Author: Admin

ភ្នំពេញ​៖​ ក្រសួងធនធានទឹក​ និង​ឧតុនិយមបានចេញសេចក្ដីជូនដំណឹង​ស្តីពីស្ថានភាពធាតុអាកាសនៅព្រះរាជាណាចក្រកម្ពុជា សម្រាប់ថ្ងៃទី២៤ខែវិច្ឆិកានេះខ្យល់មូសុងឦសាននៅតែមានឥទ្ធិពលខ្លាំងខណៈសម្ពាធទាបគ្របដណ្តប់លើសមុទ្រចិន ខាងត្បូង ឈូងសមុទ្រថៃ ភាគខាងក្រោមនៃអាងទន្លេមេគង្គ និងលើព្រះរាជាណាចក្រកម្ពុជា។ ក្រសួងធនធានទឹក​បានបញ្ជាក់ថា​ស្ថានភាពបែបនេះនឹងធ្វើឱ្យ៖ ចាប់ពីថ្ងៃទី២៤ ដល់ថ្ងៃទី២៦ ខែវិច្ឆិកា ឆ្នាំ២០២៤។ ១-តំបន់វាលទំនាប៖សីតុណ្ហភាពមធ្យមអប្បបរមា២០°C និងសីតុណ្ហភាពមធ្យមអតិបរមា៣១°C។ ខ្យល់បក់ មកពីទិសឦសាន និងបូព៌មានល្បឿនមធ្យម៥ ម៉ែត្រ វិនាទី។ ខេត្តបន្ទាយមានជ័យ បាត់ដំបង ពោធិ៍សាត់ សៀមរាប កំពង់ឆ្នាំង កំពង់ធំ កំពង់ចាម ត្បូងឃ្មុំ ព្រៃវែង ស្វាយរៀង កណ្តាល តាកែវ និងភ្នំពេញ អាចមានភ្លៀងធ្លាក់ គ្របដណ្តប់លើផ្ទៃដី៥ភាគរយ។ ២-តំបន់ខ្ពង់រាប៖សីតុណ្ហភាពមធ្យមអប្បបរមា២០°C និងសីតុណ្ហភាពមធ្យមអតិបរមា៣០°C។ ខ្យល់បក់ មកពីទិសឦសាន និងបូព៌មានល្បឿនមធ្យម៤,៥ម៉ែត្រ វិនាទី។ ខេត្តកំពង់ស្ពឺ ប៉ៃលិន ស្ទឹងត្រែង ក្រចេះ រតនគិរី មណ្ឌលគិរី តំបន់ជួរភ្នំក្រវាញ និងជួរភ្នំដងរែក អាចមានភ្លៀងធ្លាក់ គ្របដណ្តប់លើផ្ទៃដី៥ភាគរយ។ ៣-តំបន់មាត់សមុទ្រ៖-សីតុណ្ហភាពមធ្យមអប្បបរមា២១°C និងសីតុណ្ហភាពមធ្យមអតិបរមា៣១°C។ ខ្យល់បក់ មកពីទិសឦសាន និងអាគ្នេយ៍ មានល្បឿនមធ្យម៤,៥ម៉ែត្រ វិនាទី។ ខេត្តកោះកុង ព្រះសីហនុ កំពត កែប និងជួរភ្នំបូកគោ អាចមានភ្លៀងធ្លាក់គ្របដណ្តប់លើផ្ទៃដី១០ភាគរយ-រលកសមុទ្រមានកម្ពស់មធ្យមអប្បបរមា០,៥០ម៉ែត្រនិងកម្ពស់មធ្យមអតិបរមា១,២៥ម៉ែត្រ៕

ភ្នំពេញ ៖ កម្លាំងនាយកដ្ឋាននគរបាលព្រហ្មទណ្ឌកាលពីរសៀលថ្ងៃទី២៣ ខែវិច្ឆិកា ឆ្នាំ២០២៤ បានឱ្យដឹងថា ៖ ដោយអនុវត្តតាមបទបញ្ជារបស់លោក ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ,លោកឧត្តមសេនីយ៍ត្រី ខេង ម៉េងឈាង អនុប្រធាននាយកដ្ឋាន បានដឹកនាំកម្លាំងជំនាញស្រាវជ្រាវបង្ក្រាបជនដៃដល់បានម្នាក់ពាក់ព័ន្ធករណីឃាតកម្ម។ មន្ត្រីនគរបាលព្រហ្មទណ្ឌដដែលបាន បញ្ជាក់ទៀតថា ៖ ជនដៃដល់ត្រូវបានចាប់ខ្លួននៅថ្ងៃទី២២ ខែវិច្ឆិកា ឆ្នាំ២០២៤ វេលាម៉ោង២០៖៣០នាទី នៅត្រង់ចំណុចស្ថានីយ៍ប្រេង ឥន្ធនៈ កាល់តិច សង្កាត់ទួលស្វាយព្រៃទី២ ខណ្ឌ បឹងកេងកង រាជធានី ភ្នំពេញ ដោយកម្លាំងជំនាញនាយកដ្ឋាន ដឹកនាំកម្លាំងជំនាញសហការជាមួយកម្លាំងនគរបាលខេត្តកំពង់ចាម ,នគរបាល ខេត្ត តាកែវ និងនគរបាល រាជធានី ភ្នំពេញ ។ ជនដៃដល់ឈ្មោះ សាន សៅ អាយុ៣០ឆ្នាំ មុខរបរ កសិករ ជនជាតិ ខ្មែរ ស្នាក់នៅ ភូមិ រវៀង ឃុំខ្នុរដំបង ស្រុកជេីង ព្រៃ ខេត្ត កំពង់ចា។ម ពាក់ព័ន្ធករណីឃាតកម្ម បណ្តាលឱ្យស្រី្តម្នាក់មិន ស្គាល់អត្តសញ្ញាណ អាយុប្រហែល ៥០ឆ្នាំ ស្លាប់កាលពីថ្ងៃទី២២ ខែ វិច្ឆិកា ឆ្នាំ ២០២៤ នៅចំណុចក្រោយ របងរោងចក្រ ស្កូន ស៊ូស្ថិតនៅ ភូមិ រវៀង ឃុំខ្នុរដំបង ស្រុកជើង ព្រៃ ខេត្ត កំពង់ចាម។ ប្រភបដដែលបានបន្តថា ៖ បច្ចុប្បន្នជនសង្ស័យប្រគល់ជូនស្នងការដ្ឋាននគរបាលខេត្តកំពង់ចាម ដើម្បីចាត់ការបន្តតាមនីតិវិធី៕

ខេត្តព្រៃវែង ៖ ពីវេទិកាអធិបតី នៃពិធីសម្ពោធដាក់ឱ្យប្រើប្រាស់ជាផ្លូវការអគារទីចាត់ការ បណ្ណាល័យ ក្នុងសាលាបឋមសិក្សាពងពស់និងផ្លូវបេតុងប្រវែង ៤ ៦០០ម៉ែត្រ ស្ថិតនៅក្នុងវត្តពងពស់ ភូមិពងពស់ ឃុំរោងដំរីស្រុកបាភ្នំខេត្តព្រៃវែងកាលពីព្រឹកថ្ងៃទី២៣ ខែវិច្ឆិកា ឆ្នាំ២០២៤ លោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាក់ថា៖ អាហារូបករណ៍ ស សុខា បានផ្តល់ជូនក្មួយៗសិស្សានុសិស្សក្នុងរយៈពេលដ៏ខ្លីសរុបជិត ២ពាន់កន្លែង នៅតាមស្ថាប័នគ្រឹះស្ថានសិក្សាទាំងរដ្ឋ និងឯកជន។ លោកអភិសន្តិបណ្ឌិត បានរំលឹកថា កន្លងមកអាហារូបករណ៍សសុខា ដែលបានផ្ដល់ជូនសិស្ស និស្សិត មានចំនួនច្រើនដែរ។ ប៉ុន្តែនិន្នាការនៃការស្នើសុំហាក់ដូចជាពុំសូវពុះកញ្ជ្រោលដូចឆ្នាំនេះទេ។គឺឆ្នាំកន្លងទៅ មានអាហារូបករណ៍ នៅសល់ជាច្រើនកន្លែង ទោះជាមានចលនាជំរុញ និងលើកទឹកចិត្តយ៉ាងសកម្មក៏ដោយ។ ឯកឧត្តម បានបន្ថែមថា«ឆ្នាំនេះ គិតត្រឹមតែជាង ១០ថ្ងៃ អាហាររូបករណ៍រាប់ពាន់កន្លែង ត្រូវបានផ្ដល់ជូនសិស្សានុសិស្សទាំងអស់។ ក្រុមការងារកំពុងស្នើសុំបន្ថែមទៀត ដើម្បីបំពេញតម្រូវការរបស់ក្មួយៗ បានសិក្សាបន្តនៅថ្នាក់ឧត្តមសិក្សា ដែលនេះគឺជាបញ្ជាក់អំពីការយកចិត្តទុកដាក់ខ្ពស់ពីប្រមុខថ្នាក់ដឹកនាំ»។ ភ្ជាប់នឹងប្រធានបទស្ដីពីអាហារូបករណ៍ លោកអភិសន្តិបណ្ឌិត ស សុខា បានគូសបញ្ជាក់ថាវិស័យអប់រំ គឺជាថ្នាលបណ្តុះបណ្ដាលមួយដ៏មានសារ:សំខាន់បំផុត សម្រាប់ការអភិវឌ្ឍធនធានមនុស្ស ដែលជាយុវជនបន្តវេន និងចូលរួមអភិវឌ្ឍប្រទេសជាតិ ឱ្យកាន់តែរីកចម្រើនរឹងមាំ ស្របតាមការអវតយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល ក្រោមការដឹកនាំប្រកបដោយភាពឈ្លាសវៃរបស់សម្តេចមហាបវរធិបតី ហ៊ុន ម៉ាណែត ដែលបានកំណត់យកអាទិភាពគន្លឹះ ចំនួន ៥គឺមនុស្ស ផ្លូវ ទឹក ភ្លើង និងបច្ចេកវិទ្យា។ ជាពិសេសគឺបច្ចេកវិទ្យាឌីជីថល និងផ្តោតសំខាន់ទៅលើការអភិវឌ្ឍធនធានមនុស្ស ជាអាទិភាពទី១។ ជាមួយគ្នានោះ លោកអភិសន្តិបណ្ឌិត ស សុខា បានសង្កេតឃើញថា សិស្សានុសិស្សដែលទើបប្រឡងចប់សញ្ញាបត្រថ្នាក់មធ្យមសិក្សាទុតិយភូមិ នាពេលកន្លងទៅនេះ ដោយមានអាយុខ្លះទើបតែ ១៦ឆ្នាំប៉ុណ្ណោះ បានប្រឡងជាប់ និងឈានជើងចូលទៅសិក្សានៅថ្នាក់ឧត្តមសិក្សា ដែលជាកត្តាមួយបានបង្ហាញថា វិស័យអប់រំ នៅក្នុងប្រទេសកម្ពុជា មានភាពរីកចម្រើនជាលំដាប់។ លោកអភិសន្តិបណ្ឌិត បានជំរុញឱ្យអាណាព្យាបាល បន្តលើកទឹកចិត្ត និងផ្តល់ភាពកក់ក្តៅដល់កូនៗឱ្យខិតខំសិក្សា និងបន្តគាំទ្រពួកគេឱ្យសម្រេចចិត្តតាមចំណង់ជំនាញ សមត្ថភាព និងទេពកោសល្យសម្រាប់ការសិក្សាថ្នាក់ឧត្តមសិក្សា។ ក្នុងឱកាសនោះដែរលោកអភិសន្តិបណ្ឌិត ស សុខាមានប្រសាសន៍បញ្ជាក់ថា ពិធីសម្ពោធដាក់ឱ្យប្រើប្រាស់ជាផ្លូវការអគារទីចាត់ការបណ្ណាល័យ និងផ្លូវបេតុង…

ភ្នំពេញ ៖ យុវជនម្នាក់ជិះម៉ូតូឌុបនារីម្នាក់បើកបរក្នុងល្បឿនលឿនហ់យបានគេចពីរថយន្តក៏ជ្រុលទៅបុកបង្គោលភ្លើងដួល បោកក្បាលស្លាប់ទាំង២នាក់ភ្លាមៗ។ គ្រោះថ្នាក់ចរាចរណ៍ដ៏រន្ធត់នេះបានបង្កការភ្ញាក់ផ្អើល នៅតាមផ្លូវបេតុង ក្នុងសង្កាត់ក្រាំងធ្នង់ ខណ្ឌសែនសុខ រាជធានីភ្នំពេញកាលពីវេលាម៉ោង ១១យប់ថ្ងៃទី ២៣ ខែវិច្ឆិកា ឆ្នាំ២០២៤ ។ ប្រជាពលរដ្ឋបានឱ្យដឹងថា មុនកើតហេតុ គេឃើញប្រុសស្រី០២នាក់ជិះម៉ូតូមយយគ្រឿងម៉ាក ហុងដាឌ្រីម ពណ៌ខ្មៅផ្លាកលេខកំពង់ចាម 1AC-0935 បើកបរក្នុងទិសដៅពីជើងទៅត្បូង។លុះមកដល់ចំណុចកើតហេតុបានម៉ូតូគេចពីរថយន្តក៏ជ្រុលទៅបុកធុងសំរាមនឹងបានបន្តទៅបុកបង្គោលភ្លើងពេញទំហឹង បណ្តាលឱ្យបោកក្បាលស្លាប់ទាំង០២នាក់ភ្លាមៗនៅតែម្តង ។ ក្រោយកើតហេតុ សមត្ថកិច្ចមូលដ្ឋានបានចុះមកដល់ រួចទាក់ទងទៅមន្រ្តីចរាចរណ៍ នៃការិយាល័យចរាចរណ៍ផ្លូវគោកដើម្បីមកពិនិត្យហើយយកម៉ូតូទៅរក្សាទុករង់ចាំដោះស្រាយពេលក្រោយ ។ចំណែកសពត្រូវបានសមត្ថកិច្ចធ្វើកំណត់ហេតុយកទៅតម្កល់នៅវត្តតាំងក្រសាំង រង់ចាំសាច់ញាតិទទួលយកទៅធ្វើបុណ្យ៕

ខេត្តចំនួន៤និងជួរភ្នំបូកគោ អាចមានភ្លៀងធ្លាក់គ្របដណ្តប់លើផ្ទៃដីរហូតដល់១០ភាគរយ ភ្នំពេញ​៖​ខេត្តកោះកុង-ព្រះសីហនុ-កំពត-កែប-និងជួរភ្នំបូកគោ អាចមានភ្លៀងធ្លាក់គ្របដណ្តប់លើផ្ទៃដីរហូត១០ភាគរយ ភ្នំពេញ៖ក្រសួងធនធានទឹក​និង​ឧតុនិយម​ព្រឹក​ថ្ងៃ​សៅរ៍​ទី​២៣​ ខែវិច្ឆិកា​ ឆ្នាំ​២០២៤នេះ​ បានចេញសេចក្ដីជូនដំណឹង​ស្តីពីស្ថានភាពធាតុអាកាសនៅព្រះរាជាណាចក្រកម្ពុជា។ខណៈ​ខេត្តកោះកុង ព្រះសីហនុ កំពត កែប និងជួរភ្នំបូកគោ អាចមានភ្លៀងធ្លាក់គ្របដណ្តប់លើផ្ទៃដីរហូតដល់១០%ភាគរយនៅថ្ងៃនេះ។ សេចក្ដីជូនដំណឹងបានបញ្ជាក់ថា​ ខ្យល់មូសុងឦសាន នៅតែមានឥទ្ធិពលខ្លាំងខណៈសម្ពាធទាបគ្របដណ្តប់លើសមុទ្រចិនខាងត្បូងឈូងសមុទ្រថៃ ភាគខាងក្រោមនៃអាងទន្លេមេគង្គ និងលើព្រះរាជាណាចក្រកម្ពុជា។ ស្ថានភាពបែបនេះនឹងធ្វើឱ្យ៖ចាប់ពីថ្ងៃទី២៣ ដល់ថ្ងៃទី២៥ ខែវិច្ឆិកាឆ្នាំ២០២៤១-តំបន់វាលទំនាប៖សីតុណ្ហភាពមធ្យមអប្បបរមា២០°C និងសីតុណ្ហភាពមធ្យមអតិបរមា៣១°C។ ខ្យល់បក់ មកពីទិសឦសាននិងបូព៌មានល្បឿនមធ្យម៦,៥ម៉ែត្រ វិនាទី។ ខេត្តបន្ទាយមានជ័យ បាត់ដំបង ពោធិ៍សាត់ សៀមរាប កំពង់ឆ្នាំង កំពង់ធំ កំពង់ចាម ត្បូងឃ្មុំ ព្រៃវែង ស្វាយរៀង កណ្តាល តាកែវ និងភ្នំពេញ អាចមានភ្លៀងធ្លាក់ គ្របដណ្តប់លើផ្ទៃដី៥ភាគេយ។ ២-តំបន់ខ្ពង់រាប៖សីតុណ្ហភាពមធ្យមអប្បបរមា២០°C និងសីតុណ្ហភាពមធ្យមអតិបរមា៣១°C។ ខ្យល់បក់មកពីទិសឦសាន និងបូព៌មានល្បឿនមធ្យម៥,៥ម៉ែត្រ វិនាទី។ ខេត្តកំពង់ស្ពឺ ប៉ៃលិន ស្ទឹងត្រែង ក្រចេះ រតនគិរី មណ្ឌលគិរី តំបន់ជួរភ្នំក្រវាញ និងជួរភ្នំដងរែក អាចមានភ្លៀងធ្លាក់ គ្របដណ្តប់លើផ្ទៃដី៥ភាគរយ។ ៣-តំបន់មាត់សមុទ្រ៖-សីតុណ្ហភាពមធ្យមអប្បបរមា២១°C និងសីតុណ្ហភាពមធ្យមអតិបរមា៣១°C។ ខ្យល់បក់ មកពីទិសឦសាន និងអាគ្នេយ៍មានល្បឿនមធ្យម៤,៥ម៉ែត្រ វិនាទី។ ខេត្តកោះកុង ព្រះសីហនុ កំពត កែប និងជួរភ្នំបូកគោ អាចមានភ្លៀងធ្លាក់គ្របដណ្តប់លើផ្ទៃដី១០ភាគរយ។ -រលកសមុទ្រមានកម្ពស់មធ្យមអប្បបរមា ០,៥០ម៉ែត្រនិងកម្ពស់មធ្យមអតិបរមា១,២៥ម៉ែត្រ៕

ខេត្តកំពង់ចាម ៖ ស្ត្រី​ចំណាស់​ម្នាក់អាយុ​ប្រហែល​៥០​ឆ្នាំ ត្រូវ​បាន​ជន​មិន​ស្គាល់​មុខសង្ស័យ​ចាប់រំលោភរួច​ស​ម្លា​ប់បំបិទ មាត់ព្រមទាំង​បាន​វាយ​លើ​ផ្ទៃមុខ​ឡើង​ជាំ​មើល​សឹង​មិន​ស្គាល់ រួចហើយ​ដឹក​ស​ពទៅ​ទម្លាក់​ចោល​ក្នុង​ព្រៃ​មួយ​កន្លែង​មាន​ចម្ងាយ​ប្រមាណចិត៨០០​ម៉ែត្រខាងជើង​ផ្លូវជាតិ​លេខ​៦ ស្ថិត​ក្នុងភូមិ​រវាង ឃុំ​ខ្នុរ​ដំបង ស្រុក​ជើងព្រៃខេត្តកំពង់ចាម បង្ក​ឱ្យមានការ​ភ្ញាក់ផ្អើល​ដល់​កម្លាំង​សមត្ថកិច្ចក៏​ដូច​ជា​អាជ្ញាធរ​មូលដ្ឋាន​បាន​​ទៅ​ពិនិត្យកន្លែង​កើតហេតុ មិន​អនុញ្ញាត​ឲ្យ​អ្នក​ណា​ម្នាក់​ចូល​ទៅ​ក្បែរ​សព​នោះ​ឡើយ។ សមត្ថកិច្ច​មូលដ្ឋាន​បានប្រាប់​ឱ្យដឹង​ថា