Author: Admin
ងគ្រប់គ្រងសន្តិសុខព័ត៌មានឱ្យមានប្រសិទ្ធភាពដើម្បីផ្តល់សុវត្ថិភាពនិងធានាសណ្តាប់ធ្នាប់ក្នុងវិស័យព័ត៌មាន។ រួមចំណែកដល់ការពង្រឹងសន្តិសុខ និងស្ថិរភាពជាតិ”។ នេះជាការលើកឡើងរបស់លោក ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មានកាលពីល្ងាចថ្ងៃទី១២ខែមករា ឆ្នាំ២០២៥។អ្នកនាំពាក្យ បានបន្តថា៖ “គណៈកម្មការប្រឆាំងព័ត៌មានក្លែងក្លាយនៃក្រសួងព័ត៌មាន ក្នុងឆ្នាំ២០២៤ បានកត់ត្រាព័ត៌មានក្លែងក្លាយសរុបចំនួន៣៦៥១ករណី ដែលចំនួននេះបានកើនឡើងប្រមាណជិត១៤ភាគរយ បើធៀបនឹងចំនួនព័ត៌មានក្លែងក្លាយកត់ត្រាទុកក្នុងឆ្នាំ២០២៣ ដែលមានត្រឹមចំនួន៣ ២០៨ករណី។ ក្នុងស្ថានភាពនេះ យើងចាំបាច់ត្រូវផ្តោតការយកចិត្តទុកដាក់ឱ្យជាប់លាប់ និងកាន់តែខ្លាំងក្លាជាងមុន ក្នុងការជំរុញប្រសិទ្ធភាពក្នុងយន្តការប្រឆាំងព័ត៌មានក្លែងក្លាយ ក៏ដូចជាដាក់ចេញនូវយន្តការភ្ជាប់ជាមួយនឹងមធ្យោបាយសមស្របនានាដើម្បីឆ្លើយតបទាំងសកម្ម និងបុរេសកម្ម លើគ្រប់រូបភាព និងទម្រង់ ទាំងបច្ចេកទេសនិងសតិអារម្មណ៍ដោយរាប់បញ្ចូលទាំងការអនុវត្តយុទ្ធសាស្ត្រព័ត៌មាន យុទ្ធនាការអប់រំការលើកកម្ពស់ផ្នែកអក្ខរកម្មព័ត៌មាននិងប្រព័ន្ធផ្សព្វផ្សាយព្រមទាំងការប្រើប្រាស់បច្ចេកវិទ្យាដើម្បីរួមចំណែកជំរុញប្រសិទ្ធភាព”។ ជាមួយគ្នានេះ លោកអនុរដ្ឋលេខាធិការក៏បានបញ្ជាក់ពីការសាយភាយព័ត៌មានក្លែងក្លាយគឺបានកើតឡើងតាំងពីយូរមកហើយ ហើយវាជានិន្នាការសកល។ ព័ត៌មានក្លែង ក្លាយមានសន្ទុះខ្លាំងក្លាឡើង ខណៈពេលដែលពិភពលោកមានមធ្យោបាយទំនើបសម្រាប់ប្រើប្រាស់ក្នុងការប្រាស្រ័យទាក់ទងគ្នា ផ្ល់ និងទទួលព័ត៌មានគឺជាការសាយភាយព័ត៌មានក្លែងក្លាយបានកើនឡើងច្រើន ក្នុងយុគសម័យបច្ចុប្បន្នដែលបច្ចេកវិទ្យាមានការរីកចម្រើន ជាពិសេសតាមរយៈការប្រើបណ្តាញទំនាក់ទំនងសង្គម និងបច្ចេកវិទ្យាបញ្ញាសប្បនិម្មិត (AI)។ ទន្ទឹមនេះដែរ ការប្រឆាំងព័ត៌មានក្លែងក្លាយក៏ចាំបាច់ទាមទារឱ្យមានការចូលរួមពីគ្រប់ភាគីក្នុងសង្គម ។ក្នុងនោះប្រជាពលរដ្ឋដែលជាអ្នកទទួលចែកចាយនិងប្រើប្រាស់ព័ត៌មានជាប្រចាំជាពិសេសលើបណ្តាញទំនាក់ទំនងសង្គមគ្រប់ប្រភេទ។ ពិតជាមានតួនាទីសំខាន់ក្នុងការរួម ចំណែកដល់ការទប់ស្កាត់ និងកាត់បន្ថយព័ត៌មានក្លែង ក្លាយចេញពីលំហព័ត៌មានក្នុងសង្គមរស់នៅរបស់យើង។ អ្នកនាំពាក្យបានរំលេចពីយុទ្ធនាការ «និយាយថាទេចំពោះព័ត៌មានក្លែងក្លាយ Say No to Fake News!» ដែលក្រសួងព័ត៌មាននឹងរៀបចំនៅពេលខាងមុខនេះ នឹងក្លាយជាយន្តការមួយដ៏សំខាន់រួមចំណែកកាត់បន្ថយឱ្យមកកម្រិតអប្បបរមានូវនប្រកបដោយគុណភាព និងសុវត្ថិភាព ជូនប្រជាពលរដ្ឋកម្ពុជានៅទូទាំងប្រទេស។ គោលដៅនៃយុទ្ធនាកាព័ត៌មានក្លែងក្លាយពីលំហូរព័ត៌មានក្នុងសង្គមកម្ពុជា ដើម្បីធានាសន្តិសុខព័ត៌មាន៖ គឺការទទួលព័ត៌មាននេះផ្តោតលើការផ្លាស់ប្តូរឥរិយាបទរបស់ប្រជាជន ដែលជាអ្នកប្រើប្រាស់បណ្តាញទំនាក់ទំនងសង្គម និងប្រព័ន្ធផ្សព្វផ្សាយទំនើប ដើម្បីទប់ស្កាត់ការរីកសាយភាយនូវព័ត៌មានក្លែងក្លាយក្នុងសង្គមកម្ពុជា។ បន្ថែមពីលើនេះ។ អ្នកនាំពាក្យបានស្នើឱ្យប្រជាពលរដ្ឋ និងអ្នកប្រើប្រាស់សង្គមម្នាក់ៗត្រូវយល់ដឹងអំពីផលវិបាកនៃព័ត៌មានក្លែងក្លាយ និងចេះបង្កើនការប្រុងប្រយ័ត្នក្នុងការប្រើប្រាស់ ប្រកបដោយការទទួលខុសត្រូវ ជាពិសេសមុនការចែក ចាយព័ត៌មានណាមួយ ត្រូវផ្ទៀងផ្ទាត់ព័ត៌មានទាំងនោះជាមុនៗនឹងចែកចាយព័ត៌មាន ពេលនោះយើងម្នាក់ៗនឹងអាចរួមចំណែកដល់ការកាត់បន្ថយព័ត៌មានក្លែងក្លាយ ព័ត៌មានបែបបំពុល ចេញពីក្នុងលំហព័ត៌មានរបស់យើងបានជាមិនខាន ហើយទទួលបានមកវិញនូវការបង្កើនទំនុកចិត្តគ្នាទៅវិញទៅមកក្នុងការរស់នៅ ដើម្បីបន្តធានាស្ថិរភាពសង្គម និងភាពសុខសាន្តរបស់ប្រជាពលរដ្ឋ។ដូច្នេះដើម្បីការពារសង្គមគ្រួសារ និងសង្គមជាតិចាំបាច់ត្រូវរួមគ្នាទប់ស្កាត់ហានិភ័យ និងគ្រោះថ្នាក់នៃព័ត៌មានក្លែងក្លាយទាំងនោះ ដើម្បីបញ្ចៀសការខាតបង់ពេលវេលាប្រាក់កាស ឬទ្រព្យសកម្មនានាដែលអាចកើតមានជាយថាហេតុ បណ្តាលមកពីព័ត៌មានក្លែងក្លាយ ៕
