Author: Admin
ខេត្តបន្ទាយមានជ័យ៖ រថយន្តតូវបានបុកចាមួយរថយន្តធំបណ្តាលឱ្យមនុស្ស២នាក់បានស្លាប់និងរថ២នាក់រងរបួសធ្ងន់។ហេតុការណ៍នេះបានកើតឡើងនៅយន្តនៅតាមបណ្ដោយផ្លូវជាតិលេខ៥ ត្រង់ន្លោះ បង្គោលគីឡូម៉ែត្រលេខ 373-374 ក្រៅទីប្រជុំជនចម្ងាយប្រហែល400ម៉ែត្រខាងលិចផ្លូវបែកជាបួន(សាលាក្រហម) ស្ថិតក្នុងភូមិសូរិយាថ្មី ឃុំកូប ស្រុកអូរជ្រៅវេលាកាលពីរំលងអធ្រាត្រចូលថ្ងៃទី៣០ខែវិច្ឆកាឆ្នាំ២០២៤ ។ មន្ត្រីនគរបាលបញ្ជាក់ឱ្យដឹងថា៖ គ្រោះថ្នាក់ចរាចរណ៍ខាងលើ រវាងរថយន្តតូចម៉ាក ហ្វតនិងរថយន្តធំម៉ាក ហ៊ីយ៉ាន់ដាយកូរ៉េ ៥តោនមានទិសដៅផ្ទុយគ្នាពីខាងលិចទៅកើត។មន្ត្រីដដែលបានបន្តថា ដំបូងរថយន្តតូចម៉ាកហ្វតផ្លាកលេខប.មានជ័យ2E .7218 បើកបរដោយឈ្មោះ ហ៊ុន សេរី ភេទប្រុស អាយុ ២៨ឆ្នាំ រស់នៅភូមិ អ្នកតា សង្កាត់ភ្នៀត ក្រុងសិរីសោភ័ណ និងអ្នករួមដំណើម្នាក់ឈ្មោះ ភ្លន់ រតនា ភេទប្រុស អាយុ ៣៧ឆ្នាំ រស់នៅភូមិឬស្សីក្រោក ស្រុកមង្គលបូរី បានបើកបរពីលិចទៅកើត។លុះមកដល់ចំណុចខាងលើបានរេចង្កូតទៅខាងឆ្វេងដៃបុកចំពីមុខរថយន្ត ធំម៉ាក HYANDAIកូរ៉េ ចំណុះ ៥តោន ផ្លាកលេខ 3E.8879.ដំណើរផ្ទុយគ្នា បើកពីកើតទៅលិចបើកបរដោយឈ្មោះ ចាន់ សារ៉ាវុធ ភេទប្រុស អាយុ ១៨ឆ្នាំ រស់នៅភូមិព្រៃបាសិន ឃុំបាស្រែ ស្រុកអង្គរបូរី ខេត្តតាកែវ និងអ្នករួមដំណើម្នាក់ឈ្មោះ ង៉ែត ងីម ភេទប្រុស អាយុ ២៤ឆ្នាំ រស់នៅភូមិថ្មី ឃុំជាំសង្កែ ស្រុកភ្នំស្រួច ខេត្តកំពង់ស្ពឺ បណ្ដាលឲ្យកើតមានគ្រោះថ្នាក់តែម្ដង។ រថយន្តទាំងពីរគ្រឿងមានមនុស្សចំនួនសរុប:៤នាក់ប្រុសស្លាប់ខាងរថយន្តធំអ្នករួមដំណើររងរបួសស្រាលម្នាក់ប្រុស។។ក្រោយកើតហេតុសមត្ថកិច្ចជំនាញស្រុកអូរជ្រៅបានចុះធ្វើកំណត់ហេតុបង្ហាញថាៈរថយន្តតូច ខូចខាតធ្ងន់ ,ចំពោះរថយន្តធំក៏ខូចខាតធ្ងន់ដែរ។បន្ទាប់ពីធ្វើការវាស់វែងសម្ភារនិងមធ្យោបាយទាំង២បានយកទៅរក្សាទុកនៅអធិការដ្ឋាននគរបាលស្រុកអូរជ្រៅដើម្បីបន្តនីតិវិធី។សមត្ថកិច្ចបញ្ជាក់ថា មូលហេតុ បណ្ដាលឲ្យគ្រោះថ្នាក់ មកពីអ្នកបើកបររថយន្តតូចផ្លាកលេខ2E.7218 បើកបរក្នុងល្បឿនលឿន ខ្ជីខ្ជា មិនមានការប្រុងប្រយ័ត្នទើបបណ្តាលឱ្យមានគ្រោះថ្នាក់កើតឡើង។ចំពោះអ្នករងរបួសដឹកមកសង្គ្រោះនៅមន្ទីរពេទ្យដីថ្មីក្រុងប៉ោយប៉ែត ៕
