Author: Admin

ភ្នំពេញ​៖​ ក្រសួងធនធានទឹក​ និង​ឧតុនិយម​ នៅព្រឹក​ថ្ងៃ​អង្គារ​ទី​១០​ ខែធ្នូ​ ឆ្នាំ​២០២៤នេះ​ បានចេញសេចក្ដីជូនដំណឹង​ស្តីពីស្ថានភាពធាតុអាកាសនៅព្រះរាជាណាចក្រកម្ពុជា​ ខណៈ​ខ្យល់មូសុងឦសាន នៅតែមានឥទ្ធិពលខ្លាំង ដូច្នេះ​សម្ពាធទាបដែលគ្របដណ្តប់លើ សមុទ្រចិនខាងត្បូង ឈូងសមុទ្រថៃ ភាគខាងក្រោមនៃអាងទន្លេមេគង្គនិងលើព្រះរាជាណាចក្រ កម្ពុជាបានថយឥទ្ធិពល។ក្រសួងធនធានទឹក​ បានបញ្ជាក់ថា​ ស្ថានភាពបែបនេះនឹងធ្វើឱ្យ៖ ចាប់ពីថ្ងៃទី១០ ដល់ថ្ងៃទី១២ ខែធ្នូ ឆ្នាំ២០២៤១-តំបន់វាលទំនាប៖សីតុណ្ហភាពមធ្យមអប្បបរមា២០°C និងសីតុណ្ហភាពមធ្យមអតិបរមា៣២°C។ ខ្យល់បក់ មកពីទិសឦសាន និងអាគ្នេយ៍មានល្បឿនមធ្យម២ ម៉ែត្រ/វិនាទី។ ២-តំបន់ខ្ពង់រាប៖សីតុណ្ហភាពមធ្យមអប្បបរមា២០°C និងសីតុណ្ហភាពមធ្យមអតិបរមា៣១°C។ ខ្យល់បក់ មកពីទិសឦសាន និងបូព៌មានល្បឿនមធ្យម៣ម៉ែត្រ/វិនាទី។ ៣-តំបន់មាត់សមុទ្រ៖-សីតុណ្ហភាពមធ្យមអប្បបរមា២០°C និងសីតុណ្ហភាពមធ្យមអតិបរមា៣១°C។ ខ្យល់បក់ មកពីទិសឦសាន និងអាគ្នេយ៍ មានល្បឿនមធ្យម២,៥ម៉ែត្រ/វិនាទី។-រលកសមុទ្រមានកម្ពស់មធ្យមអប្បបរមា ០,៥០ម៉ែត្រនិងកម្ពស់មធ្យមអតិបរមា១,២៥ម៉ែត្រ៕

ភ្នំពេញ៖ បុរសម្នាក់បានជិះម៉ូតូម៉ាកហុងដាប៊ីតប្រុងវ៉ាជែងកាត់ពីមុខរថយន្តក្រឡុកសុីម៉ងត៍តែមិនផុតហើយបានដួលត្រូវរថយន្ដចាប់ហ្រ្វាំងមិនទាន់ក៏កកិនទាំងម៉ូតូនិងមនុស្សបណ្ដាលឲ្យ អ្នកជិះម៉ូតូស្លាប់មួយរំពេច។ហេតុការណ៍នេះបានកេើតឡើងនៅម្តុំក្រោមស្ពានអាកាសក្បាលថ្នល់ សាងសង់ថ្មីផ្លូវមុនីវង្ស សង្កាត់ផ្សារដើមថ្កូវ ខណ្ឌចំការមនកាលពីវេលាម៉ោង ១១យប់ថ្ងៃ ទី ៩ ខែធ្នូ ឆ្នាំ ២០២៥។ សមត្ថកិច្ចបានឱ្យដឹងថាអ្នកស្លាប់ឈ្មោះ រ៉េត ប៊ុន សារៈ អាយុ ២៨ឆ្នាំ មុខរបរាជាកម្មករសំណង់មានស្រុកកំណើតភូមិតានន ឃុំត្នោត ស្រុកបាទី ខេត្តតាកែវ។ សាក្សីបានឱ្យដឹងថា មុនកេីតហេតុគេឃើញរថយន្តប្រភេទក្រឡុកបេតុងម៉ាក HINO ពណ៌ក្រហរបស់ក្រុមហ៊ុន SCG ផ្លាកលេខភ្នំពេញ 5A-0995 បើកតាមផ្លូវព្រះមុនីវង្សពីត្បូងទៅជើង។លុះមកដល់ចំណុចកេីតហេតុផ្លូវក្រោមស្ពានអាកាសក្បាលថ្នល់កំពុងសាងសង់ថ្មី រថយន្តបានបត់ឡេីងទៅផ្លូវ២៧១ហេយគាប់ជួន ពេលនោះ។ស្រាប់តែបុរសជាជនរងគ្រោះបានជិះម៉ូតូម៉ាកហុងដាប៊ីតពណ៌ខ្មៅធ្វើដំណើរស្របទិសជាមួយនិងរថយន្តហើយបានប្រុងវ៉ាជែងខាងឆ្វេងបត់កាត់ ពីមុខរថយន្តក៏ត្រូវអ្នកបេចាប់ហ្រ្វាំងមិនទាន់ក៏ជ្រុលបុុកបីក្រោយរួចអូសទាំងម៉ូតូនិងមនុស្សចំពាក់កណ្ដាលខ្លួនបណ្តាលឲ្យជនរងគ្រោះស្លាប់មួយរំពេច។ បន្តាប់បីនោះតៃកុងរថយន្ដបង្កបានចុះពីលើរថយន្ដរត់គេចខ្លួនបាត់។ក្រោយមកសមត្ថកិច្ចមូលដ្ឋាននិងជំនាញចរាចរណ៍បានចុះទៅកន្លែងកេីតហេតុនិងបានទាក់ទងទៅសាច់ញាតិនៃសពរបស់ជនរងគ្រោះផ្តលជាដំណឺង។ ក្រោយកើតហេតុមធ្យោបាយត្រូវសមត្ថកិច្ចជំនាញវាស់វែងយករថយន្ដ និងម៉ូតូ ទៅរក្សាទុកនៅការិយាល័យនគរបាលចរាចរណ៍ផ្លូវគោកដើម្បីរង់ចាំដំណោះស្រាយុំពេលក្រោយ។រីឯសពត្រូវបានប្រគល់ឱ្យសាច់ញាតិយកទៅធ្វើបុណ្យនៅស្រុកកំណើត ៕

ភ្នំពេញ៖ កម្លាំងកងរារាជអាវុធហត្ថខណ្ឌសែនសុខបនឃាត់ខ្លួនជនជាតិចិននិងខ្មែរចំនួន៧នាក់សង្ស័យករណីជម្រិតទារប្រាក់ ដែលមានទីតាំងស្ថិតនៅម្តុំខុនដូមួយនៅក្បែរផ្លូវ២០០២ ស្ថិតក្នុងសង្កាត់ទឹកថ្លាខណ្ឌសែនសុខ រាជធានីភ្នំពេញកាលពីយប់ថ្ងៃទី០ខែធ្នូឆ្នាំ ២០២៥។ មន្ត្រីអាវុធហត្ថបានឱ្យដឹងថា,ក្រោយពីមានសេចក្តីរាយការណ៍ពីពលរដ្ឋថាមានករណីចាប់បុរសជនជាតិចិនម្នាក់ វាយខ្នោះច្រកចូលថង់ខ្មៅរួចយកចូលក្នុងខុនដូមួយកន្លែងសង្ស័យជម្រិតទារប្រាក់កម្លាំងក៏បានចុះមកដល់ចំណុចកើតហេតុហើយក៏ឃាត់ខ្លួនក្រុមជនសង្ស័យចំនួន៧នាក់។ក្នុងនោះមានជនជាតិខ្មែរម្នាក់និងជួយសង្គ្រោះជនរងគ្រោះដែលជាជនជាតិបានម្នាក់។ ក្រោយកើតហេតុជនជាតិចិន៧នាក់ និងជនជាតិខ្មែរម្នាក់ (សរុប៨នាក់)។ក្នុងនោះមានបុរសជនជាតិចិនម្នាក់ជាជនរងគ្រោះ ត្រូវបានបញ្ជូនទៅមូលដ្ឋានកងរាជអាវុធហត្ថខណ្ឌសែនសុខដើម្ីសាកសួរសួរភ្លាម។ក្រោយពីបានសួរនាំរួចកម្លាំងអាវុធហត្ថខណ្ឌសែនសុខបានបញ្ជូនខ្លួនជនសង្ស័យនិងជនរងគ្រោះទៅកងរាជអាវុធហត្ថ រាជធានីភ្នំពេញ ដើម្បីបន្តនីតិវិធី៕

ខេត្ត​បាត់ដំបង៖ ស្នងមន្ត្រី​នគរបាល​ខេត្ត​បាត់ដំបង​ បានឱ្យដឹងថា​ មានករណីហិង្សាដោយចេតនាដោយប្រើកាំបិតផ្គាក់កាប់លើជនរងគ្រោះបណញតាលឱ្យរងរបួសថ្ងន់។ហេតុការណ៍បានកើតឡោះងនៅមួយកើតឡើង ស្ថិតនៅចំណុចភូមិក្រពើជើង ឃុំភ្នំសំពៅ ស្រុកបាណន់ ខេត្តបាត់ដំបងកាលពីថ្ងៃទី០៦ ខែធ្នូ ឆ្នាំ២០២៥ករណីនេះ បង្កឡើងដោយជនសង្ស័យឈ្មោះ លឹម សាវី ភេទប្រុស អាយុ៦៣ឆ្នាំ រស់នៅភូមិក្រពើជើង ឃុំភ្នំសំពៅ ស្រុកបាណន់ ខេត្តបាត់ដំបង ត្រូវជាប្អូនថ្លៃ នៅផ្ទះជិតខាងក្នុងភូមិជាមួយគ្នា បានឈ្លោះប្រកែកគ្នាហើយជនសង្ស័យបានប្រើប្រាស់កាំបិតផ្គាក់កាប់ទៅលើបងថ្លៃឈ្មោះ អ៊ួច មុំ អាយុ៦៣ឆ្នាំ ចំនួន២កាំបិត បណ្តាលឲ្យចំត្រូវក្បាលផ្នែកខាងស្តាំមួយកន្លែង និងចំត្រូវខាងក្រោមក្លៀកខាងស្តាំ មួយកន្លែង រងរបួសជាទម្ងន់ ។ ក្រោយពីបានទទួលបណ្តឹងពីជនរងគ្រោះ អនុវត្តតាមយោបល់ដឹកនាំរបស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង  កម្លាំងនគរបាលយុត្តិធម៌ រួមជាមួយកម្លាំងប៉ុស្តិ៍នគរបាលរដ្ឋបាលភ្នំសំពៅ នៃអធិការដ្ឋាននគរបាលស្រុកបាណន់ ដឹកនាំដោយលោកវរសេនីយ៍ទោ ហេង បារាំង អធិការនគរបាលស្រុកបាណន់ នៅវេលារសៀលថ្ងៃទី៦ ខែធ្នូ ឆ្នាំ២០២៥សមត្ថកិច្ចបានបានចុះចាប់ខ្លួនជនសង្ស័យម្នាក់ឈ្មោះ លឹម សាវី ភេទប្រុស អាយុ៦៣ឆ្នាំទីលំនៅភូមិក្រពើជើង ឃុំភ្នំសំពៅ ស្រុកបាណន់ ខេត្តបាត់ដំបង ទោកាន់អធិការដ្ឋាននគរបាលស្រុកបាណន់ដើម្្បីសាកសួរ។ពេលសាកសួរនាំជនសង្ស័យបានសារភាពថា «ខ្លួនពិតជាបានប្រើប្រាស់កាំបិតផ្គាក់កាប់ទៅលើជនរងគ្រោះ ដែលត្រូវជាបងថ្លៃចំនួន ២កាំបិត ពិតប្រាកដមែន» ។ មូលហេតុ៖ ធ្លាប់មានជម្លោះ និងគំនុំជាមួយគ្នាកន្លងមក ពាក់ព័ន្ធរឿងប្រវាស់គោ ។ វត្ថុតាងដកហូតបាន ៖-កាំបិតផ្គាក់១ ។ក្រោយមកជនសង្ស័យខាងលើត្រូវសមត្ថកិច្ចជំនាញ កសាងសំណុំរឿងបញ្ជូនទៅការិយាល័យនគរបាលជំនាញខេត្ត ដើម្បីចាត់ការបន្តតាមនីតិវិធី៕

ភ្នំពេញ៖ ក្រុមការងារព័ត៌មាននិងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ សូមបដិសេធដោយសមត្ថកិច្ចមិនបានប្រើពាក្យជេរប្រមាថទៅលើស្រ្តីម្នាក់នៅពេលសមត្ថកិច្ចអនុវត្តត្រួតពិនិត្យជាតិស្រវឹងនោះទេ។ ប៉ុន្តែបែរជាស្រ្តីនោះជេរចោទសមត្ថកិច្ចថាជាចោរទៅវិញ។ខណៈសមត្ថកិច្ចកំពុងបំពេញភារកិច្ចអនុវត្តច្បាប់ចរាចរណ៍ផ្លូវគោកនៅចំណុចផ្លូវណតប្រ៊ីដ ខណ្ឌសែនសុខ។ ក្រុមការងារព័ត៌មាននិងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញសូមបំភ្លឺជូនសាធារណជនឲ្យបានជ្រាបថា:កាលពីយប់ថ្ងៃទី៧ ខែធ្នូ ឆ្នាំ២០២៥ កម្លាំងស្នងការដ្ឋាននគរបាលរាជធានីភ្នំពេញ សហការជាមួយកម្លាំងអធិការដ្ឋាននគរបាលខណ្ឌសែនសុខ បានអនុវត្តរឹតបន្តឹងការអនុវត្តច្បាប់ត្រួតពិនិត្យជាតិស្រវឹង នៅចំណុចគេាលដៅ ផ្លូវណតប្រីឌ សង្កាត់អូរបែកក្អម ខណ្ឌសែនសុខ វេលាម៉ោងប្រហែល១២:យប់ ឈានចូលថ្ងៃទី៨ ខែធ្នូ ២០២៥ មានរថយន្តមួយគ្រឿង ម៉ាកកាម៉ារីហាយប្រីដ ពាក់ផ្លាកលេខ ភ្នំពេញ 2BR 9207 បើកបរដោយឈ្មោះ សុខ ចំរើន ភេទប្រុស ធ្វើដំណើរទិសដៅពីជើងទៅត្បូង (ក្នុងរថយន្តមានអ្នករួមដំណើរ០២នាក់ប្តីនិងប្រពន្ឋ) បានធ្វើដំណើរចូលគោលដៅត្រួតពិនិត្យជាតិស្រវឹង ពេលនោះសមត្ថកិច្ចបានស្នើសុំឲ្យអ្នកបើបរសហការណ៍ចុះផ្លុំជាតិស្រវឹង ។ នៅពេលនោះដែរអ្នកបើកបរក៏បានសហការ ហើយត្រួតពិនិត្យ មានជាតិស្រវឹង ០,៥០ Mg/1L ខណៈនោះសមត្ថកិច្ចក៏ចេញបង្កាន់ដៃផាកពិន័យប្រាក់ចំនួន២លានរៀល។ ក្រេាយពីចេញបង្កាន់ដៃរួច (អ្នកបើករថយន្ត) ក៏ទៅសម្រាកក្នុងរថយន្តរបស់គាត់មិនបានយកថវិកាមកបង់ផាកពិន័យនោះទេ។លុះនៅពេលជិតដល់ម៉េាងកម្លាំងសមត្ថកិច្ចត្រូវសម្រាកពីការងារ ក៏បានអញ្ជើញអ្នកបើករថយន្តមកសួរនាំរឿងផាកពិន័យដោយសួរគាត់ថា បង់រឺមិនទាន់បង់ថវិកាផាកពិន័យ ខណៈនោះគាត់បានយល់ព្រមបង់ផាកពិន័យតាមច្បាប់គ្មានការតវ៉ាអ្វីនោះទេ។បន្ទាប់មកគាត់ក៏ដើចេញពីតុផាកពិន័យរបស់សមត្ថកិច្ចទៅឡើងរថយន្តវិញ។ ពេលចូលដល់ក្នុងរថយន្តហើយមិនដឹងគាត់និយាយអ្វីជាមួយប្រពន្ធគាត់នៅក្នុងរថយន្តនោះស្រាប់តែស្រ្តីជាប្រពន្ធក៏បើកទ្វារថយន្តដែលមានកាយវិកាទំនងជាស្រវឹងស្រាផងដែរ ហើយឈរនៅក្បែររថយន្តរបស់គាត់ស្រែកជេរនិងចោទពួកសមត្ថកិច្ចថាជាចោរ។ ពេលនោះកម្លាំងសមត្ថកិច្ចក៏បានថតសកម្មភាពស្រ្តីនោះវិញហើយស្រ្តីនោះក៏បានសំណូមពរសមត្ថកិច្ចកុំឲ្យថតគាត់នៅពេលនោះផងដែរ។ទោះបី សមត្ថកិច្ចបានណែនាំស្រ្តីនោះយ៉ាងណាក៏ដោយក៏គាត់មិនស្តាប់សមត្ថកិច្ចនោះទេ ថែមទាំងប្តីរបស់ស្រ្តីនោះខំប្រឹងនិយាយប្រាប់ស្រ្តីនោះកុំឲ្យឡូឡាផងនោះទៀត ប៉ុន្តែគឺគាត់មិនស្តាប់នោះឡើយប្រឹងតែថតសមត្ថកិច្ចចេាទប្រកាន់សមត្ថកិច្ចអនុវត្តច្បាប់ថាជាចោរ ខណៈដែលសមត្ថកិច្ចបំពេញភារកិច្ចតាមគោលការណ៍របស់ថ្នាក់ដឹកនាំស្តីពីការអនុវត្តច្បាប់ចរាចរណ៍ផ្លូវគោកដើម្បីកាត់បន្ថយអត្រាគ្រោះថ្នាក់ចរាចរណ៍។ ស្រ្តីនោះនិងប្តីបន្ទាប់មកក៏ឡើងជិះរថយន្តទៅបាត់។ ពាក់ព័ន្ធបញ្ហានេះ ក្រុមការងារព័ត៌មាន និងប្រតិកម្មរហ័សចាត់ទុកការប្រើពាក្យសំដីអសីលធម៌របស់ស្ត្រីនោះមកលើសមត្ថកិច្ចដោយមិនឆ្លុះបញ្ចាំងពីការទទួលស្គាល់កំហុសរបស់ខ្លួន ហើយបែរប្រឹងថតចោទសមត្ថកិច្ចផ្សព្វផ្សាយតាមបណ្តាញសង្គមដែលនាំឲ្យមហាជនយល់ច្រឡំពីការអនុវត្តច្បាប់ដ៏ត្រឹមត្រូវរបស់សមត្ថកិច្ច។ សូមបញ្ជាក់ថាការអនុវត្តច្បាប់ចរាចរណ៍ផ្លូវគោកធ្វើឡើងនៅក្នុងភូមិសាស្រ្តរាជធានីភ្នំពេញតាមគោលការណ៍ថ្នាក់លើ១សប្តាហ៍ចុះអនុវត្ត៣ថ្ងៃ ដោយចាប់ពីវេលាម៉ោង១១យប់រហូតដល់ម៉ោង០២យប់។អាស្រ័យបានជម្រាបជូនដូចខ្លឹមសារខាងលើសូមសាធារណជនមេត្តាជ្រាបជាព័ត៌មាន៕

ភ្នំពេញ ៖ ព្រឹកថ្ងៃអាទិត្យ ទី៨ ខែធ្នូ ឆ្នាំ២០២៥ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានដឹកនាំគណៈប្រតិភូជាន់ខ្ពស់កម្ពុជាអញ្ជើញ បំពេញទស្សនកិច្ចផ្លូវការ នៅព្រះរាជាណាចក្រអារ៉ាប៊ីសាអូឌីត រដ្ឋកាតា សាធារណរដ្ឋតួកគីយ៉េ និងអេមីរ៉ាតអារ៉ាប់រួម ចាប់ពីថ្ងៃទី៨ ដល់ថ្ងៃទី១៤ ខែធ្នូ ឆ្នាំ២០២៥។ យោងតាមសេចក្តីប្រកាសព័ត៌មាន បានឱ្យដឹងថា សមាសភាពគណៈប្រតិភូអមដំណើរសម្តេចតេជោប្រធានព្រឹទ្ធសភា