ភ្នំពេញ៖បុរសម្នាក់ជិះម៉ូតូឌុបបងថ្លៃស្រីទៅធ្វើការលុះត្រឡប់ទៅផ្ទះវិញបានក៏ដួលម៉ុតូបោកក្បាលទៅនឹងថ្នល់ស្លាប់នៅលើស្ពានតែម្តង។គ្រោះថ្នក់ខ្ួនឯងនេះបានក់ើតឡើងនៅលើស្ពានព្រែកព្នៅក្នុងសង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញកាលពីម៉ោង៦យប់ថ្ងៃទី១២ខែមករាឆ្នាំ២០២៥។ សមត្ថកិច្ចបានឲ្យដឹងថា សពឈ្មោះ ទេពសំណាង អាយុ ២០ឆ្នាំ មុខរបរជាងសំណង់ស្នាក់នៅសង្កាត់ឡកំប៉ោសង្កាត់ស្វាយប៉ាកខណ្ឌឫស្សីកែវស្រុកកំណើតឃុំស្វាយតង ស្រុកកំពង់ត្រាច ខេត្តកំពត ។ប្រភពព័ត៌មានពីបងថ្លៃស្រីជនរងគ្រោះបានឲ្យដឹងថា នៅមុនកើតហេតុជនរងគ្រោះបានឌុបគាត់ពីបន្ទប់ជួលនៅម្តុំរង្វង់មូលអប្សរាសង្កាត់ស្វាយប៉ាកហើយឆ្លងស្ពានព្រែកព្នៅពីលិចទៅកើតលុះពេលត្រឡប់ទៅផ្ទះវិញក៏ឃើញដួលនៅលើស្ពានស្លាប់ដោយមិនទាន់ដឹងមូលហេតុ។ ប្រភពព័ត៌មាននៅកន្លែងកើតហេតុនៅកន្លែងកើតហេតុគេមិនដឹងថាជនរងគ្រោះដួលម៉ូតូរហូតស្លាប់មកពីមូលហេតុអ្វីនោះទេ។ ដោយឃើញសភាពម៉ូតូជនរងគ្រោះខូចខាតតិចតួចចំណែកសពវិញ បែកក្បាលនឹងរបួសពេញខ្លួន ប្រាណ។ សមត្ថកិច្ចនគរបាលពីនិត្យកន្លែងកើតហេតុមានការសង្ស័យជនរងគ្រោះ ជិះម៉ូតូលឿនដួលបោកទៅនឹងផ្លូវស្ពានបណ្តាលឲ្យជនរងគ្រោះរបួសពេញខ្លួនប្រាណនឹងស្លាប់។ បន្ទាប់ពីកេីតហេតុសមត្ថកិច្ចនគរបាលប៉ុស្តិ៍បានទាក់ទងទៅសមត្ថកិច្ចជំនាញចរាចរណ៍ខណ្ឌព្រែកព្នៅដើម្បីស្រាវជ្រាវតាមកាមេរ៉ាសុវត្ថិភាពនៅចំណុចកើតហេតុ ចំណែកាសពប្រគ់ឱ្យក្រុមគ្រួសារយកទៅធ្វើបុណ្យ៕
ភ្នំពេញ៖តាមសេចក្ដីជូនដំណឹងរបស់ក្រសួងសុខាភិបាលកម្ពុជាថ្ងៃទី១២ ខែមករា ឆ្នាំ២០២៥នេះ បានបញ្ជាក់ពីករណីវិជ្ជមានវីរុសកូវីដ-១៩ថ្មីគ្មានអ្នកឆ្លងថ្មី , គ្មានអ្នកជាសះស្បើយ ខណៈអ្នកជំងឺក៏គ្មានស្លាប់ដែរ។ ដូច្នេះសូមបងប្អូនប្រជាពលរដ្ឋនាំគ្នាអនុវត្តវិធានការ ៣កុំ៣ការពារទាំងអស់គ្នា។សូមជម្រាបថា ក្នុងសេចក្ដីជូនដំណឹងរបស់ក្រសួងសុខាភិបាលកាលពីថ្ងៃទី១១ខែមករា ឆ្នាំ២០២៥ គ្មានអ្នកឆ្លងថ្មី , គ្មានអ្នកជាសះស្បើយ និងមិនមានអ្នកជំងឺស្លាប់។៖ – ករណីឆ្លងសហគមន៍ គ្មានអ្នកឆ្លងថ្មី (អូមីក្រុង)– អ្នកដំណើរពីបរទេសគ្មានគិតត្រឹមព្រឹកថ្ងៃទី១២ ខែមករា ឆ្នាំ២០២៥នេះ– អ្នកឆ្លងសរុបស្មើ១៣៩,៣២៦ នាក់– អ្នកជាសះស្បើយស្មើ ១៣៦,២៧០ នាក់ – អ្នកស្លាប់៣,០៥៦ នាក់។៖ក្រសួងសុខាភិបាលបានផ្ញើលទ្ធផល និងទម្រង់ស្នើសុំធ្វើពិសោធន៍ (Laboratory Request Form) គ្រប់ករណីវិជ្ជមានកូវីដ-១៩ និងករណីជាសះស្បើយ ទៅមន្ទីរសុខាភិបាលនៃរដ្ឋបរាជធានី-ខេត្ត មន្ទីរពេទ្យព្យាបាលជំងឺកូវីដ-១៩ និងមណ្ឌលព្យាបាលជំងឺកូវីដ-១៩ កម្រិតស្រាល តាមប្រព័ន្ធអេឡិចត្រូនិកដើម្បីគ្រប់គ្រងបន្តរួចហើយ។ ក្រសួងសុខាភិបាល បន្តជូនដំណឹងដល់សាធារណជនអំពីការវិវត្តន៍នៃបញ្ហាសុខភាព តាមទំព័រហ្វេសប៊ុក និងគេហទំព័ររបស់ក្រសួង www.cdcmoh.gov.kh ដែលគេហទំព័រនេះមានសម្ភារអប់រំសុខភាពដែលអាចទាញយកមកប្រើប្រាស់បាន។ សម្រាប់ព័ត៌មានបន្ថែម សូមទាក់ទងមកទូរសព្ទទាន់ហេតុការណ៍ ក្រសួងសុខាភិបាល លេខ១១៥ ដោយឥតគិតថ្លៃឬទំនាក់ទំនងមកក្រសួងសុខាភិបាល តាមទូរសព្ទលេខ ០១២ ៨២៥ ៤២៤ ឬ០១២ ៤៨៨ ៩៨១ឬ០១២៨៣៦៨៦៨៕
ខេត្តកោះកុង៖គ្រោះថ្នាក់ចរាចរណ៍ដ៏រន្ធត់មួយបានកើតឡើងដោយសាររថយន្តដឹកថ្មមួយគ្រឿង បើកបរខ្វះការប្រុងប្រយ័ត្នត្រង់ស្ថានភាពផ្លូវកោងចុះចំណោតហើយគញរានោះបានដាក់លេខអត់ចូលបណ្តាលឱ្យរអិលរថតយន្តធ្លាក់ជ្រោះក៏ផ្ទុះឆេះតែម្តងអ្នកបើកបរបានស្លាប់នោពេលនោះ។ក្នុងនោះអ្នករួមដំណើរម្នាក់ និងតៃកុងអែបម្នាក់ទៀតបានររងរបួសធ្ងន់។ ករណីគ្រោះថ្នាក់ចរាចរណ៍ខាងលើនេះ បានកើតឡើងថ្ងៃទី១១ខែមករាឆ្នាំ២០២៥ស្ថិតត្រង់ចំណុចស្ពានចំណោតស្វាងស្រាភូមិព្រែកខ្សាច់ ឃុំព្រែកខ្សាច់ស្រុកគិរីសាគរខេត្តកោះកុង ។អ្នកស្លាប់ឈ្មោះ ស៊ុម សំណាត ទីលំនៅ ភូមិ ត្រពាំងក្រឡឹងឃុំគិរីវ័ន្ត ស្រុកភ្នំស្រួច ខេត្តកំពង់ស្ពឺ (ជាអ្នកបើកបរ)។ សមត្ថកិច្ចមូលដ្ឋាន បានឱ្យដឹងថាក្រោយកើតហេតុកម្លាំងជំនាញ បានចុះដល់កន្លែងកើតហេតុបានសម្រួលចរាចរណ៍ និងបញ្ជូនជនរងគ្រោះទៅមន្ទីរពេទ្យ។ចំណែករថយន្តសមត្ថកិច្ចបានការពារនៅនឹងកន្លែងកើតហេតុ និងកំពុងស្រាវជ្រាវដើម្បីប្រគល់ជូនម្ចាស់ដើមវិញ។ រថយន្តរងគ្រោះម៉ាកនីសាន់ផ្លាកលេខខេមរភូមិន្ទ 02.3- 0544 ដឹកថ្មបើកបរពីកើតទៅលិច ដល់ចំណុចកើតហេតុរថយន្តសាងលេខមិនចូលជ្រុលធ្លាក់ចុះផ្លូវ ចំណោតបណ្តាលឲ្យក្រឡាប់ និងបុកថ្មឆេះកាប៊ីនតែម្តង ។មូលហេតុ ស្ថានភាពផ្លូវកោងចុះ ចំណោត និងបើកបរខ្វះការប្រុងប្រយ័ត្ន ។ ចំណែកសពប្រគល់ជូនក្រុមគ្រួសារយកទៅធ្វើបុណ្យនៅ តីលំនៅឯខេត្តកំពង់ស្ពឺ ៕
ភ្នំពេញ៖ កាលពីរសៀលថ្ងៃទី១២ ខែមករា ឆ្នាំ២០២៥ លោកឃួង ស្រេង អភិបាលរាជធានីភ្នំពេញ បានដឹកនាំមន្ត្រីជំនាញ អាជ្ញាធរដែនដីចុះពិនិត្យនិងសិក្សាពីស្ថានភាពផ្លូវ៦០ម៉ែត្រ ដើម្បីរកមធ្យោបាយធ្វើយ៉ាងណាឱ្យផ្លូវ៦០ម៉ែត្រ កាត់បន្ថយបាននូវការគ្រោះថ្នាក់ចរាចរណ៍ ដោយមានការចូលរួមដំណើរពីលោកប៉េង ពោធិ៍នា រដ្ឋមន្ត្រីក្រសួងសាធារណការនិងដឹកជញ្ជូន។ លោក ឃួង ស្រេង អភិបាលរាជធានីភ្នំពេញបានបញ្ជាក់ថា៖ ក្រោយចុះត្រួតពិនិត្យជាក់ស្ដែងរួចក្រសួងសាធារណការនិងដឹកជញ្ជូន និងរដ្ឋបាលរាជធានីភ្នំពេញបានឯកភាពគ្នាមួយ ដោយបានសម្រេចបង្កើនកម្លាំងប៉ូលិសជាមួយនឹងការរឹតបន្តឹងការផាកពិន័យចំពោះ អ្នកបើកបរមិនគោរពច្បាប់ចរាចរណ៍និងបើកបរលើសល្បឿនកំណត់នៅលើកំណត់ផ្លូវ៦០ម៉ែត្រ ក្នុងមូលដ្ឋានខណ្ឌមានជ័យនិងខណ្ឌដង្កោ។ លោក សាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញ បានបញ្ជាក់ឱ្យដឹងនៅថ្ងៃនេះថា៖ ការងារមន្ទីរសាធារណការ ត្រូវគូសគំនូសសញ្ញាចរាចរណ៍ជាថ្មីនិងដាក់ភ្លើងស្តុបថ្មីបន្ថែមទៀត ហើយក៏នឹងបន្ថែមចំណាំងផ្លាតលើផ្លូវនេះ ដើម្បីកាត់បន្ថយគ្រោះថ្នាក់ចរាចរណ៍ និងផ្ដល់ភាពងាយស្រួលក្នុងការធ្វើដំណើរទាំងពេលយប់និងពេលថ្ងៃ។ លោកប្រធានមន្ទីរបានបន្តថា៖ ជាមួយនោះក៏ដាក់កាមេរ៉ាសុវត្ថិភាព ដាក់ផ្លាកសញ្ញាកំណត់ល្បឿន ដោយចាប់ពីភ្លើងស្តុបមែរសឺដែសដល់ស្ពានអាកាស «មរតកតេជោ»អាចបើកបរក្នុងល្បឿន ៤០គីឡូម៉ែត្រក្នុងមួយម៉ោង។ ចាប់ពីផ្លូវជាតិលេខ២ មកដល់ភ្លើងស្តុបមែរសឺដែសកំណត់ល្បឿន៦០គីឡូម៉ែត្រក្នុងមួយម៉ោង។ ក្នុងឱកាសនោះដែ៕លោករដ្ឋមន្ត្រីនិងលោកអភិបាលរាជធានីភ្នំពេញ ក៏បានចែកមួកសុវត្ថិភាពដល់បងប្អូនប្រជាពលរដ្ឋដែលបានឆ្លើយសំណួរបានត្រឹមត្រូវ ពាក់ព័ន្ធនឹងច្បាប់ចរាចរណ៍ ជាមួយនឹងការអំពាវនាវឱ្យប្រជាពលរដ្ឋទាំងអស់ត្រូវគោរពច្បាប់ចរាចរណ៍ដោយពាក់មួកសុវត្ថិភាពឱ្យបានត្រឹមត្រូវ ចៀសវាងឱ្យបាននូវហេតុការណ៍គ្រោះថ្នាក់ចរាចរណ៍ក្នុងរយៈពេលប៉ុន្មានថ្ងៃកន្លងមកនេះ មានហេតុការណ៍គ្រោះថ្នាក់ចរាចរណ៍ គួរឲ្យរន្ធត់ចំនួនពីរករណីផ្ទួនៗគ្នាបណ្ដាលឱ្យមនុស្សស្លាប់៤នាក់លើបណ្តោយផ្លូវ៦០ម៉ែត្រនេះ៕