ភ្នំពេញ៖ លោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានឱ្យដឹងថា ករណីដុតភ្លើងធ្វើអត្តឃាតខ្លួនុំឯង នៅខណ្ឌទួលគោកនោះ បណ្ដាលឱ្យបុរសជនជាតិបារាំងម្នាក់ និងស្រ្តីខ្មែរម្នាក់បានស្លាប់ ក្នុងភ្នក់ភ្លើងយ៉ាងអាណោចអាធ័ម។គ្រោះអគ្គិភ័យនេះ បានកើតឡើងនៅវេលាម៉ោង១២ព្រឹកថ្ងៃទី៣០ ខែវិច្ឆិកា ឆ្នាំ២០២៤ ស្ថិតនៅបន្ទប់ជួលមួយកន្លែងផ្ទះលេខ៤៦ ផ្លូវ៥៥៨ ភូមិ១២ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។ លោកវរសេនីយ៍ឯក ព្រហ្ម យ៉ន បានឱ្យដឹងទៀតថា ក្រោយពីបានទទួលព័ត៌មាន ពីប្រជាពលរដ្ឋរាយការណ៍មកកាន់មន្ត្រីជំនាញថា មានករណីអគ្គិភ័យកំពុងឆាបឆេះផ្ទះមួយកន្លែង ដោយមានមនុស្សជាប់នៅខាងក្នុងផ្ទះ ភ្លាមៗនោះលោកបានបញ្ជាទៅរថយន្តពន្លត់អគ្គិភ័យគ្រប់បណ្តាលគោលដៅទាំងអស់ ត្រូវចេញរថយន្តពន្លត់អគ្គិភ័យជួយអន្តរាគមន៍ភ្លាមៗ។ លោកប្រធានការិយាល័យពន្លត់អគ្គីភ័យបាន បន្តថា ដោយនៅក្នុងប្រតិបត្តិការខាងលើនេះ កម្លាំងសមត្ថកិច្ចជំនាញ បានប្រើប្រាស់រថយន្តពន្លត់អគ្គិភ័យចំនួន១០គ្រឿ។ង ក្នុងនោះរួមមាន រថយន្តពន្លត់អគ្គិភ័យរបស់ការិយាល័យរាជធានីភ្នំពេញ ចំនួន១០គ្រឿង ប្រើប្រាស់ទឹកអស់១០ឡាន ស្មើរនឹង ៤០ម៉ែត្រគូប។ចំពោះគ្រោះអគ្គិភ័យខាងលើនេះ បានឆាបឆេះបន្ទប់ជួល ទំហំ (៥ម៉ែត្រ គុណ៦ម៉ែត្រ ) ចំនួន១បន្ទប់ងអស់ទាំងស្រុង។ រួមមានកង់១គ្រឿង, ម៉ូតូ១គ្រឿង និងសម្ភារប្រេីប្រាស់ក្នុងបន្ទប់ជួលអស់ទាំងស្រុង តែមិនបានឆេះរាលដាលដល់អ្នកផ្ទះក្បែរខាងឡើយ។ ករណីអគ្គិភ័យនេះ ត្រូវបានសមត្ថកិច្ចដាក់ការសង្ស័យជាករណីដុតភ្លើងធ្វើអត្តឃាតខ្លួនឯង។កម្លាំងសមត្ថកិច្ចជំនាញគ្រប់គ្រងបាននៅវេលាម៉ោង១ថ្ងៃត្រង់។ ក្នុងនោះបានបណ្តាលឱ្យមនុស្សចំនួន ០២នាក់ស្លាប់ គឺបុរសជនជាតិបារាំងម្នាក់ និងស្រី្តជនជាតិខ្មែរម្នាក់៕ គួរបញ្ជាក់ថា ចំពោះមូលហេតុដែលបណ្តាលឲ្យកើតមានគ្រោះអគ្គិភ័យខាងលើនេះ គឺបណ្តាលមកពីការដុតភ្លើងធ្វើអត្តឃាតសម្លាប់ខ្លួន៕
ពោធិ៍សាត់ ៖ លោក លឹម សុក្រឹត នាយរងផ្នែករដ្ឋបាលជលផលរាំងទិល ដឹកនាំមន្ត្រីក្រោមឱវ៉ាទ កម្លាំងចូលរួមមានៈ នគរបាលស្រុក នគរបាលប៉ុស្តិ៍ កងរាជអាវុធហត្ថស្រុក បរិស្ថាន មធ្យោបាយដោយកាណូត សហការចុះត្រួតពិនិត្យ ទប់ស្កាត់ និងបង្រ្កាបបទល្មើសជលផល ដោយបំផ្លាញចោលនូវឧបករណ៍ល្មើសច្បាប់ដែលជាវត្ថុតាង ២ករណីផ្សេងគ្នានៅឃុំមេទឹក ។ នាយរងផ្នែករដ្ឋបាលជលផលរាំងទិលបានឲ្យដឹងទៀតថា ការងារខាងលើធ្វើឡើងចំនួន០២គោលដៅ គោលដៅទី-១ ចាប់ពីចំណុចព្រែកក្រ ដល់ព្រែកក្បាលតោល ព្រំប្រទល់ ខេត្តបាត់ដំបង ស្ថិតនៅភូមិព្រែកក្រ និងគោលដៅទី-២ ត្រង់ចំណុចព្រែកក្អមសំណ ស្ថិតនៅភូមិក្អមសំណ នៃឃុំមេទឹក ស្រុកបាកាន ខេត្តពោធិ៍សាត់ ។ លោកបានឱ្យដឹងទៀតថា លទ្ធផល បំផ្លាញចោលនូវឧបករណ៍ដែលជាវត្ថុតាង រួមមាន ឧបករណ៍រួមផ្សំដោយអំពូលភ្លើង(ឈ្នក់)សាច់ឈ្នក់ បង្គោល អំពូលភ្លើង ស្មើនឹងចំនួន៤កន្លែង និងរបាំងសាច់អួនប្រវែង២៤០០ម៉ែត្រ ស្មើនឹង៨ខ្សែ បង្គោលឈើចំនួន២៨០ដើម ថែមទាំងចាក់លែងត្រីចម្រុះល្អិតៗចូលបឹងធម្មជាតិ(ទន្លេសាប)វិញចំនួន១៣០គីឡូក្រាម។ លោក បញ្ជាក់បន្ថែមបន្តថា សកម្មភាពនេះ លោក នឹងបន្តដឹកនាំមន្រ្តីសហការជាមួយកងកម្លាំងស្ថាប័នពាក់ព័ន្ធ ចុះអនុវត្តបន្តជាប្រចាំ៕
ភ្នំពេញ៖ កម្មករតំឡើងឆាក២នាក់បានរងរបួសធ្ងន់ត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ដឹកទៅមន្ទីរពេទ្យភ្លាមៗខណៈបួកកេអង្គុយលេីរថយន្តដឹកសម្ភារតមឡើងឆាកកំពុងធ្វេីដំណេីរក៏ប៉ះបោកនឹងផ្លាកប៉ាណូកាត់ទទឹងផ្លូវ ធ្លាក់រងរបួសធ្ងន់ទាង២នាក់។ហេតុកាណ៍នេះបានកើតឡើនៅផ្លូវជាតិលេខ៣ ភូមិក្តុំរាំងដូនទ័យ សង្កាត់ចោមចៅទី២ ខណ្ឌពោធិ៍សែនជ័យកាលពីវេលាម៉រសៀល ថ្ងៃទី២៩ ខែវិច្ឆិកាឆ្នាំ២០២៤ ។ ជនរងគ្រោះចំនួន២នាក់នោះ១ឈ្មោះភេ ផាត ភេទប្រុស អាយុ២០ឆ្នាំជាកម្មករតម្លើងឆាកទីលំនៅភូមិជប់លើ ឃុំស្វាយលើ ស្រុកស្វាយលើ ខេត្តសៀមរាប ។ ទី២ ឈ្មោះ ចិន ភេទប្រុស អាយុ២២ឆ្នាំជាកម្មករ មានទីលំនៅភូមិក្បាលកោះកើត ឃុំកោះខ្សាច់ជន្លា ស្រុកស្អាង ខេត្តកណ្តាល រងរបួសបែកក្បាលធ្ងន់ធ្ងរ ។អ្នកឃើញហេតុបានឱ្យដឹងថាដមបូងរថយន្តធន់ធំ ផ្លាកលេខបាត់ដំបង 3A3831 ដឹកសម្ភារតំឡើងឆាកដាក់គរលើរថយន្តយ៉ាងខ្ពស់ធ្វេីដំណើរតាមផ្លូវជាតិលេខ៣ពីត្បូងទៅជេីងដោយមានកម្មករចំនួន៧នាក់អង្គុយខាងលើសម្ភារនោះ។ លុះមកដល់កន្លែងខាងលើស្រាប់តែមានផ្លាកប៉ាណូពាណិជ្ជកម្មមួយកាត់ទទឹកផ្លូវ កម្មករដែលអង្គុយខាងលើមិនចាប់អារម្មណ៍ក៏ប៉ះក្បាលបណ្តាលឱ្យធ្លាក់ដីរងរបួស២នាក់។ក្រោយកេីតហេតុជនរងគ្រោះត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ដឹកទៅមន្ទីរពេទ្យព្រះកុសុមៈ ដើម្បីជួយសង្គ្រោះជីវិត។បន្ទាប់មករថយន្តដឹកសម្ភារបានបន្តដំណើររហូតដល់រង្វង់មូលគល់ស្ពានអាកាសផ្លូវជាតិលេខ៤កែងមហាវិថីឈ្នះឈ្នះទើបឈប់ត្រូវសមត្ថកិច្ច ឃាត់រថតន្យបង្កយកតៃកុងទៅបន្តនីតិវិធី៕
