿន វាសនា ហៅ ស្នារូបនេះ លទ្ធផលមានសារធាតុញៀន។បន្ទាប់មកជនសង្ស័យខាងលើត្រូវសមត្ថកិច្ចឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួរហើយ កសាងសំណុំរឿងនឹងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមច្បាប់៕

ខេត្តបាត់ដំបង៖ ក្រុមការងារព័ត៌មាននិងប្រតិកម្មរហ័ស នៃស្នងការដ្ឋាននគរបាលខេត្តបាត់ដំបងមានកិត្តិយសសូមគោរពជម្រាបជូនសាធារណជនបានជ្រាបថាកាលពីថ្ងៃទី១៤ខែ មករា ឆ្នាំ២០២៥ ម្ចាស់គណនីហ្វេសប៊ុកឈ្មោះហេងហៃផេង បានសរសសេរបង្ហោះក្នុងគណនីរបស់ខ្លួនពីករណីបាត់កូនរបស់គាត់ដែលជាសិស្សរៀននៅសាលាគថ្លង់ចំពោះក្មេងដែលប្រកាសបាត់កូនបង្ហោះតាម facebookសមត្ថកិច្ចរកឃើញសពអណ្តែតក្នុងទឹកស្ទឹងសង្កែ ខេត្តបាត់ដំបង៖ ក្រុមការងារព័ត៌មាននិងប្រតិកម្មរហ័ស នៃស្នងការដ្ឋាននគរបាលខេត្តបាត់ដំបងមានកិត្តិយសសូមគោរពជម្រាបជូនសាធារណជនបានជ្រាបថាកាលពីថ្ងៃទី១៤ខែ មករា ឆ្នាំ២០២៥ ម្ចាស់គណនីហ្វេសប៊ុកឈ្មោះហេងហៃផេង បានសរសសេរបង្ហោះក្នុងគណនីរបស់ខ្លួនពីករណីបាត់កូនរបស់គាត់ដែលជាសិស្សរៀននៅសាលាគថ្លង់ចំពោះក្មេងដែលមានបញ្ហាខាងស្មារតីស្ថិតក្នុងសង្កាត់ស្វាយប៉ោក្រុងបាត់ដំបង។ ក្រោយទទួលបានព័ត៌មាននេះ លោកឧត្តមសេនីយ៍ទោដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្ត បាត់ដំបង បានបញ្ជាដល់សមត្ថកិច្ចក្នុងផែនជំនាញ និងអង្គភាពពាក់ព័ន្ធបានស្រាវជ្រាវជាបន្ទាន់ លើករណី នេះ។ក្នុងនោះបានសាកសួរស្រាវជ្រាវព័ត៌មានពី អាណាព្យាបាលនិងពីអ្នកនៅទីកន្លែងដែល ក្មេងខាងលើមានវត្តមានមុនពេលកើតហេតុ។ លុះម៉ោង១៦ថ្ងៃទី១៤ ខែមករាសមត្ថកិច្ចបានសហការជាមួយអាណាព្យាបាលនិងអ្នកពាក់ព័ន្ធពិនិត្យមនៅម្តុំទឹកស្ទឹងសង្កែ ដែលមានការសង័្សយអំពីបញ្ហានេះហេីយ រហូតវេលាម៉ោង១៦និង ៣០នាទីនេះ ក្មេងដែលសង័្សយថា បាត់នោះត្រូវបានរកឃេីញសពហេីយគឹនៅក្នុងទឹកស្ទឹងសង្កែ។ ក្មេង ប្រុសរូបនេះបានបាត់បង់ជីវិត។ ទន្ទឹមនឹងបញ្ហាមួយនេះ ក៏បានកត់ សម្គាល់ឃើញមាន