ភ្នំពេញ៖ ក្រសួងធនធានទឹក និងឧតុនិយមព្រឹកថ្ងៃចន្ទទី១៣ ខែមករា ឆ្នាំ២០២៥នេះ បានចេញសេចក្ដីជូនដំណឹងស្តីពីស្ថានភាពធាតុអាកាសនៅកម្ពុជា។ ខណៈសម្ពាធខ្ពស់នៅបន្តមានឥទ្ធិពលខ្លាំងលើរបបខ្យល់មូសុងឦសានដែលគ្របដណ្តប់លើ សមុទ្រចិនខាងត្បូង អាងទន្លេមេគង្គ និងព្រះរាជាណាចក្រកម្ពុជា។សេចក្តីជូនដំណឹងបានបញ្ជាក់ទៀតថា ស្ថានភាពបែបនេះនឹងធ្វើឱ្យ៖ចាប់ពីថ្ងៃទី១៣ដល់ថ្ងៃទី១៥ ខែមករា ឆ្នាំ២០២។ ១-តំបន់វាលទំនាប៖សីតុណ្ហភាពមធ្យមអប្បបរមា១៩°C និងសីតុណ្ហភាពមធ្យមអតិបរមា៣១°C។ ខ្យល់ បក់មកពីទិសឦសាន និងបូពីមានល្បឿនមធ្យម ៥ម៉ែត្រ/វិនាទី។ ២-តំបន់ខ្ពង់រាប៖សីតុណ្ហភាពមធ្យមអប្បបរមា១៨°C និងសីតុណ្ហភាពមធ្យមអតិបរមា៣១°C។ ខ្យល់ បក់មកពីទិសឦសាន និងបូព៌មានល្បឿនមធ្យម៤ម៉ែត្រ/វិនាទី។ ៣-តំបន់មាត់សមុទ្រ៖-សីតុណ្ហភាពមធ្យមអប្បបរមា២០°C និងសីតុណ្ហភាពមធ្យមអតិបរមា៣១°C។ ខ្យល់ បក់មកពីទិសឦសាន និងអាគ្នេយ៍ មានល្បឿនមធ្យម៦ម៉ែត្រវិនាទី។-រលកសមុទ្រមានកម្ពស់មធ្យមអប្បបរមា០,៥០ម៉ែត្រនិងកម្ពស់មធ្យមអតិបរមា១,២៥ម៉ែត្រ៕
ខេត្តស្ទឹងត្រែង៖ មន្ត្រីស្នងការដ្ឋាននគរបាលខេត្តស្ទឹងត្រែង បានឱ្យដឹងថារយៈពេលពីរថ្ងៃគឺពីថ្ងៃទី១០-១១ ខែមករា ឆ្នាំ២០២៥ កម្លាំងនគរបាលប្រឆាំងគ្រឿងញៀនខេត្ត បានចុះសហការជាមួយកម្លាំងនគរបាលមូលដ្ឋានបង្រ្កាបនិងឃាត់ខ្លួនជនសង្ស័យចំនួន ០៩នាក់ ករណីជួញដូរ រក្សាទុក និងប្រើប្រាស់ដោយខុសច្បាប់ នូវសារធាតុញៀន ហើយយមកសាកសួរនិងចាត់ការតាមច្បាប់ដោយត្រៀមខ្បតុលាការខេត្តដើម្បីបន្តនីតិវិធី។ ប្រភពដដែលបន្តថា ក្នុងប្រតិបត្តិការនោះមន្រ្តីជំនាញ នៃការិយាល័យប្រឆាំងគ្រឿងញៀនខេត្ត បានសហការជាមួយ កម្លាំងអធិការដ្ឋាននគរបាល ក្រុងស្ទឹងត្រែង បានបង្ក្រាបករណីជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន ១ករណី ស្ថិតនៅក្នុងភូមិស្រែពោធិ៍ សង្កាត់ស្រះឫស្សី និងសង្កាត់សាមគ្គី ក្រុង/ខេត្តស្ទឹងត្រែង ឃាត់ខ្លួនជនសង្ស័យចំនួន ០៩នាក់។ ក្នុងនោះស្រីម្នាក់។ ចំណែកវត្ថុតាងចាប់បានពីជនសង្ស័យរួមមាន៖ គ្រឿងញៀន ៦កញ្ចប់ធំ ,២កញ្ចប់តូច និងមួយចំនួនបោះចូលក្នុងទឹក។សម្ភារចាប់យកទាំងអស់រួមមាន: ម៉ូតូចំនួន៦គ្រឿង, ទូរស័ព្ទដៃចំនួន ៩គ្រឿង, ជញ្ជីងសម្រាប់ថ្លឹងគ្រឿងញៀន ១គ្រឿង, ថង់សម្រាប់ច្រកគ្រឿងញៀន និងឧបករណ៍សម្រាប់ជក់គ្រឿងញៀនមួយចំនួន។ បច្ចុប្បន្នជនសង្ស័យ និងវត្ថុតាង ព្រមទាំងសម្ភារខាងលើ ការិយាល័យនគរបាលប្រឆាំងគ្រឿងកំពុងកសាងសំណុំរឿងបញ្ជូនទៅអយ្យការអមសាលាដំបូងខេត្ត ចាត់ការតាមនីតិវិធី ៕
ភ្នំពេញ ៖ នៅវេលាថ្ងៃត្រង់ ទី១១ ខែមករា ឆ្នាំ២០២៥នេះ ជនដៃដល់ ជនជាតិថៃ ឈ្មោះ Ekkalak pheanoi ដែលជាឃាតក បាញ់សម្លាប់ លោក លឹម គឹមយ៉ា អតីតតំណាងរាស្ត្របក្សសមរង្សីខេត្តកំពង់ធំ ត្រូវបានសមត្ថកិច្ចកម្ពុជា បញ្ជូនចេញពីប្រទេសកម្ពុជា តាមច្រកទ្វារអន្តរជាតិប៉ោយប៉ែតខេត្តបន្ទាយមានជ័យ ដើម្បីឱ្យនគរបាលថៃបន្តនីតិវិធី។ការបញ្ជូនជនដៃដល់ ជនជាតិថៃរូបនេះ ធ្វើឡើង ក្រោមការអង្កេតដោយផ្ទាល់ពីសំណាក់លោក ឌី វិជ្ជា អគ្គស្នងការរងនគរបាលជាតិកម្ពុជា និងជាប្រធាននាយកដ្ឋានកណ្ដាលសន្តិសុខកម្ពុជា។ សូមបញ្ជាក់ថា ៖ សំឡេងដែលទណ្ឌិត សម រង្ស៊ី បង្ហោះផ្សាយថា សម្តេចតេជោ មានជាប់ពាក់ព័ន្ធនឹងករណីលឹម គឹមយ៉ាស្លាប់នោះ គឺជាសំឡេងក្លែងក្លាយ ដែលបង្កើតឡើងដោយAI។ដូច្នេះ សូមប្រជាពលរដ្ឋកុំមានការយល់ច្រឡំ និងសូមកុំបន្តចែកចាយនូវព័ត៌មានក្លែងក្លាយនេះជាដាច់ខាត៕
ខេត្តព្រះសីហនុ៖ នាវាទេសចរណ៍ដឹកកអ្នកដំណើរចម្រុះជាតិសាសន៍មួយគ្រឿង បានចូលសំចតកននៅកំពង់ផែស្វយ័តក្រុងព្រះសីហនុ ប្រកបដោយសុវត្ថិភាពនាពីព្រឹក ថ្ងៃទី១០ ខែមករា ឆ្នាំ២០២៥នេះ។នាឱកាសនោះលោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ បានចាត់ឱ្យកម្លាំងកងកម្លាំងអាវុធហត្ថខេត្ត រួមនឹងកម្លាំងអាវុធហត្ថក្រុង ស្រុក ចេញប្រតិបត្តិការឈរជើងប្រចាំការតាមគោលដៅ ដើម្បីការពារសន្តិសុខសុវត្ថិភាព រក្សាសណ្តាប់ធ្នាប់ ក្នុងភូមិសាស្ត្រខេត្តព្រះសីហនុ។ សូមបញ្ជាក់ថានាវានេះឈ្មោះSEA BOURN ENCORE មានបណ្តោយ២១០,៥ម៉ែត្រ និងទទឹង២៨ម៉ែត្រជម្រៅទឹក៦ម៉ែត្រ។ នៅក្នុងនាវាទេសចរណ៍នេះមានភ្ញៀវទេសចរ ចំនួន ៥៦៤នាក់ ស្រីចំនួន ២៩០នាក់ មាន ២២សញ្ជាតិ និងមាននាវឹក ចំនួន៤០៥នាក់ ស្រីចំនួន ១០៥នាក់ មាន ៥៩សញ្ជាតិ។នាវានេះ មកពីប្រទេសថៃឡង់ដ៏នឹងធ្វើដំណើរត្រឡប់ទៅប្រទេសវៀតណាមវិញ នៅវេលាម៉ោង១៩និង០០នាទីថ្ងៃខែឆ្នាំដដែល៕
ភ្នំពេញ៖ តាមសេចក្ដីជូនដំណឹងរបស់ក្រសួងសុខាភិបាលកម្ពុជាថ្ងៃទី១០ ខែមករា២០២៥នេះ បានបញ្ជាក់ថាករណីវិជ្ជមានវីរុសកូវីដ-១៩ គ្មានអ្នកឆ្លងថ្មី , គ្មានអ្នកជាសះស្បើយខណៈនិងមិនមានអ្នកជំងឺស្លាប់ដែរ។ ដូច្នេះសូមបងប្អូនប្រជាពលរដ្ឋនាំគ្នាអនុវត្តវិធានការ ៣កុំ៣ការពារទាំងអស់គ្នា។ សូមជម្រាបថាសេចក្ដីជូនដំណឹងរបស់ក្រសួងសុខាភិបាលកាលពីថ្ងៃទី៩ ខែមករា ឆ្នាំ២០២៥ គ្មានអ្នកឆ្លងថ្មី , គ្មានអ្នកជាសះស្បើយ និងអ្នកជំងឺស្លាប់គ្មាន៖ – ករណីឆ្លងសហគមន៍ គ្មានអ្នកឆ្លងថ្មី (អូមីក្រុង)– អ្នកដំណើរពីបរទេសគ្មាន គិតត្រឹមព្រឹកថ្ងៃទី១០ ខែមករា ឆ្នាំ២០២៥នេះ– អ្នកឆ្លងសរុបស្មើ១៣៩,៣២៦ នាក់ – អ្នកជាសះស្បើយស្មើ ១៣៦,២៧០ នាក់– អ្នកស្លាប់៣,០៥៦ នាកកំណត់សម្គាល់៖ក្រសួងសុខាភិបាលបានផ្ញើលទ្ធផល និងទម្រង់ស្នើសុំធ្វើពិសោធន៍ (Laboratory Request Form) គ្រប់ករណីវិជ្ជមានកូវីដ-១៩ និងករណីជាសះស្បើយ ទៅមន្ទីរសុខាភិបាលនៃរដ្ឋបាលរាជធានី-ខេត្ត មន្ទីរពេទ្យព្យាបាលជំងឺកូវីដ-១៩ និងមណ្ឌលព្យាបាលជំងឺកូវីដ-១៩ កម្រិតស្រាល តាមប្រព័ន្ធអេឡិចត្រូនិកដើម្បីគ្រប់គ្រងបន្តរួចហើយ។ ក្រសួងសុខាភិបាល បន្តជូនដំណឹងដល់សាធារណជនអំពីការវិវត្តន៍នៃបញ្ហាសុខភាព តាមទំព័រហ្វេសប៊ុក និងគេហទំព័ររបស់ក្រសួង www.cdcmoh.gov.kh ដែលគេហទំព័រនេះមានសម្ភារអប់រំសុខភាពដែលអាចទាញយកមកប្រើប្រាស់បាន។សម្រាប់ព័ត៌មានបន្ថែម សូមទាក់ទងមកទូរសព្ទទាន់ហេតុការណ៍ ក្រសួងសុខាភិបាល លេខ ១១៥ ដោយឥតគិតថ្លៃ ឬទំនាក់ទំនងមកក្រសួងសុខាភិបាលតាមទូរសព្ទលេខ ០១២ ៨២៥ ៤២៤ ឬ ០១២ ៤៨៨ ៩៨១ឬ០១២ ៨៣៦៨៦៨៕