រួមមាន លោក អ៊ុច បូររិទ្ធ អនុប្រធានទី១ ព្រឹទ្ធសភា ទេសរដ្ឋមន្ត្រី ព្រមទាំងថ្នាក់ដឹកនាំសំខាន់ៗនៃព្រឹទ្ធសភា រដ្ឋសភា រាជរដ្ឋាភិបាល និងសភាពាណិជ្ជកម្មកម្ពុជា។ សេចក្តីប្រកាសជូនដំណឹងបានឲ្យដឹងទៀតថា នៅក្នុងដំណើរទស្សនកិច្ចនៅព្រះរាជាណាចក្រអារ៉ាប៊ីសាអូឌីត សម្តេចតេជោប្រធានព្រឹទ្ធសភា នឹងមានជំនួបទ្វេភាគីជាមួយឯកឧត្តមបណ្ឌិត អាប់ឌុលឡា មហាម៉េដ អ៊ីប្រាហ៊ីម អាល់សេក្ខ ប្រធានសភា អារ៉ាប៊ីសាអូឌីត និងជាមួយព្រះអង្គម្ចាស់ មហាម៉េដ ប៊ីន សាលម៉ាន ប៊ីន អាប់ឌុលឡាហ្ស៊ីស អាល់សូដ នាយករដ្ឋមន្ត្រីអារ៉ាប៊ីសាអូឌីត។ បន្ទាប់មកនៅរដ្ឋកាតា សម្តេចតេជោប្រធានព្រឹទ្ធសភា នឹងមានជំនួបទ្វេភាគីជាមួយលោកហាសសាន ប៊ីន អាប់ឌុលឡា អាល់ហ្កានីម ប្រធានសភានៃរដ្ឋកាតា និងជាមួយលោក សេក្ខ មហាម៉េដ ប៊ីន អាប់ឌុលរ៉ាហ្សម៉ាន់ ប៊ីន ចាស់ស៊ីម អាលថានី នាយករដ្ឋមន្ត្រី និងជារដ្ឋមន្ត្រីការបរទេស នៃរដ្ឋកាតា។ នៅសាធារណរដ្ឋតួកគីយេ សម្តេចតេជោប្រធានព្រឹទ្ធសភា នឹងមានជំនួបទ្វេភាគីជាមួយលោក សាស្ត្រាចារ្យបណ្ឌិត នូម៉ង់ គ័រទុលមុស ប្រធានរដ្ឋសភាតួកគីយ៉េ និងជួបសម្តែងការគួរសម និងពិភាក្សា ការងារជាមួយលោក រេជីប ថាយយ៉ុប អ៊ែរដ៏វ៉ាន់ ប្រធានាធិបតីតួកគីយ៉េ។ ក្រៅពីនេះ សម្តេចតេជោ ប្រធានព្រឹទ្ធសភា នឹងអញ្ជើញចូលរួមកម្មវិធីសំខាន់ៗដទៃទៀត រួមទាំងអញ្ជើញទស្សនាទីតាំងជាប្រវត្តិសាស្ត្ររបស់តួកគីយ៉េផងដែរ។ ទស្សនកិច្ចផ្លូវការរបស់ សម្តេចតេជោប្រធានព្រឹទ្ធសភា នៅបណ្តាប្រទេសជាមិត្តខាងលើ ជាការបង្ហាញយ៉ាងច្បាស់ពីសារៈសំខាន់ និងតួនាទីកាន់តែសកម្មនៃ “ការទូតសភា” ដែលជាអាទិភាពមួយនៃ អាទិភាពទាំងពីររបស់ព្រឹទ្ធសភានីតិកាលទី៥ ក្រោមការដឹកនាំប្រកបដោយគតិបណ្ឌិតរបស់ សម្តេចតេជោ ប្រធានព្រឹទ្ធសភា…

ភ្នំពេញ ៖ នៅលើបណ្ដាញទំនាក់ទំនងសង្គមបរតេសមួយបនាបង្ហោះឱ្យដឹងថា បណ្ដាមាតាបិតាជាច្រើននៅលើសកលលោកមានការតក់ស្លុតនិងរន្ធត់ចិត្តជាពន់ពេក។ ខណៈដែលម្ដាយរបស់កុមារម្នាក់បានខឹងនឹងកូនតូចដែលញុំាបបរ ហើយក្អួតក្អែរចេញមកវិញ។ពេលនោះម្ដាយខឹងខ្លាំងពេក ក៏បានទះកំភ្លៀង និងទះចំក្បាលកូនជាច្រើនដៃយ៉ាងធ្ងន់អនេកពោពេញដោយកំហឹងបណ្ដាលឲ្យកូនស្រែកយំដោយក្ដីឈឺចាប់។ បន្ទាប់ពីម្ដាយត្រជាក់ចិត្តបន្តិចមក ម្ដាយបានលួងកូនឲ្យឈប់យំ ហើយនាងបានឮកូនតូចនិយាយខ្សាវៗប្រាប់ថា៖-“ ម៉ែអើយ កូនស្រេកទឹកហើយងងុយដេកណាស់”បន្ទាប់ពីនាងឲ្យកូនប្រុសផឹកទឹក និងនាងផ្លាស់សម្លៀកបំពាក់ឲ្យកូនប្រុសរួចមក  នាងបានដាក់កូនតូចឲ្យដេកក្នុងបន្ទប់។ ជាច្រើនម៉ោងក្រោយមក នាងមិនឃើញកូនប្រុសរបស់នាងភ្ញាក់ឡេីងឡើយ។ក្រោយពីនាងព្យាយាមដាស់កូនប្រុសឲ្យភ្ញាក់ជាច្រេីនដងរួចមក ទើបនាងដឹងថា កូនប្រុសរបស់នាងបានស្លាប់បាត់ទៅហើយទាំងវ័យក្មេងខ្ចី។ នាងឱបសពកូនប្រុសតូចនេះ ហើយស្រែកទ្រហោយំដោយក្ដីសោកស្ដាយចំពោះអំពើរបស់នាងជាពន់ពេក។ ឱមាតាបិតាទាំងឡាយដែលកំពុងតែខឹងនឹងកូនអើយ តេីលោកអ្នកដឹងទេថា នៅលើប្រាណរបស់កុមារដ៏តូចនេះ វាមានផ្នែកចំនួន៨កន្លែង ដែលលោកអ្នកដាច់ខាតមិនត្រូវលើកដៃវាយសោះឡេីយ នោះគឺ៖ ១.ត្រចៀក លោកអ្នកមិនត្រូវមួលត្រចៀកកូនឡើយ ព្រោះវាជាផ្នែកមួយដែលធ្វេីឲ្យកូនឈឺជាងគេ ហើយបើលោកអ្នកទះមួយដៃចំត្រចៀក នោះវានឹងប៉ះពាល់ខួរក្បាលរបស់ក្មេងខ្លាំងណាស់ អាចរហូតដល់ស្លាប់ក៨ថាបាន ២. ផ្នែកខាងក្រោយនៃក្បាលចំណុចនេះគឺជាកន្លែងខួរតូច ដែលវាជាបណ្ដុំនៃចលនានៃដំណកដង្ហើមរបស់កុមារ ដាច់ខាតលោកអ្នកកុំវាយឲ្យសោះ។ ៣. ខ្នងនេះជាបណ្ដុំនៃជួរឆ្អឹងខ្នង ហើយបើវាត្រូវប៉ះទង្គិចដោយកម្លាំងខ្លាំង នោះបណ្ដាលឲ្យខូចឆ្អឹងខ្នង ហើយបង្កនូវពិការភាពដ៏ធ្ងន់បំផុតចំពោះកុមារ ៤. កំប៉េះគូទនេះជាផ្នែកដែលមាតាបិតាជាច្រេីនចូលចិត្តវាយជាងគេ ព្រោះពួកគេគិតថា វាគ្រាន់តែសាច់ធម្មតាតែប៉ុណ្ណោះ។តាមពិត វាជាបណ្ដុំនៃសរសៃឈាមតូចឆ្មារ ហើយការវាយទៅលេីផ្នែកនេះ ធ្វើឲ្យក្មេងប្រុសខ្សោយប្រដាប់ភេទ និងធ្វើឲ្យកុមារខ្សោយប្រាជ្ញារៀនមិនពូកែឡើយ។ ៥. ពោះការទះត្រូវពោះខ្លាំង បណ្ដាលប៉ះទង្គិចដល់ថ្លើម លំពែង អណ្ដើក និងពោះវៀនរបស់កុមារ ដែលវាបង្កនូវគ្រោះថ្នាក់យ៉ាងធ្ងន់ណាស់ គឺរហូតដល់ស្លាប់បាន ហេីយលោកអ្នកពិតជាមិនអាចនឹកស្មានដល់ឡេីយ ៦. ទ្រូងការវាយចំទ្រូងប៉ះពាល់ដល់សួត ផ្លូវដង្ហើម និងឆ្អឹងជំនីររបស់កុមារ ហើយវាបណ្ដាលឲ្យកុមាររងគ្រោះយ៉ាងដំណំធ្ងន់ធ្ងរណាស់។ ៧. បំពង់ក៖ការវាយចំបំពង់កបណ្ដាលឲ្យប៉ះទង្គិចផ្លូវដង្ហើម ឆ្អឹងខ្ចីនៃឃោសិតបំពង់កនៃកុមារ និងប៉ះពាល់ដល់សរសៃឈាមរត់ ៨. ដៃ៖មាតាបិតាចូលចិត្តឲ្យកូនលាបាតដៃរួចយករំពាត់មកវាយលេីបាតដៃរបស់កុមារ ។ តាមពិត បាតដៃជាផ្នែកដ៏សំខាន់របស់កុមារ ហើយការស្ទាប ប៉ះវត្ថុរបស់កុមារជួយឲ្យកុមារមានបញ្ញាវាងវៃ ហើយមាតាបិតាមិនត្រូវវាយដៃបស់កូនឡើយ ព្រោះវាអាចឲ្យកុមារពិការដៃ ហើយមួយជីវិតរបស់កូនត្រូវប្រើដៃទាំងគូជារៀងរាល់ថ្ងៃ *** បាតជើង៖ផ្ទុយទៅវិញ អ្នកជំនាញបានក្រើនរំឭកឲ្យមាតាបិតាឧស្សាហ៍ស្ទាបអង្អែលបាតជើងរបស់កុមារព្រោះវាជាបណ្ដុំនៃសរសៃប្រសាទជាច្រើន ហើយការស្ទាបអង្អែលបាតជើង ជួយឲ្យមាននូវការរីកចម្រើនដ៏ល្អប្រសើរ និងវិវឌ្ឍនៃសព៌ាង្គកាយនៃកុមារ។ ជាការពិត កូនតូចត្រូវតែទទួលនូវការអប់រំប្រៀនប្រដៅពីមាតាបិតា តែមាតាបិតាត្រូវប្រើពាក្យលួងលោមនិងពន្យល់ណែនាំកូនតូចជាទីស្រឡាញ់របស់យើងវិញ។ សូមមាតាបិតាមេត្តាចៀសវាងដាច់ខាតនៃការប្រើអំពើហឹង្សាទៅលើកូនៗជាទីស្រឡាញ់នៃយើង។ ប្រភព ៖ Facebook ប្រែសម្រួលពីអត្ថបទបរទេសដោយ៖