ការផ្សព្វផ្សាយនិងចែករំលែកតាមបណ្តាញសង្គមយ៉ាងផុលផុស ពីករណីបាត់ក្មេង ឬការសង័្សយនានាដែលការផ្សព្វផ្សាយនោះមិនមានមូលដ្ឋានឱ្យពិតប្រាកដនៅឡើយ។ ដែលជាហែតុនាំបង្កឱ្យមានការភាន់ច្រឡំ ពីមជ្ឈដ្ឋាន មហាជនទូទៅនិងមានចំណែក ជាព័ត៌មានដែលមានចេតនាបំពុលបរិយា កាសសង្គមទៅវិញ។ ដូចបានជម្រាបជូនខាងលើសូមសាធារណជនមេត្តាជ្រាបជាព័ត៌មាននិង បន្តចូលរួមសហការជាមួយសមត្ថកិច្ចជាបន្តទៀត៕មានបញ្ហាខាងស្មារតីស្ថិតក្នុងសង្កាត់ស្វាប៉ោក្រុងបាត់ដំបង។ ក្រោយទទួលបានព័ត៌មាននេះ លោកឧត្តមសេនីយ៍ទោដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្ត បាត់ដំបង បានបញ្ជាដល់សមត្ថកិច្ចក្នុងផែនជំនាញ និងអង្គភាពពាក់ព័ន្ធបានស្រាវជ្រាវជាបន្ទាន់ លើករណី នេះ។ក្នុងនោះបានសាកសួរស្រាវជ្រាវព័ត៌មានពី អាណាព្យាបាលនិងពីអ្នកនៅទីកន្លែងដែល ក្មេងខាងលើមានវត្តមានមុនពេលកើតហេតុ។ លុះម៉ោង១៦ថ្ងៃទី១៤ ខែមករាសមត្ថកិច្ចបានសហការជាមួយអាណាព្យាបាលនិងអ្នកពាក់ព័ន្ធពិនិត្យមនៅម្តុំទឹកស្ទឹងសង្កែ ដែលមានការសង័្សយអំពីបញ្ហានេះហេីយ រហូតវេលាម៉ោង១៦និង ៣០នាទីនេះ ក្មេងដែលសង័្សយថា បាត់នោះត្រូវបានរកឃេីញសពហេីយគឹនៅក្នុងទឹកស្ទឹងសង្កែ។ ក្មេង ប្រុសរូបនេះបានបាត់បង់ជីវិត។ ទន្ទឹមនឹងបញ្ហាមួយនេះ ក៏បានកត់ សម្គាល់ឃើញមាន ការផ្សព្វផ្សាយនិងចែករំលែកតាមបណ្តាញសង្គមយ៉ាងផុលផុស ពីករណីបាត់ក្មេង ឬការសង័្សយនានាដែលការផ្សព្វផ្សាយនោះមិនមានមូលដ្ឋានឱ្យពិតប្រាកដនៅឡើយ។ ដែលជាហែតុនាំបង្កឱ្យមានការភាន់ច្រឡំ ពីមជ្ឈដ្ឋាន មហាជនទូទៅនិងមានចំណែក ជាព័ត៌មានដែលមានចេតនាបំពុលបរិយា កាសសង្គមទៅវិញ។ ដូចបានជម្រាបជូនខាងលើសូមសាធារណជនមេត្តាជ្រាបជាព័ត៌មាននិង បន្តចូលរួមសហការជាមួយសមត្ថកិច្ចជាបន្តទៀត៕

ខេត្តកំពង់ចាម៖ កម្លាំងអាវុធហត្ថខេត្តកំពង់ចាម នៅថ្ងៃទី ១២ ខែមករា ឆ្នាំ២០២៥ នេះ បានប្របត្តិការបង្រ្កាបករណីជួញដូរដោយខុសច្បាប់នូវសារធាតុញៀន ១ ករណី ឃាត់ខ្លួនជនសង្ស័យ៤នាក់ និងវត្ថុតាងមួយ ចំនួន នៅភូមិតាណេង សង្កាត់សំបួរមាស ក្រុងកំពង់ចាម ខេត្តកំពង់ចាម។មន្ត្រីកងរាជអាវុធហត្ថបានឲ្យដឹងថា នៅថ្ងៃបង្ក្រាប កម្លាំងជំនាញមន្ទីរស្រាវជ្រាវ និង បង្ក្រាបបទល្មើស នៃកងរាជអាវុធហត្ថខេត្តកំពង់ចាម បានសហការជាមួយកម្លាំងមូលដ្ឋានកងរាជអាវុធហត្ថក្រុងកំពង់់់ចាម និងបានចុះបង្ក្រាប ករណីជួញដូរដោយខុសច្បាប់នៅសារធាតុញៀន នៅចំណុចភូមិតាណេង សង្កាត់សំបួរមាសក្រុងកំពង់ចាម ខេត្តកំពង់ចាម ឃាត់ខ្លួនជនសង្ស័យបានចំនួន៤នាក់ ។ មន្ត្រីអាវុធហត្ថបានបញ្ជាក់ថា ក្នុងប្រតិបត្តិការនោះសមត្ថកិច្ចបានដកហូតវត្ថុតាងមាន÷ ម្សៅក្រាមសថ្លាចំនួន ០៤ កញ្ចប់ ទម្ងន់៣.៣២ក្រាម ថ្លឹងទាំងសំបកថង់ ទូរសព្ទដៃចំនួន ០៣ គ្រឿង (Oppo) ម៉ូតូចំនួន០១គ្រឿង ម៉ាកហុងដាឌ្រីម សេរីឆ្នាំ២០១៩ ពាក់ស្លាកលេខ ក្រចេះ 1C-6406 ដាវសាំម៉ូរ៉ៃចំនួន ០១ដើម ដែកចំពុះទង់ចំនួន០១ កាំបិតបន្ទួស១ដើម ស្នាប់ដៃ១ ដែកឆាប១ ថង់សម្រាប់វេចខ្ចប់គ្រឿងញៀន រួមឧបករណ៍សេពគ្រឿងញៀន មួយចំនួន ។បន្ទាប់មកជនសង្ស័យ និងវត្ថុតាងត្រូវបានបញ្ជូនទៅបញ្ជាការដ្ឋានកងរាជអាវុធហត្ថខេត្តកំពង់ចាមដើម្បីបន្តនីតិវិធី៕

ភ្នំពេញ៖ ព្រះរាជពិធីច្រត់ព្រះនង្គ័លឆ្នាំនេះ គ្រោងនឹងធ្វើឡើងខែឧសភាឆ្នាំ២០២៥ នៅភូមិកោះនរា សង្កាត់និរោធ ខណ្ឌច្បារអំពៅ រាជធានីភ្នំពេញ លើផ្ទៃដីជាងមួយហិកតា ។ដើម្បីត្រៀមកន្លែងរៀបចំព្រះរាជពិធីនេះកាលពីរសៀលថ្ងៃទី១៣ ខែមករា ឆ្នាំ២០២៥ ឯកឧត្ដម ឃួង ស្រេង អភិបាល រាជធានី ភ្នំពេញ បានអមដំណើរ សម្តេចមហាមន្ត្រី គុយ សុផល ឧបនាយករដ្ឋមន្រ្តនិងជារដ្ឋមន្ត្រីក្រសួងព្រះបរមរាជវាំងបាន ដឹកនាំ មន្ត្រីជំនាញ ពាក់ព័ន្ធមួយចំនួនបានអញ្ជើញចុះ ពិនិត្យទីតាំង ព្រះ រាជពិធី ដែលស្ថិតនៅលើកោះនរា សង្កាត់និរោធ ខណ្ឌច្បារអំពៅ។ ក្នុងឱកាសនោះក្រុមការងារបានវាស់វែងទីតាំងលើផ្ទៃដីប្រមាណជាងមួយហិកតា នៅជាប់ខាងត្បូង ឈាងខាងកើតស្ពានកោះនរា ស្ថិតនៅក្នុងភូមិកោះនរា សង្កាត់និរោធ ខណ្ឌច្បារអំពៅ។ ក្នុងទំហំផ្ទៃដីនេះសម្តេចមហាមន្ត្រី គុយ សុផល ក៏ដូចឯកឧត្ដម ឃួង ស្រេង បានណែនាំឱ្យផ្នែកជំនាញរុះរើរោងនិងតង់លក់អាហារចេញនិងណែនាំឱ្យ ដាំស្មៅក្នុងទីតាំងនេះឱ្យបានស្រស់ស្អាតផងដែរ។ សូមបញ្ជាក់ថា៖ ព្រះរាជពិធី ច្រត់ព្រះនង្គ័លកម្ពុជាគឺជាព្រះរាជពិធីបុណ្យប្រពៃណីជាតិមួយ ដែលប្រារព្ធឡើងនៅថ្ងៃ៤រោច រៀងរាល់ខែ ពិសាខត្រូវនិងខែ (ឧសភា) ដែលកំណត់តាម ប្រតិទិនព្រះពុទ្ធសាសនា តាមដំណើរគោលចររបស់ព្រះចន្ទ ដែលរាប់តាមរង្វាស់នៃឆ្នាំ ចន្ទគតិ នៅក្នុងវប្បធម៌របស់កម្ពុជា ពិធីបុណ្យនេះត្រូវបានគេហៅថា ពិធីបុណ្យចាប់ផ្ដើមនូវរដូវដាំដុះ ដែលស្ថាប័នព្រះបរមរាជវាំង នឹង រៀបចំឱ្យមានកិច្ចភ្ជួរព្រះស្រែដើម្បីជានិមិត្តរូប ក្នុងការចាប់ផ្ដើមរបរកសិកម្ម ៕

ភ្នំពេញ ៖ អ្នកនាំពាក្យក្រសួងសាធារណការបានបញ្ជាក់ថា៖នៅលើទ្រូងផ្លូវដែលមានគំនូសសញ្ញាពណ៌លឿងខឿនឬសួនបែងចែកទិសចរាចរណ៍មាន ៤គន្លង អ្នកបើកបររថយន្ត ត្រូវបើកបរតាមគន្លងផ្លូវខាងឆ្វេង ជាប់នឹងខឿនបែងចែកទិសចរាចណ៍ ចំពោះអ្នកបើកបរយានសាមញ្ញ ត្រូវបើកបរតាមគន្លងផ្លូវខាងស្តាំ ជាប់នឹងចិញ្ចើមផ្លូវ។ នេះជាការបញ្ជាក់ពីលោក ផន រឹម អ្នកនាំពាក្យ និងជាអនុរដ្ឋលេខាធិការ ក្រសួងសាធារណការ និងដឹកជញ្ជូនកាលពីរសៀលថ្ងៃទី១៣ខែមករា ឆ្នាំ២០២៥ ។លោកអនុរដ្ឋលេខាធិការ បានបន្តថា ៖ អ្នកបើកបររថយន្ត អាចបើកបរតាមគន្លងផ្លូវខាងស្តាំ ជាប់នឹងចិញ្ចើមផ្លូវបាន ក្នុងករណីចរាចរណ៍មមាញឹក និងបើកបរក្នុងល្បឿនយឺត។ – នៅលើទ្រូងផ្លូវ ដែលមានគំនូសសញ្ញាពណ៌លឿង ខឿន ឬសួនបែងចែកទិសចរាចរណ៍មាន ៦គន្លង អ្នកបើកបររថយន្តត្រូវបើកបរតាមគន្លងផ្លូវកណ្ដាល លើកលែងតែការជែង អាចបើកបរតាម គន្លងផ្លូវខាងឆ្វេង ជាប់នឹងខឿនបែងចែកទិសចរាចរណ៍។ ក្នុងករណីចរាចរណ៍មមាញឹក អ្នកបើកបររថយន្ត អាចបើកបរបានតាមគន្លងផ្លូវទាំង២ រាប់ពីខឿនបែងចែកទិសចរាចរណ៍។ ដោយឡែករថយន្តធុនធ្ងន់ ត្រូវប្រកាន់យកគន្លងផ្លូវកណ្តាល។ ក្នុងករណីនេះ រថយន្តនៅតាមគន្លងផ្លូវណាមួយបើកបរ លឿនជាង មិនចាត់ទុកជាការជែងឡើយ ចំពោះអ្នកបើកបរយានសាមញ្ញ ត្រូវបើកបរតាមគន្លងផ្លូវខាងស្តាំ ជាប់នឹងចិញ្ចើមផ្លូវ ៕