ប្រជាពលរដ្ឋ​ដែល​ធ្វើ​ដំណើរ​តាម​ដងផ្លូវ​កាត់​ព្រៃ​ចំណុច​កើតហេតុ​ក៏​បាន​ប្រទះ​ឃើញ​សព​មនុស្ស​ស្រី​ម្នាក់​​ស្លាប់ កាលពីម៉ោង៦​ព្រឹក​ថ្ងៃ​ទី​២២ វិច្ឆិកា ឆ្នាំ​២០២៤ ហើយបានរាយការណ៍​មក​ប៉ុស្តិ៍​រដ្ឋបាល​មូលដ្ឋាន​ខ្នុរ​ដំបង​ឱ្យ​បានដឹង​ដើម្បីរាយការណ៍​ជូន​លោក​អធិការ​នគរបាល​ស្រុក​និង​ឧត្តមសេនីយ៍​ស្នងការ​នគរបាល​ខេត្ត ។ នៅ​កន្លែង​កើតហេតុ មិន​មានផ្ទះ​ប្រជាពលរដ្ឋ​​ទេ​។គឺ​ហ៊ុមព័ទ្ធ​ទៅ​ដោយ​ព្រៃ​តែ​ប៉ុណ្ណោះ​។ មន្ត្រីដដែលបានន្តបន្ត​​ថា បន្ទាប់​ពី​ទទួល​បាន​ដំណឹង​នេះ​ភ្លាម កម្លាំង​សមត្ថកិច្ច​ជំនាញក៏​បាន​បង្កើតគណៈកម្មការ​ចម្រុះមួយុ។ក្នុង​នោះ​រួម​មាន​មណ្ឌល​សុខភាព​ខ្នុរ​ដំបង អាជ្ញាធរ​ឃុំ​ដើម្បី​ពិនិត្យ​សាកសពជនរងគ្រោះជា​មនុស្ស​ស្រី​មិន​ស្គាល់​អត្តសញ្ញាណ តាម​រយៈ​ការធ្វើកោសល្យ​វិច័យ​ឃើញ​ថា សព​ត្រូវ​បាន​គេ​រំលោភ​រួច​សម្លាប់​​។ បើ​តាម​ការ​ពិនិត្យ​មើល​ជាក់ស្ដែង សព​អាច​គេ​សម្លាប់​ពី​ចម្ងាយ​ហើយ​ដឹក​យក​មក​ប្លុង​ចោល​នៅ​ក្នុង​ព្រៃ​នេះ​តែ​ម្ដង​។​ ជាមួយ​នោះ​នៅ​លើ​ផ្ទៃមុខ​ឃើញ​មាន​ស្នាម​វាយ​ជាំ​បែក​មុខ​មើល​សឹង​មិន​ស្គាល់ តែ​ប្រជាពលរដ្ឋ​ក៏​ដូច​សមត្ថកិច្ច​បាន​ចំណាំ​ថា ស្ត្រី​ដែល​ស្លាប់​នេះ​គឺជា​មនុស្ស​វិកលចរិតតែងតែ​ដើរ​ត្រេចរ​តាម​ដងផ្លូវ​ម្ដង​ឃើញ​នៅ​ខ្នុរ​ដំបង ម្ដង​ឃើញ​នៅ​កន្លែង​ផ្សេង ។ តែ​គេ​ពុំ​បាន​ស្គាល់​អត្ត​សញ្ញាណ​ច្បាស់លាស់​ថា ស្ត្រី​ម្នាក់​នេះ​មាន​ទីលំនៅ​ទីណា​ពិតប្រាកដ​ទេ។ផ្អែក​តាម​ការ​សន្និដ្ឋាន​ករណី​ឃាតកម្ម​មាន​ស្ថាន​ទម្ងន់ទោសនេះ អាច​កើតឡើង​ម៉ោង​ប្រហែល​៩​យប់​ ថ្ងៃ​ទទី២១ វិច្ឆិកា ២០២៤ នៅ​ចំណុច​ក្រោយ​រោងចក្រ​ស្ក​ន​ស៊ូក្នុងភូមិ​រវាង ឃុំ​ខ្នុរ​ដំបងស្រុក​ជើងព្រៃ​ចម្ងាយ​៧៥០​ម៉ែត្រ ខាងជើង​ផ្លូវជាតិ​លេខ​៦ បង្ក​ឡើង​ដោយ​ជនសង្ស័យ​មិន​ស្គាល់​អត្តសញ្ញាណដោយសង្ស៧យ​​ចាប់រំលោភ និង​ដាល់​ដោយ​ដៃ​ត្រូវ​ចំ​ផ្ទៃមុខ មាន​ស្នាម​ជាំ ហើយ​បែក​ឈាម​បណ្តាលឱ្យស្លាប់​ជន​រង​គ្រោះ​មិន​ស្គាល់​អត្តសញ្ញាណ​(​ជន​វិកលចរិត​)​ភេទ​ស្រី អាយុ​ប្រហែល​ជាង​៥០​ឆ្នាំ នៅ​ចំណុច​កើតហេតុ​ខាងលើ​។ ជនសង្ស័យ​ធ្វើ​សកម្មភាព​រួច​បានគេចខ្លួន​បាត់អស់​។ សព​ជន​រង​គ្រោះ​គណៈកម្មការ​បាន​ប្រគល់​ជូន​អាជ្ញាធរ​ឃុំ​ចាត់ចែង​ដោយ​រៀបចំ​បញ្ចុះសព​នៅ​កន្លែង​ណាមួយ ដើម្បី​ងាយស្រួល​ថ្ងៃក្រោយ​សាច់ញាតិ​មក​តាម​សួរ​រក​។ យោង​តាម​បញ្ជា​របស់​ឧត្តមសេនីយ៍​ស្នងការ​នគរបាល​ខេត្ត​បាន​ឱ្យកម្លាំង​ជំនាញ​ព្រហ្មទណ្ឌ​កម្រិត​ធ្ងន់​ខេត្ត​ក៏​ដូច​ជា​កម្លាំង​អធិការដ្ឋាន​នគរបាល​ស្រុក​ជើងព្រៃ​បន្ត​ធ្វើការ​ស្រាវជ្រាវ​ដើម្បីវែកមុខ​ជន​ដៃដល់ជា​ឃាតកយក​មក​ដាក់ទោស​តាម​ច្បាប់​៕