ខេត្តកំពត៖ លោក ម៉ៅ ធនិន អភិបាលខេត្តកំពត បានអញ្ជើញជាអធិបតីក្នុងពិធីចែកវិញ្ញាប័ណ្ណបត្រសម្ភាល់ម្ចាស់អចលនវត្ថុជូនដល់ប្រជាពលរដ្ឋចំនួន ២ភូមិ គឺភូមិអន្ទងបែក និងភូមិបរក្នុង ស្ថិតក្នុងឃុំអង្គរមាស និងប្រកាសបិទផ្សាយជាសាធារណៈនូវឯកសារនៃការវិនិច្ឆ័យសម្រាប់ការចុះបញ្ចីដីធ្លីមានលក្ខណៈជាប្រព័ន្ធ ចំនួន៣ភូមិ គឺភូមិត្រពាំងរាំង ភូមិស្នោតូច និងភូមិពន្លៃ ស្ថិតក្នុងឃុំអង្គរមាស ស្រុកដងទង់ ខេត្តកំពត។ពិធីនេះបានធ្វើឡើងនៅក្នុងបរិវេណវត្តសិរីជ័យមានលក្ខណ៍កាលពីថ្ងៃសៅរ៍ ទី៧ ខែធ្នូ ឆ្នាំ២០២៥។ មានមតិសំណេះសំណាលនាឱកាសនោះ លោក ម៉ៅ ធនិន អភិបាលខេត្តកំពត បានលើកឡើងថា នៅពេលថ្មីៗនេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា មានបទបញ្ជាក៏ដូចជាកិច្ចចង្អុលការផ្ទាល់យ៉ាងម៉ឺងម៉ាត់បំផុត ដល់ក្រសួងរៀបចំដែនដី នគរូបនីយកម្ម និងសំណង់ អាជ្ញាធរ គណៈកម្មការគ្រប់គ្រងដីរដ្ឋ គណៈកម្មការសុរិយោដី ព្រមទាំងអាជ្ញាធរពាក់ព័ន្ធគ្រប់លំដាប់ថ្នាក់ ត្រូវធ្វើយ៉ាងណាពន្លឿនការចេញប័ណ្ណកម្មសិទ្ធិដីធ្លីជូនពលរដ្ឋឱ្យបានលឿនបំផុត។ លោកអភិបាលខេត្តបានបន្តថា បទបញ្ជានេះគឺជាការគិតគូរមួយដ៏ធំធេងណាស់សម្រាប់ជីវភាពរស់នៅរបស់ប្រជាពលរដ្ឋ ហើយលោកក៏សូមកោតសរសើដល់មន្ទីរជំនាញ និងអាជ្ញាធរពាក់ព័ន្ធទាំងអស់ដែលបានខិតខំសហការគ្នា ដើម្បីចេញបណ្ណកម្មសិទ្ធិជូនពលរដ្ឋបានល្អប្រសើរដូចពេលនេះ និងពេលកន្លងមក។ សូមបញ្ចាក់ថា ការចែកប័ណ្ណក្នុងថ្ងៃនេះមាន ២ភូមិ គឺភូមិអន្ទងបែក និងភូមិបរក្នុង ស្ថិតក្នុងឃុំអង្គរមាស សរុបមានចំនួន ៣ ៦១៨ប័ណ្ណ ហើយបានធ្វើការប្រកាសបិទផ្សាយជាសាធារណៈនូវឯកសារនៃការវិនិច្ឆ័យសម្រាប់ការចុះបញ្ចីដីធ្លីមានលក្ខណៈជាប្រព័ន្ធចំនួន ៣ភូមិ គឺភូមិត្រពាំងរាំង ភូមិស្នោតូច និងភូមិពន្លៃ ស្ថិតក្នុងឃុំអង្គរមាស ស្រុកដងទង់ ដែលមានក្បាលដីសរុបចំនួន ៥៤៨៥ ក្បាលដី៕