ភ្នំពេញ​៖​ ក្រសួងធនធានទឹក​ និង​ឧតុនិយម​ព្រឹក​ថ្ងៃ​ទី​១៤​ ខែមករា​ ឆ្នាំ​២០២៥នេះ​ បានចេញសេចក្ដីជូនដំណឹង​ស្តីពីស្ថានភាពធាតុអាកាសនៅកម្ពុជា សម្រាប់ថ្ងៃទី១៤ខែមករា​នេះ​ ខណៈ​សម្ពាធខ្ពស់នៅបន្តមានឥទ្ធិពលខ្លាំងលើរបបខ្យល់មូសុងឦសានដែលគ្របដណ្តប់ល សមុទ្រចិនខាងត្បូង អាងទន្លេមេគង្គ និងព្រះរាជាណាចក្រកម្ពុជា។សេចក្តីជូនដំណឹងបានបញ្ជាក់ថា​ ស្ថានភាពបែបនេះនឹងធ្វើឱ្យ៖ចាប់ពីថ្ងៃទី១៤ ដល់ថ្ងៃទី១៦ ខែមករា ឆ្នាំ២០២៥១-តំបន់វាលទំនាប៖សីតុណ្ហភាពមធ្យមអប្បបរមា១៩°C និងសីតុណ្ហភាពមធ្យមអតិបរមា៣២°C។ ខ្យល់ បក់មកពីទិសឦសាន និងបូព៌ាមានល្បឿនមធ្យម៥ម៉ែត្រវិនាទី។ ២-តំបន់ខ្ពង់រាប៖ សីតុណ្ហភាពមធ្យមអប្បបរមា១៨°C និងសីតុណ្ហភាពមធ្យមអតិបរមា៣១°C។ ខ្យល់ បក់មកពីឦសាន និងបូព៌មានល្បឿនមធ្យម៤ម៉ែត្រ/វិនាទី។ ៣-តំបន់មាត់សមុទ្រ៖ -សីតុណ្ហភាពមធ្យមអប្បបរមា២០°C និងសីតុណ្ហភាពមធ្យមអតិបរមា៣២°C។ ខ្យល់ បក់មកពីទិសឦសាន និងអាគ្នេយ៍ មានល្បឿនមធ្យម៥ម៉ែត្រ វិនាទី។ -រលកសមុទ្រមានកម្ពស់មធ្យមអប្បបរមា០,៥០ម៉ែត្រនិងកម្ពស់មធ្យមអតិបរមា១,២៥ម៉ែត្រ៕

ភ្នំពេញ ៖ តាមច្បាប់ស្ដីពីពន្ធនាគារជនជាប់ឃុំសំដៅដល់ជនត្រូវចោទ ឬជនជាប់ចោទ ឬពិរុទ្ធជន ឬទណ្ឌិតដែលត្រូវបានបញ្ជូនទៅឃុំខ្លួននៅក្នុងពន្ធនាគារ តាមលិខិតឃុំខ្លួនចេញដោយអាជ្ញាធរតុលាការ។ជនជាប់ឃុំត្រូវបានអនុញ្ញាតឱ្យគ្រួសារឬញាតិមិត្តមកសួរសុខទុក្ខតាមការកំណត់ លើកលែងមានការហាមឃាត់ពីអាជ្ញាធរតុលាការ។ នេះបើតាមលោកបណ្ឌិតទូចសុឃៈ អ្នកនាំពាក្យរងក្រសួងមហាផ្ទៃ។កន្លងមកមានសាធារជនមួយចំនួនបានស្នើសុំក្រុមព័ត៌មាន ជួយបញ្ជាក់អំពីករណីសួរសុខទុក្ខអ្នកជាប់ឃុំជាពិសេសត្រង់ចំណុចត្រូវធ្វើ ឬមិនត្រូវធ្វើ ដើម្បីម្ចៀសផុតពីកំហុសឆ្គងនិងម្យ៉ាងដើម្បីឱ្យសសាធារណជនផ្សេងទៀតបានដឹង ដោយសារពួកគាត់ត្រូវធ្វើដំណើរឡើងចុះ ជិតឆ្ងាយមកសួរសុខទុក្ខសាច់ញាតិក្នុងពន្ធនាគា ឬមណ្ឌលអប់រំកែប្រែ និងនៅពេលពួកគាត់ចង់ផ្ញើរបស់របរផ្សេងៗជាដើម។ លោកបណ្ឌិត ទូចសុឃៈ ថ្លែងថា អ្នកសួរសុខទុក្ខជនជាប់ឃុំ មិនត្រូវយកវត្ថុ ឬសម្ភារហាមឃាត់ ដូចជាអាវុធ គ្រឿងញៀន និងគ្រឿងស្រវឹង ជាដើម ចូលពន្ធនាគារឡើយ។ ដោយចំណុចហាមឃាត់នេះ មានលម្អិតក្នុងបទបញ្ជាផ្ទៃក្នុងពន្ធនាគារ។ ក្នុងករណីមានឧប្បត្តិហេតុចៃដន្យកើតឡើង អ្នកសួរសុខទុក្ខជនជាប់ឃុំ អាចត្រូវបានហាមឃាត់បញ្ឈប់ ឬឱ្យចេញជាបណ្ដោះអាសន្នពីពន្ធនាគារ ហើយក្នុងករណីអ្នកសួរសុខទុក្ខជនជាប់ឃុំធ្វើសកម្មភាពនាំឱ្យប៉ះពាល់ដល់សណ្ដាប់ធ្នាប់ សន្និសុខ សុវត្ថិភាពពន្ធនាគារ ត្រូវឃាត់ខ្លួននិងចាត់វិធានការតាមផ្លូវច្បាប់។ ដោយឡែក សម្រាប់ការសួរសុខទុក្ខអ្នកជាប់ឃុំជាជនបរទេសលោកបណ្ឌិត ទូច សុឃៈ បានលើកយក មាត្រា៥៦នៃច្បាប់ស្ដីពីពន្ធនាគារ មកបញ្ជាក់ថា សម្រាប់មន្រ្តីស្ថានទូតកុងស៊ុល ឬស្ថានតំណាងដែលមានបំណងចូលជួបសួរសុខទុក្ខជន ជាប់ឃុំជាពលរដ្ឋរបស់ខ្លួន ឬពលរដ្ឋខ្លួនដែលធ្វើជាតំណាង ត្រូវជូនដំណឹងជាមុនទៅអគ្គនាយកដ្ឋានពន្ធនាគារ។ ដោយឡែកសម្រាប់គ្រួសារ ឬញាតិមិត្តជាជនបរទេសដែលមានបំណងចូលជួបសួរសុខទុក្ខត្រូវស្នើមកអគ្គនាយកដ្ឋានពន្ធនាគារ តាមរយៈស្ថានទូត ស្ថានកុងស៊ុល ឬស្ថានតំណាងរបស់ខ្លួន។ សូមបញ្ជាក់ថា នៅកម្ពុជា ពន្ធនាគារទូទាំងប្រទេស ត្រូវបានគ្រប់គ្រងយ៉ាងល្អប្រសើរ។ សាច់ញាតិអ្នកជាប់ឃុំ ត្រូវបានមន្រ្តីពន្ធនាគារ សម្របសម្រួលឱ្យចូលសួរសុខទុក្ខញាតិមិត្តរបស់ខ្លួនតាមការអនុញ្ញាតរបស់ច្បាប់យ៉ាងមានរបៀបរៀបរយ ដោយធានាបានទាំងសិទ្ធិអ្នកជាប់ឃុំ និងសន្តិសុខក្នុងពន្ធនាគារ។ អ្នកនាំពាក្យរងក្រសួងមហាផ្ទៃ បានបន្ថែមថា ពន្ធនាគារនៅកម្ពុជា មិនមែនជាកន្លែងធ្វើទារុណកម្មទេ ។ប៉ុន្តែជាកន្លែងអប់រំកែប្រែ និងផ្ដល់ចំណេះជំនាញវិជ្ជាជីវៈ ដោយមានកិច្ចសហការជាមួយដៃគូជាតិ និងអន្តរជាតិ ដើម្បីធានាថាអ្នកជាប់ឃុំនឹងក្លាយជាពលរដ្ឋល្អក្នុងសង្គម ក្រោយអនុវត្តទោសរួច៕