នគរបាលបានចាប់ក្រុមយុវជន៥នាក់ករណីកាប់បំផ្លាញទ្រព្យសម្បត្តិអ្នកដទៃ ខេត្តបាត់ដំបង៖កាលពីថ្ងៃទី២៨និងទី២៩ខែ វិច្ឆិកា ឆ្នាំ២០២៤ដោយអនុវត្តតាមយោបល់ការដឹកនាំរបស់លោកឧត្តម សេនីយ៍ទោ ដាញ់ អេងប៊ុនចាន់ ស្នងការ នៃស្នងការដ្ឋាននគរបាលខេត្តបាត់ដំបង សមត្ថកិច្ចនគរបាលស្រុកថ្មគោលដឹកនាំដោយលោកវរសេនីយ៍ទោ សេង លុច អធិការនិងកម្លាំងនគរបាលស្រុកឯកភ្នំដែលមានលោកវរសេនីយ៍ឯក ឡុង យោធាវីរៈ អអធិការបានសហការគ្នាស្រាវជ្រាវរហូតឃាត់ខ្លួនបានយុវជនទំនើងចំនួន ៥ នាក់ក្នុងករណីហិង្សានិងធ្វើឱ្យខូចខាតដោយចេតនាមានស្ថានទម្ងន់ទោសនាំមកកាន់អធិការដ្ឋាននគរបាលស្រុក។ -*យុវជនទាំង០៥នាក់នោះ១-ឈ្មោះ រឿនពុទ្ធិសាក់ ភេទប្រុស អាយុ ១៩ឆ្នាំមានទីលំនៅភូមិត្រស់ ឃុំអូរតាគីស្រុកថ្មគោល។២-ឈ្មោះ ស្រី សុផាន់ណា ហៅ ឃីមអាយុ២១ឆ្នាំ មានទីលំនៅភូមិត្រស់ ឃុំអូរតាគី ស្រុកថ្មគោល។៣-ឈ្មោះ នីម រចនា ហៅ ភុត ភេទប្រុស អាយុ១៩ឆ្នាំ មានទីលំនៅភូមិព្រៃទទឹង ឃុំអូរតាគី ស្រុកថ្មគោល។៤-ឈ្មោះ ម៉ៅ ស៊ីម៉េន ភេទប្រុស អាយុ១៩ឆ្នាំ មានទីលំនៅភូមិព្រៃទទឹង ឃុំអូរតាគី ស្រុកថ្មគោល។ ៥-ណាង ថានុ មានទីលំនៅភូមិគោកដូង ឃុំពាមឯក ស្រុកឯកភ្នំ។ក្នុងនោះសមត្ថកិច្ចដកហូតបានសម្ភារៈតាងរួមមាន៖-ម៉ូតូ០១គ្រឿងម៉ាកហុងដានិច ពណ៌ខៀវលាយស សេរីឆ្នាំ២០១៨ផ្លាកលេខពោធិ៍សាត់1I-6952-កាំបិតខ្វែវផ្លែដែកដងឈើចំនួន១គ្រឿង។ គូបញ្ជាក់ថាកាលពីថ្ងៃទី ២៦ខែវិច្ឆិកាឆ្នាំ២០២៤នៅម្តុំក្រុមទី៣ ភូមិព្រៃដាច់ ឃុំអូរតាគីស្រុកថ្មគោលក្រុមយុវជនទាំងនេះបានធ្វើសកម្មភាពប្រើហិង្សានិងធ្វើឱ្យខូចខាតដោយចេតនាមានស្ថានទម្ងន់ទោសទៅលើយុវជនផ្សេងទៀត តែដោយសារពួកគេរត់គេចខ្លួនទាន់ក៏បានធ្វើការកាប់បំផ្លាញម៉ូតូនិងផ្តាច់យកផ្លាកលេខម៉ូតូបាត់ដំបង1AA-0553ជិះគេចខ្លួនបាត់អស់។នៅពេលសាកសួរនៅកន្លែងសមត្ថកិច្ច ពួកគេបានសារភាពថា ករណីនេះគឺជារឿងគំនុំដែលលពួកគេមានពីមុនមក។ ពេលនេះសមត្ថកិច្ចរៀបចំបញ្ជូនមកអនុវត្តទោសតាមផ្លូវច្នៅពេលសាកសួរតាមផ្លូវច្បាប់៕
ខេត្តបន្ទាយមានជ័យ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជាព្រឹកថ្ងៃទី២៩ ខែវិច្ឆិកា ឆ្នាំ២០២៤នេះ អញ្ជើញជាអធិបតីដ៏ខ្ពង់ខ្ពស់ សម្ពោធដាក់ឱ្យប្រើប្រាស់ ជាផ្លូវការនូវសមិទ្ធផលនានាក្នុងតំបន់អភិវឌ្ឍន៍បឹងជង្រុកតេជោឈ្នះឈ្នះ ស្ថិតក្នុងភូមិបឹងជង្រុកតេជោឈ្នះឈ្នះឃុំទួលពង្រ ស្រុកម៉ាឡៃ ខេត្តបន្ទាយមានជ័យ។ តំបន់បឹងជង្រុកនិង៦៧១ គឺជាចំណែកនៃទីតាំងដែល សម្តេចអគ្គមហាសេនាបតីតេជោ ហ៊ុន សែន បានធ្វើប្រទានកម្មជូនគ្រួសារយោធាសមាហរណកម្មសម្រាប់អាស្រ័យផលតាមខ្លឹមសារ៣យ៉ាង នៃការអនុវត្ត នយោបាយ ឈ្នះ ឈ្នះ រួមមាន៖ ១-ការធានាអាយុជីវិត និងរូបកាយ ២-ការធានាអាជីព និងមុខរបរ ៣-ការធានាកម្មសិទ្ធិ ទ្រព្យសម្បត្តិទាំងចលនទ្រព្យ និងអចលនទ្រព្យ។ ប្រវត្តិនៃឈ្មោះបឹងជង្រុកនេះ ត្រូវបានគេហៅតៗគ្នា ក្នុងសម័យរំដោះប្រទេសពីរបបប្រល័យពូជសាសន៍នាឆ្នាំ១៩៧៩។ ខណៈពេល ដែលកងទ័ពភាគីរដ្ឋកម្ពុជា និងកងទ័ពវៀតណាមលើកគ្នាវាយកងទ័ពខ្មែរក្រហម ដោយទីតាំងនេះជាកន្លែងជង្រុកស្រូវដ៏ធំមួយ ដែលគេដឹកយកស្រូវពីតំបន់កូនដំរីមកផ្ទុកនៅទីនេះដើម្បីផ្គត់ផ្គង់ដល់កងទ័ពខ្មែរក្រហមនៅសមរភូមិមុខ។ ចំណែកតំបន់៦៧១ កើតឡើងក្រោយពេលសមាហរណកម្ម ដែលជាឈ្មោះវរសេនាតូច៦៧១ ចំណុះឱ្យវរសេនាធំ E៦៧ ស្ថិតនៅក្រោមកងពល២១ ដឹកនាំដោយឧត្តមសេនីយ៍ ផឹង ផុន ក្នុងពេល ដែលឧត្តមសេនីយ៍ សុខ ភាព ត្រូវបានតែងតាំងជាមេបញ្ជាការរងយោធភូមិភាគ៥។ ក្រោយពេលសមាហរណកម្ម ដីធ្លីជាច្រើនកន្លែងនៅក្នុងស្រុកម៉ាឡៃ ត្រូវបានផ្តល់ជូនគ្រួសារយោធាដើម្បីរស់នៅ និងអាស្រ័យផល។ បន្ទាប់ពីទទួលបានដីតាមរយៈការធ្វើប្រទានកម្មនេះ អតីតយោធាសមាហរណកម្មក៏បានឯកភាពគ្នា សម្រេចលក់ដីនេះឱ្យក្រុមហ៊ុន និងបុគ្គលផ្សេងៗតាមរយៈប្រធានអង្គភាពរបស់ខ្លួន ព្រោះតំបន់បឹងជង្រុក និង៦៧១នេះ ជាតំបន់ដែលមានព្រៃប្ញស្សីក្រាស់ៗ ក្នុងដីពោរពេញទៅដោយគ្រាប់មីនកប់រាយប៉ាយ ដោយសារតែជាអតីតទីតាំងសមរភូមិក្ដៅ ទើបគ្រួសារយោធា ដែលទទួលបានដីនៅទីនេះ មិនមករស់នៅ និងអាស្រ័យផលនោះទេ ដោយនាំគ្នាសម្រេចលក់ផ្ទាល់ខ្លួនខ្លះនិងលក់រួមគ្នាជាកញ្ចប់តាមរយៈប្រធានអង្គភាព ដើម្បីយកប្រាក់មកដោះស្រាយជីវភាព ៕
ព័ត៌មានអន្តរជាតិ៖កាលពីថ្ងៃទី ២៧ ខែវិច្ឆិកា រដ្ឋធានីសេអ៊ូលរបស់កូរ៉េខាងត្បូងបានទទួលរងការធ្លាក់ព្រិលយ៉ាងខ្លាំងបំផុតក្នុងប្រវត្តិសាស្ត្រ បង្កការកកការស្ទះចរាចរណ៍ ដាច់ចរន្តអគ្គិសនី និងជើងហោះហើររាប់រយជើងត្រូវបានលុបចោល។ ទីភ្នាក់ងារអាកាសធាតុកូរ៉េបាននិយាយថា៖ ខ្យល់ត្រជាក់ពីភាគពាយ័ព្យបានបង្កើតស្រទាប់ព្រិលក្រាស់ 18 សង់ទីម៉ែត្រនៅលើដីនៅម៉ោង 3:00 រសៀល (ម៉ោងក្នុងតំបន់) ដែលជាការធ្លាក់ព្រិលខ្លាំងចាប់តាំងពីឆ្នាំ 1907មក។ យោងតាមរបាយការណ៍ប្រព័ន្ធផ្សព្វផ្សាយ យ៉ាងហោចណាស់មនុស្សពីរនាក់បានស្លាប់នៅក្នុងគ្រោះថ្នាក់ចរាចរណ៍នៅលើផ្លូវហាយវេភាគខាងកើត៊។ ខណៈដែលព្រិលធ្លាក់ពីលើអគារ និងការដ្ឋានសំណង់បានបណ្តាលឱ្យអ្នកថ្មើរជើងមួយចំនួននៅក្នុងទីក្រុងសេអ៊ូលបានរងរបួស។ ជើងហោះហើរជាង 200 និងស្រឡាងយ៉ាងហោចណាស់ 70 ត្រូវបានលុបចោល ឬពន្យារពេលដោយសារលក្ខខណ្ឌអាកាសធាតុធ្ងន់ធ្ងរ។ លើសពីនេះ ផ្ទះរាប់ពាន់គ្រួសារនៅក្នុងរដ្ឋធានីសេអ៊ូលក៏បានបាត់បង់ថាមពលផងដែរ ដោយសារតែខ្សែបណ្តាញអគ្គិសនីត្រូវបានខូចខាតដោយសារព្រិលធ្លាក់។ក្រសួងមហាផ្ទៃកូរ៉េបានបង្កើនសមត្ថភាពទប់ទល់នឹងគ្រោះមហន្តរាយដោយការព្យាករណ៍ថាមានព្រិលធ្លាក់ដល់ទៅ ៥ សង់ទីម៉ែត្រក្នុងមួយម៉ោងរហូតដល់ព្រឹកថ្ងៃទី២៨ខែវិច្ឆិកា ដោយព្រមានពីហានិភ័យនៃការខូចខាតសម្ភារនិងហេដ្ឋារចនាសម្ព័ន្ធរបស់ប្រជាជន។អាជ្ញាធរគ្រប់លំដាប់ថ្នាក់នៃប្រទេសនេះក៏បាននិយាយផងដែរថាពួកគេកំពុងបង្កើនការត្រៀមលក្ខណៈដើម្បីទប់ទល់នឹងការធ្លាក់ព្រិលបន្ថែម៕
ភ្នំពេញ ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បង្ហើបគម្រោងរៀបចំក្រុងថ្មី តែត្រូវកំណត់ឲ្យច្បាស់តំបន់ពាណិជ្ជកម្ម តំបន់រស់នៅ និងតំបន់សប្បាយដ្ឋាន ចៀសវាងផលរំខានដល់ការរស់នៅរបស់ពលរដ្ឋ។ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជាកាលពីថ្ងៃទី២៦ ខែវិច្ឆិកា ឆ្នាំ២០២៥ កន្លងទៅបានបង្ហើបអំពីគម្រោងក្នុងការរៀបចំក្រុងថ្មី ដោយត្រូវកំណត់ឲ្យបានច្បាស់លាស់តំបន់ពាណិជ្ជកម្ម តំបន់រស់នៅ និងតំបន់សប្បាយដ្ឋានផ្សេងៗ មិនឲ្យនៅប្រមូលផ្ដុំគ្នានោះឡើយ ចៀសវាងផលរំខាន់ដល់ការរស់នៅប្រចាំថ្ងៃ របស់ប្រជាពលរដ្ឋ ក្នុងមូលដ្ឋាន។ការបង្ហើបពីគម្រោង ក្នុងកំណត់ទីតាំងដោយចែកឲ្យដាច់ ពីតំបន់ពាណិជ្ជកម្ម តំបន់រស់នៅ និងតំបន់សប្បាយដ្ឋាននេះ ធ្វើឡើងបន្ទាប់ពីសម្ដេចមហាបវរធិបតី ហ៊ុន ម៉ាណែត មើលឃើញថា នៅពេលបច្ចុប្បន្ននេះ តំបន់ទាំងអស់នោះ បានប្រមូលផ្ដុំគ្នាដោយមិនមានការកំណត់ច្បាស់លាស់។ដូច្នេះ ក្នុងករណីក្រុងថ្មីត្រូវបានបង្កើត ក្រសួងរៀបចំដែនដី នគរូបនីយកម្ម និងសំណង់ ត្រូវរៀបចំផែនការមេ ក្នុងការកំណត់នេះ។ សម្តេចធិបតីបានបង្ហើបបែបនេះ ក្នុងឱកាសអញ្ជើញជាអធិបតីពិធីបិទសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅបន្ដរបស់ក្រសួងរៀបចំដែនដី នគរូបនីយកម្ម និងសំណង់។ បើទោះបីមិនទាន់បង្ហើបថា