ភ្នំពេញ៖ គូស្នេហ៍​​ជិះ​ម៉ូតូឌុបគ្នាដើរលេង​​ខ្វះ​ការ​ប្រុងប្រយ័ត្នត្រង់ផ្លូវ​បំបែក​ជាបួន​ក៏ជ្រុល​ទៅ​បុក​រថយន្តតាក់ស៊ី​ម៉ាក​ម៉ាស្តាបណ្តាល​ឱ្យអ្នក​ទាំង​២រងរបួស​ធ្ងន់​។ ហេតុការណ៍​នេះ​បានកើត​ឡើង​​វេលា​ម៉ោង​១១យប់​ ថ្ងៃ​ទី​២២ខែ​វិច្ឆិកា​ឆ្នាំ​២០២៤​ នៅក្រោយ​អតីត​ក្រសួង​ដែនដី​ផ្លូវ​លេខ៩៥ កែង​ផ្លូវ​លេខ៤៥៦​ ក្នុងសង្កាត់​បឹង​ត្របែក​ ខណ្ឌ​ចំការមន​ ។ សាក្សី​បានឱ្យ​ដឹង​ថា​ មុន​​កេីតហេតុ​គេឃើញ​បុរស​ជាអ្នក​រត់​តាក់ស៊ី​ម្នាក់​បានបើក​រថយន្ត​ម៉ាក​ ម៉ាស្តា​ផ្លាក​លេខ​ភ្នំពេញ​ 2BP-8629 ដឹក​ភ្ញៀវ​បរទេស​ម្នាក់​ធ្វើ​ដំណើរ​តាម​ផ្លូវ​លេខ៤៥៦​ក្នុងទិសដៅ​ពី​កើត​ទៅ​លិច។ លុះ​មកដល់​ចំណុច​ខាងលើត្រង់ផ្លូវ​បំបែក​ជាបួន​ ក៏ស្រាប់​តែ​មានបុរស​ម្នាក់​រួម​ដំណើរ​ជា​មួយនឹង​នារី​ម្នាក់​ត្រូវ​ជា​គូស្នេហ៍​​បានជិះ​ម៉ូតូ​ម៉ាក​ ហុង​ដា​ឃ្លីក​ ពណ៌ស​ផ្លាស្លាកលេខ​ ភ្នំពេញ​ 1LC-1634 ជិះ​បោះ​ពួយ​យ៉ាងលឿនតាម​​ផ្លូវ​លេខ៩៥​ពី​ជើង​ទៅ​ត្បូង​​ខ្វះ​ការ​ប្រុងប្រយ័ត្ន​ក៏ជ្រុល​ទៅ​បុក​រថយន្ត​ពី​ចំហៀង​ខាង​ស្តាំ​ពេញ​ទំហឹង​ បណ្តាល​ឱ្យអ្នក​ទាំង​២ហោះ​ផ្លោង​ទៅ​ផ្លូវ​ម្ខាងទៀត​រងរបួស​បាក់​ភ្លៅ​ខាង​ឆ្វេង​ទាំង​២នាក់​ ត្រូវបាន​ដឹក​តាម​រថយន្ត​សាមុយ​យក​ទៅ​សង្គ្រោះ​នៅ​មន្ទីរពេទ្យ​មិត្តភាព​ខ្មែរ​-សូវៀត​ហៅ​ពេទ្យ​រុស្ស៊ី​៕ ដោយ​ឡែក​ខាង​រថយន្ត​វិញ​រងការ​ខូចខាត​ក្រពឹត​ទ្វារ​មុខ​ចំហៀង​ខាង​ស្តាំ​បែក​កង់​មុខ​ តែមិន​មាន​គ្រោះ​ថ្នាក់ដល់​មនុស្ស​ដែល​ជិះ​ក្នុង​រថយន្ត​នោះ​ទេ​ តែ​អ្នក​បេីក​បរ​ត្រូវ​សមត្ថកិច្ច​ឃាត់​ខ្លួន​យក​ទៅ​ប៉ុស្តិ៍រង់ចាំ​ប្រគល់​អោយ​ផ្នែក​ជំនាញ​ចរាចរណ៍​  ។ ក្រោយ​ពេល​កេីតហេតុ​ រថយន្ដ​និងម៉ូតូរួម​ទាំង​អ្នក​បេីក​បរ​ត្រូវ​សមត្ថកិច្ច​ជំនាញ​ចរាចរណ៍​ធ្វើការវាស់​វែង​យក​ទៅ​រក្សា​ទុក​នៅ​ការិយាល័យ​នគរបាល​ចរាចរណ៍​ផ្លូវ​គោក​ដេីម្បី​រង់ចាំ​ដំណោះ​ស្រាយ​ ៕

លោកអភិសន្តិបណ្ឌិត ស សុខា អញ្ជើញទទួលសម្ភារៈនគរបាល ជាជំនួយរបស់ក្រសួងសន្តិសុខសាធារណៈចិន ជូនក្រសួងមហាផ្ទៃកម្ពុជា ភ្នំពេញ ៖ កាលពីរសៀលថ្ងៃទី២២ ខែវិច្ឆិកា ឆ្នាំ២០២៤លោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃនៃព្រះរាជាណាចក្រកម្ពុជា និងលោក វ៉ាង វិនពីន (WANG WENBIN) ឯកអគ្គរដ្ឋទូតវិសាមញ្ញ និងពេញសមត្ថិភាពនៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា បានអញ្ជើញជាសហអធិបតីក្នុងពិធីប្រគល់-ទទួលសម្ភារនគរបាល ដែលជាជំនួយដ៏ថ្លៃថ្លារបស់ក្រសួងសន្តិសុខសាធារណៈ នៃសាធារណរដ្ឋប្រជាមានិតចិន ជូនក្រសួងមហាផ្ទៃកម្ពុជា នៅទីស្តីការក្រសួងមហាផ្ទៃ។ សម្ភារដែលជាជំនួយរបស់ក្រសួងសន្តិសុខសាធារណៈចិន ផ្តល់ជូនក្រសួងមហាផ្ទៃកម្ពុជា រួមមាន៖ រថយន្តដឹកកងកម្លាំង ចំនួន៦គ្រឿង,ដំបងរលាស់ចំនួន៥០០ដើម,ខែលចំនួន៥០០សម្រាប់,ដំបងឆក់ ៥០០ដើម, ឯកសណ្ឋានប្រឆាំងបាតុកម្មចំនួន៥០០កំប្លេ, វ៉ាលីសសុវត្ថិភាពការពារថ្នាក់ដឹកនាំចំនួន២០វ៉ាលីសនិងវ៉ាលីសពិនិត្យកន្លែងកើតហេតុចំនួន ៣០០វ៉ាលីស សរុបជាទឹកប្រាក់ ស្មើនឹង ៥លានយ៉ន់៕

ភ្នំពេញ៖ កម្លាំងនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ បានបង្ហាញមុខក្រុមជនសង្ស័យក្មេងទំនើងរហស្សនាម DP Zin (ដើមពោធិ៍) ចំនួន១០នាក់កាពីរសៀលថ្ងៃទី២១ ខែវិច្ឆិកា ឆ្នាំ២០២៤មុនបញ្ជូនទៅសាលាដំបូងរាជធានីភ្នំពេញដើម្បីអនុវត្តន៍នីតិវិធី​ ពាក់ព័ន្ធករណីប្រើកាបិតកាប់យុវជនម្នាក់ឱ្យស្លាប់ម្នាក់និងរបួសធ្ងន់ម្នាក់។ សូមបញ្ជាក់ថា ជនសង្ស័យរហស្សនាម DP Zin (ដើមពោធិ៍) ត្រូវបានកម្លាំងនគរបាលព្រហ្មទណ្ឌកម្រិលស្រាលនៃស្នងការដ្ឋាននគរបាលរាជធានីភ្នំពេញ សហការជាមួយកម្លាំងនគរបាលខណ្ឌពោធិ៍សែនជ័យ បង្ក្រាបបានកាលពីថ្ងៃទី១៨ ខែវិច្ឆិកា ឆ្នាំ២០២៤ នៅចំណុចទីតាំងបុកប៊ីយ៉ាមួយកន្លែង ស្ថិតក្នុងភូមិ ថ្មគោល២ សង្កាត់ចោមចៅទី២ ខណ្ឌពោធិ៍សែនជ័យ។ មន្រ្តីនគរបាលបានឱ្យដឹងថា ក្រោយពីឃាត់យកមកសាកសួរ ក្រុមក្មេងទំនើង DP Zin (ដើមពោធិ៍) នេះបានសារភាពថា ក្រុមពួកគេធ្លាប់ធ្វើសកម្មភាពចំនួន៣លើក-ទី១កាលពីថ្ងៃទី១២ ខែវិច្ឆិកា ឆ្នាំ២០២៤ វេលាម៉ោង១និង៥៨ នាទី នៅម្តុំផ្លូវប៉េតុង ភូមិថ្នល់បែក សង្កាត់ចោមចៅទី៣ ខណ្ឌពោធិ៍សែនជ័យ ធ្វើសកម្មភាពកាប់ម៉ូតូ និង កាប់ជនគ្រោះបណ្ដាលរងរបួសម្នាក់។ -លើកទី២ កាលពីថ្ងៃទី១៧ ខែតុលា ឆ្នាំ២០២៤ វេលាម៉ោង១២ និង០០នាទី នៅម្តុំស្ថានីយ៍ប្រេងតូតាល់ផ្លូវ២០០៤ ក្នុង សង្កាត់អូរបែកក្អម ខណ្ឌសែនសុខកាបជនរងគ្រោះឱ្យខូចខាតម៉ូតូ និងរងរបួសដៃជាទម្ងននិងលើកទី៣ នៅម្តុំផ្លូវបេតុង ភូមិ ចំការឪទ្បឹក សង្កាត់កាកាបទី១ ខណ្ឌពោធិ៍សែនជ័យ កាលពី ថ្ងៃទី១៦ខែវិច្ឆិកាឆ្នាំ២០២៤ វេលាម៉ោង ២៣:២៨នាទី