ភ្នំពេញ​៖យុវជន​២នាក់​បានជិះ​ម៉ូតូមួយគ្រឿងបាន​វ៉ាជែង​បញ្ច្រាស​ទិស​​ចរាចរណ៍​ទៅ​ផ្លូវ​ម្ខាងទៀតក៏​បុក​ជាមួយម៉ូតូមួយគ្រឿងទៀត​ជិះ​ដោយ​យុវជន​២នាក់បានបុកគ្នា​ពេញ​ទំហឹង​បណ្ដាល​ឲ្យស្លាប់​ម្នាក់​និង​របួស​ធ្ងន់​​៣នាក់​  ។ គ្រោះថ្នាក់ចរាចរណ៍នេះ​បាន​កើត​ឡើង​នៅ​ជិត​រង្វង់​មូល​ព្រះនរាយ៍ ​ផ្លូវ​ជាតិ​លេខ​២​ សង្កាត់​ចាក់​អង្រែ​ក្រោម​ ខណ្ឌ​មានជ័យ​រាជធានី​ភ្នំពេញ​កាលពីម៉ោង១០យប់ថ្ងៃទី១២ ខែមករា ឆ្នាំ២០២៥។ មន្ត្រីនគរបាលបានឲ្យដឹងថាសព ​អ្នកស្លាប់ឈ្មោះ​ នុន​ ម៉េង​ហៀង​ ភេទប្រុស​ អាយុ​១៨ឆ្នាំ​ មុខរបរ​ ដឹក​ជញ្ជូន​ឥវ៉ាន់​អន​ឡាញ​ ស្នាក់​នៅ​ភូមិ​លេខ​៤​ សង្កាត់​ស្វាយ​រលំ​ ក្រុង​តាខ្មៅ​ ។ប្រភពដដែលបានបន្តថាបាន​ឲ្យ​ដឹង​ថា​ មុន​កើត​ហេតុ​គេបាន​ឃើញ​យុវជន​២នាក់​បានជិះ​ម៉ូតូ​ម៉ាកហុងដា​ឌ្រីម​ពណ៌​ខ្មៅ​ ពាក់​ផ្លាក​លេខ​ ភ្នំពេញ​ 1GL 1337​ធ្វើ​ដំណើរ​តាម​​ផ្លូវ​ជាតិ​លេខ​២​​ពី​ត្បូង​ទៅ​ជើង​។លុះមក​ដល់​ចំណុច​កើត​ហេតុ​ ស្រាប់​តែ​មាន​យុវជន​២នាក់​ទៀត​​ជិះ​ម៉ូតូ​ម៉ាក​ហុងដា​ឌ្រីម​ផ្លាក​លេខ​ ភ្នំពេញ​1LB 8896​ ​តាម​ប​ផ្លូវ​ជាតិ​លេខ​២ពីជើងទៅត្បូងយ៉ាងលឿន​ហើយបាន​វ៉ា​ជែង​ចូល​ទៅ​គន្លង​ផ្លូវ​ម្ខាងទៀតក៏​ ជ្រុល​ទៅ​បុក​​ម៉ូតូ​ហុងមកពីមុខ ពេញ​ទំហឹង​បណ្ដាល​ឲ្យ​ភាគី​ខាង​ម៉ូតូ​ហុងដា​ឌ្រីមដែល​ជិះ​បញ្ច្រាស​ទិសស្លាប់​ម្នាក់ដែល​ជា​អ្នក​បើក​ ចំណែក​បុរស​អង្គុយ​ខាង​ក្រោយ​រង​របួស​បាក់​ជើង​ម្ខាង​ត្រូវ​បាន​ដឹក​តាម​រថយន្ត​សាមុយ​យកទៅ​សង្គ្រោះ​នៅ​មន្ទីរពេទ្យ​កាល់​ម៉ែត្រ​  ។ រីឯភាគី​ម្ខាង​ទៀត​ម៉ូតូ​ហុងដា​ឌ្រីម​ស៊េរី​ឆ្នាំ២​០១៧ដែល​ជិះ​ផ្លូវ​ត្រង់​ រង​របួស​ធ្ងន់​​បាន​ដឹក​យក​ទៅ​សង្គ្រោះ​នៅ​មន្ទីរពេទ្យ​ដូច​គ្នា​  ។បន្ទាប់ពី​កេីត​ហេតុ​ សមត្ថកិច្ចមូលដ្ឋានបានប្រគល់ឲ្យ​សមត្ថកិច្ច​ចរាចរណ៍​ក្រុង​វាស់​វែង​យកម៉ូតូទាំង២គ្រឿង​ទៅ​រក្សា​ទុក​នៅ​ការិយាល័យ​នគរបាល​ចរាចរណ៍​ផ្លូវ​គោក​ដើម្បីដោះស្រាយពេលក្រោយ៕