ភ្នំពេញ៖ បុរសម្នាក់សង្ស័យស្រវឹងស្រា បានជិះម៉ូតូម៉ាកហុងដាឌ្រីម​ទៅបុកគល់ស្ពានអាកាសផ្សារដីហុយ បណ្ដាលឲ្យរងនរងរបួសធ្ងន់ បន្ទាប់មកប្រជាពលរដ្ឋក៏បានទាក់ទងទៅរថយន្ដសង្គ្រោះបន្ទាន់ដឹកទៅមន្ទីរពេទ្យលោកសង្ឃភ្លាមៗ ហេតុការណ៍គ្រោះថ្នាក់ចរាចរណ៍នេះបានកើតឡើង ស្ថិតតាមបណ្ដោយផ្លូវសហព័ន្ធរុស្សី ត្រង់ចំណុចគល់ស្ពានអាកាសផ្សារដីហុយ ក្នុងសង្កាត់ទឹថ្លាខណ្ឌសែនសុខកាលពីវេលាម៉ោង ៨យប់ថ្ងៃទី៧ ខែធ្នូ ឆ្នាំ២០២៥ ។ តាមប្រភពព័ត៌មានពីកន្លែងកេីតហតុបានឱ្យដឹងថា​ មុនកើតហេតុ មានបុរសម្នាក់ជិះម៉ូតូ១គ្រឿងម៉ាកហុងដាឌ្រីមស៊េរី២០២១ ពណ៌ខ្មៅផ្លាកលេខស្វាយរៀង 1R.5849 ទំនងជាស្រវឹងស្រាបន ធ្វើដំណើរតាមបណ្ដោយផ្លូវសហព័ន្ធរុស្សុីពីកើតទៅលិច ក្នុងល្បឿនលឿន។លុះមកដល់ចំណុចកើតហេតុក៏បានរេចង្កូតម៉ូតូទៅបុកនិង គល់ស្ពានអាកាសផ្សារដីហុយ ខ្ទប់និងគល់ស្ពានម៉ូតូរងការខូចខាតផ្នែកពីមុខម៉ូតូយ៉ាងដំណំ ចំណែកម្ចាស់ម៉ូតូរងរបួសធ្ងន់។ ភ្លាមនោះប្រជាពលរដ្ឋក៏បានទាក់ទងទៅរថយន្ដសង្គ្រោះបន្ទាន់ ដឹកទៅមន្ទីរពេទ្យលោកសង្ឃភ្លាមៗ ។ ក្រោយមក​ សមត្ថកិច្ចមូលដ្ឋានប៉ុស្ដិ៍ទឹកថ្លា​បានចុះមកដល់​ និងបានសហការជាមួយសមត្ថកិច្ចជំនាញចរាចរណ៍ធ្វើការវាស់វែងយកម៉ូតូជនរងគ្រោះទៅរក្សាទុកជាបណ្ដោះអាសន្ន​ រង់ចាំចាត់ចែងបន្តតាមក្រោយ​៕​

ខេត្ត​តាកែវ​៖ កម្លាំង​សមត្ថកិច្ច​នគរបាល​ស្រុក​បាទី​ បានចុះទៅឃាត់ខ្លួនបុរសជនជាតិចិនតៃវ៉ាន់ម្នាក់ ក្រោយធ្វើសកម្មភាពបាញ់បោះសេរីឡើងទៅលើមេឃទាំងកណ្ដាល​អធ្រាត្រ​ប្រមាណជា​ ៧១គ្រាប់​ បង្ក​ការ​ភ្ញាក់​ផ្អើល​យ៉ាង​ខ្លាំង​ដល់ប្រជាពលរដ្ឋ​ និងសមត្ថកិច្ចមូលដ្ឋាននាំគ្នាចុះអន្តរាគមន៍​នាំខ្លួនជនដៃដល់យក​តៅសាកសួរនិងបន្តស្រាវជ្រាវរកប្រភាពងាវុធ្ថនោះ​ ដេីម្បីចាត់ការតាមច្បាប់​។ហេតុការណ៍ខាងលើនេះ បានកើតឡើងកាលពីរំលងអធ្រាត្រឈានចូលថ្ងៃទី៧ ខែធ្នូ ឆ្នាំ២០២៥ នៅចំណុចវាលស្រែភូមិកណ្តាល​ ឃុំលំពង់​ ស្រុកបាទី​ ខេត្តតាកែវ។ជនសង្ស័យ​ឈ្មោះ CAI JIA YOU ជនជាតិចិនតៃវ៉ាន់អាយុ​ ២០ឆ្នាំ​ បានប្រើប្រាស់កាំភ្លើងខ្លី ម៉ាក Sig Sauer។ តាមលោក វ៉ី សំណាង អភិបាលខេត្តតាកែវ បានឱ្យដឹងថា ជនជាតិចិនតៃវ៉ាន់រូបនេះ ត្រូវបានកម្លាំងនគរបាលចាប់ខ្លួន និងកំពុងសួរនាំនៅអធិការដ្ឋាននគរបាលស្រុកបាទី។​ លោកអភិបាលខេត្ត​រូបនេះ​ បានបញ្ជាក់ទៀតថា ករណីលួចបាញ់បាន។ ប៉ុន្តែគុកនៅរង់ចាំជានិច្ច ដោយគ្មានជនណាអាចប្រព្រឹត្តបទល្មើស ហើយរួចខ្លួនពីសំណាញ់ច្បាប់នោះបានឡើយ។ គួរបញ្ជាក់ថា​ ចំពោះមូលហេតុ នៃការបាញ់បោះសេរីនេះ មិនទាន់ត្រូវបានសមត្ថកិច្ចបញ្ជាក់ឲ្យដឹងនៅឡើយទេ។​ បច្ចុប្បន្ន​ជនសង្ស័យរួមនិង​វត្ថុ​តាង​ ត្រូវបានបញ្ជូនទៅអធិការដ្ឋាននគរបាលស្រុកបាទី ដើម្បីសាកសួរនិងចាត់ការតាមនីតិវិធីហើយបន្តការស្រសវជ្រាវរកប្រភាពកាំភ្លងនោះ៕