បណ្តាលឱ្យជនរងគ្រោះឈ្មោះ ណារិទ្ធ តូណា ភេទ ប្រុស ឆ្នាំកំណើត២០០៧ ជនជាតិ ខ្មែរ មុខរបរ កម្មករលក់ទារខៃ មានទីលំនៅ ភូមិចំការត្បែង សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ (ស្លាប់) និងម្នាក់ទៀតរងរបួសធ្ងន់ ។បន្ទាប់មក ជនសង្ស័យទាំង១០មានអាយុពី១៥ដល់១៧ឆ្នាំនៅរាធានីភ្នំពេញ។ ។-វត្ថុតាងចាប់យកកាំបិតប៉័ងតោចំនួន១ ម៉ូតូម៉ាក SUZUKI SMASH ពណ៌ខ្មៅ ពាក់ផ្លាកលេខ កណ្តាល១២-៥១៧២ ចំនួន ០១ គ្រឿង ។ ម៉ូតូម៉ាកហុងដាសេ១២៥ ពណ៌ ខ្មៅសេរី…

្នកបើកបរមានការធ្វេសប្រហែសធ្វើឱ្យធ្លាក់ទូកុងតឺន័រពីលើរថយន្តតែមិនគញរោះថ្នាក់ដល់អ្នកដំណើរ ភ្នំពេញ ៖ រថយន្តមួយគ្រឿង ដឹកជញ្ជូនទូកុងតឺន័រមួយគ្រឿងដោយអ្នកបើកបរ ខ្វះការប្រុងប្រយ័ត្ន មិនបានដាក់គន្លឹះកុងទឺន៍រជាមួយរងយន្ត ពេលកំពុងបើកបរស្រាប់តែធ្លាក់ទូកុងតឺន័រមកលើផ្លូវជាតិ។តែមិនបង្កគ្រោះថ្នាក់ដល់អ្នកដទៃកំពុងដំណើរនោះទេប៉ុន្តែក្នុងហេតុកាណ៍ណ៍នោះម្នាក់ៗព្រលឹងចុងសក់ បន្តាប់បីនោះរថយន្តមិនបានឈប់ទេក៏បើកបន្តគេចចូលទៅក្នុងក្រុមហ៊ុនផែស្ងួតបាត់ បង្កឱ្យកកស្ទះចរាចរណ៍រាប់ម៉ោង ។ ហេតុការណ៍គួឱ្យញាក់សាច់នោះបានកើតឡើងនៅលើផ្លូវជាតិលេខ៤ចំណុចភ្លើងស្តុបស្ពានអាកាសជម្ពូវ័ន ភូមិជម្ពូវ័ន១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញកាលពីរសៀលថ្ងៃទី២១ ខែវិច្ឆិកាឆ្នាំ២០២៤។ តាមប្រភពពលរដ្ឋបានឱ្យដឹងថា មុនកើតហេតុមានរថយន្តធំមួយគ្រឿងដឹកទូកុងតឺន័រ បើកតាមមហាវិថីឈ្នះ ឈ្នះ ពីជើងទៅត្បូង។លុះ ដល់ចំណុចកើតហេតុ លើផ្លូវជាតិលេខ៤ក៏បត់ឆ្វេងឆ្ពោះទៅកើត គ្រាន់តែបត់ហើយ ស្រាប់តែធ្លាក់ទូកុងតឺន័រចុះពីលើរថយន្ត មកលើផ្លូវជាតិ បង្កការភ្ញាក់ភ្អើលយ៉ាងខ្លាំង។តែមិនបង្កគញរោះថ្នកាក់ដល់អ្នកដំណើររួមផ្លូវនោះទេគឺថ្វើឱ្យ ម្នាក់ៗព្រលឹងចុងសក់ភ័យស្ទើសាលស់ព្រលឹង ។បន្ទាប់ពីនោះតៃកុងរថយន្តមិនបានឈប់ទេក៏ បន្តដំណើរបើកចូលទៅក្នុងក្រុមហ៊ុនផែស្ងួតនៅក្បែរនោះបាត់តែម្តង ធ្វើឱ្យកកស្ទះចរាចរណ៍នៅកន្លែងកើតហេតុរាប់ម៉ោងក្រោយមកខាងក្រុមសមត្ថកិច្ចចុះសម្រល៕ បើតាមការលើកឡើងរបស់មហាជន រថយន្តដឹកទូកុងតឺន័រ មិនបានដាក់គន្លឹះ នេះជាការធ្វេសប្រហែសរបស់អ្នកបើកបរ ។ ក្រោយកើតហេតុ កម្លាំងនគរបាលចរាចរណ៍ក្រុងភ្នំពេញ ប្រចាំគោលដៅភ្លើងស្តុប ជួយសម្រួលចរាចរណ៍ ដើម្បីកាត់បន្ថយការកកស្ទះ ហើយសមត្ថកិច្ចមូលដ្ឋានធ្វើការទំនាក់ទំនងទៅខាងក្រុមហ៊ុនដើម្បីស្ទូចលើកយកទូកុងតឺន័រចេញពីលើផ្លូវជាតិ ៕