ក្រុងថ្មីត្រូវបានបង្កើន នៅតំបន់ណាក្ដី។ ប៉ុន្ដែ សម្ដេចមហាបវរធិបតី ហ៊ុន ម៉ាណែត បានណែនាំទៀតថា ទាំងការរៀបចំសោភ័ណ្ឌភាព និងរៀបចំផ្លូវសម្រាប់ធ្វើចរាចរណ៍ ឲ្យបានធំទូលាយ ពិសេសផ្លូវសម្រាប់រថយន្ដក្រុងដែលធ្វើដំណើរជារួម មិនអាចតូចដូចផ្លូវសម្រាប់មធ្យោបាយឯកជននោះទេ ពោលការរៀបចំគន្លងផ្លូវឲ្យបានធំ ដើម្បីកាត់បន្ថយការកកស្ទះចរាចរណ៍៕
ភ្នំពេញ៖ លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និងលោកវ៉ាង វិនពីន (Wang Wenbin) ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំ កម្ពុជា បានសម្តែងការពេញចិត្តចំពោះស្ថានភាពបច្ចុប្បន្ននៃទំនាក់ទំនងទ្វេភាគីដ៏យូរអង្វែង និងពហុ សណ្ឋានរវាងប្រទេសទាំងពីរនៅក្នុងជំនួបសម្តែងការគួរសមរបស់ឯកឧត្តមឯកអគ្គរដ្ឋទូតជាមួយ លោកឧបនាយករដ្ឋមន្ត្រីកាលពីថ្ងៃទី ២៦ ខែវិច្ឆិកា ឆ្នាំ ២០២៤ នៅទីស្តីការក្រសួង។ ក្នុងជំនួប នោះ លោកឯកអគ្គរដ្ឋទូត បានពាំនាំនូវការអបអរសាទរយ៉ាងកក់ក្តៅរបស់លោក វ៉ាង យី សមាជិកការិយាល័យនយោបាយបក្សកុម្មុយនិស្តចិន ប្រធានការិយាល័យគណៈកម្មការកិច្ចការបរទេស និងជារដ្ឋមន្ត្រីការបរទេសរបស់សាធារណរដ្ឋប្រជាមានិតចិន ជូនលោកឧបនាយករដ្ឋមន្ត្រី ប្រាក់ សុខុន ដែលត្រូវបានតែងតាំងជាថ្មី ជារដ្ឋមន្ត្រីការបរទេស និងសហប្រតិបត្តិការអន្តរជាតិនៃ ព្រះរាជាណាចក្រកម្ពុជា។ លោកឯកអគ្គរដ្ឋទូតបានគូសបញ្ជាក់ពីសេចក្តីរីករាយឥតឧបមា និងការត្រៀមបន្តទំនាក់ទំនងការងារដ៏ជិតស្និទ្ធជាថ្មីឡើងវិញរបស់ឯកឧត្តម វ៉ាង យី ជាមួយលោកឧបនាយករដ្ឋមន្ត្រី ប្រាក់ សុខុន ។ លោកឧបនាយករដ្ឋមន្ត្រី បានថ្លែងអំណរគុណភាគីចិន ចំពោះការផ្តល់ការត្រួតពិនិត្យដ៏ ពិសេស ដល់ព្រះរាជសុខភាពរបស់ព្រះករុណាព្រះមហាក្សត្រ និង សម្តេចម៉ែ និងបដិសណ្ឋារ កិច្ចយ៉ាងកក់ក្តៅថ្វាយចំពោះអង្គព្រះមហាក្សត្រ និង សម្តេចម៉ែ ដែលជានិម្មិតរូបបង្ហាញពីការ ជឿទុកចិត្តយ៉ាងជ្រាលជ្រៅ និងចំណងមិត្តភាពដ៏រឹងមាំរវាងកម្ពុជា និងចិន។ លោកឧបនាយករដ្ឋមន្ត្រី បានពិភាក្សាជាមួយលោកឯកអគ្គរដ្ឋទូតចិន អំពីការរៀបចំ ដំណើរទស្សនកិច្ចផ្លូវការនាពេលខាងមុខរបស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាកម្ពុជា និងជាប្រធានគណបក្សប្រជាជនកម្ពុជាទៅកាន់សាធារណរដ្ឋប្រជាមានិតចិនាចក្រកម្ពុជា ដោយបានគូសបញ្ជាក់ពីតម្លៃនៃដំណើរទស្សនកិច្ចនេះ ក្នុងការពង្រឹងបន្ថែមភាពជាដៃគូយុទ្ធសាវ គ្រប់ជ្រុងជ្រោយកម្ពុជា-ចិន ក្រោមក្របខណ្ឌកិច្ចសហប្រតិបត្តិការត្បូងពេជ្រ សំដៅឆ្ពោះទៅកាន់អនាគតរួមគ្នាដើម្បីសន្តិភាព វិបុលភាព និងការអភិវឌ្ឍ។ ការរៀបចំដំណើរទស្សនកិច្ចរបស់ឯកឧត្តម ឧបនាយករដ្ឋមន្ត្រី ប្រាក់ សុខុន ទៅកាន់សាធារណរដ្ឋប្រជាមានិតចិន ក៏ត្រូវបានពិភាក្សាផងដែរ។ លោកឧបនាយករដ្ឋមន្ត្រី និងលោកឯកអគ្គរដ្ឋទូតបានអះអាងពីការប្តេជ្ញាចិត្តក្នុងការ អនុវត្តឱ្យបានជោគជ័យនូវកុងសង់ស៊ីស និងការប្តេជ្ញាចិត្តរបស់ថ្នាក់ដឹកនាំប្រទេសទាំងពីរ ដើម្បី ជំរុញគម្រោងសំខាន់ៗដូចជា ច្រករបៀងត្រី និងស្រូវ ច្រករបៀងអភិវឌ្ឍន៍ឧស្សាហកម្ម គម្រោង អភិវឌ្ឍន៍កសិកម្មទំនើប និងគម្រោងថាមពលចម្រុះ ក៏ដូចជាការលើកកម្ពស់ការកសាងសហគមន៍ កម្ពុជា-ចិន ប្រកបដោយគុណភាពខ្ពស់ កម្រិតខ្ពស់ និងស្តង់ដារខ្ពស់ ក្នុងការកសាងអនាគតរួមគ្នា នៅយុគសម័យថ្មី…
ភ្នំពេញ ៖ សម្តេចព្រះមហាក្សត្រី ព្រះវររាជមាតា នរោត្តម មុនិនាថ សីហនុ នៃព្រះរាជាណាចក្រកម្ពុជា ជូនសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា សម្តេចមហាបវរធិបតី ជាទីរាប់អានដ៏ខ្ពង់ខ្ពស់បំផុត។ខ្ញុំមានសេចក្តីរំភើបរីករាយ សូមចូលរួមអបអរសាទរ ចំពោះសម្តេចមហាបវរធិបតី ដែល ទទួលបានពានរង្វាន់ ភាពជាអ្នកដឹកនាំឆ្នើមពិភពលោក ពីវិទ្យាស្ថានយុទ្ធសាស្ត្រសម្រាប់តំបន់ អាស៊ីប៉ាស៊ីហ្វិក (KSI) នាព្រឹកថ្ងៃអង្គារ ទី២៦ ខែវិច្ឆិកា ឆ្នាំ២០២៤ ។ សម្តេចមហាបវរធិបតី ពិតជាស័ក្តិសមទទួលបានពានរង្វាន់ ភាពជាអ្នកដឹកនាំឆ្នើមពិភព លោក” ដែលជាថ្នាក់ដឹកនាំវ័យក្មេង ពោរពេញដោយសមត្ថភាព បញ្ញាញាណ និងថាមពល បាន ប្តេជ្ញាចិត្តយ៉ាងមុតមាំក្នុងការកសាងនីតិរដ្ឋលទ្ធិប្រជាធិបតេយ្យ ពង្រឹងខឿនសេដ្ឋកិច្ចជាតិ សេវា សង្គម និងការអភិវឌ្ឍលើគ្រប់វិស័យជាពិសេសបានចូលរួមចំណែកយ៉ាងសកម្ម ដើម្បីបុព្វហេតុ ជាតិមាតុភូមិ ប្រជាជនកម្ពុជា និងបន្តពូនជ្រំថែទាំយ៉ាងដិតដល់នូវសេចក្តីសុខ សន្តិភាព ស្ថិរភាព នយោបាយប្រកបដោយស័ក្តិសិទ្ធិភាព នៅគ្រប់ដំណាក់កាល ។ ខ្ញុំសូមជូនពរ សម្តេចមហាបវរធិបតី និង លោកជំទាវបណ្ឌិត ព្រមទាំងបុត្រា-បុត្រីទាំងអស់ សូមបានប្រកបតែនឹងព្រះពុទ្ធពរគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។ សូម សម្តេចមហាបវរធិបតី ទទួលនូវសេចក្ដីរាប់អានដ៏ខ្ពង់ខ្ពស់បំផុត អំពីខ្ញុំ ៕