ភ្នំពេញ៖ បុរសជនជាតិបរទេសម្នាក់សង្ស័យធ្លាក់ពីលេីអគារ thepenthouse មកដល់ជាន់ទាល់ដីបណ្ដាលឲ្យស្លាប់មួយរំពេចដោយមិនទាន់ដឹងពីមូលហេតុសមត្ថកិច្ចកំពុងបន្តស្រាចវជ្រាវ ។ ហេតុការណ៍ការណ៍នេះបានបង្កឲ្យមានការភ្ញាក់ផ្អើលនៅ ចំណុចអគារខ្ពស់យីហោ the penthouse residenceស្ថិតនៅតាមផ្លូវសុធារស សង្កាត់ទន្លេបាសាក់ ខណ្ឌចំម្ការមន រាជធានីភ្នំពេញ ។ សពជនរងគ្រោះ មិនទាន់ស្គាល់អត្តសញ្ញាណនៅឡើយទេ។តែជាជនជាតិបរទេស ។បេីតាមប្រភពពីកន្លែងកើតហេតុបានឲ្យដឹងថា មុនប្រទះឃើញសព គេមិនដឹងថាបុរសជនបរទេសមានរឿងអ្វីនោះទេ ក៏ស្រាប់តែធ្លាក់ពីអគារជាន់ទី១៧ មកដល់ដីបណ្ដាលឲ្យបែកក្បាលស្លាប់មួយរំពេចតែម្តង ។ ករណីនេះ ភ្លាមៗខាងសន្តិសុខដែរយាមនៅទីនោះ បានរាយការណ៍ជូនកម្លាំងសមត្ថកិច្ចមូលដ្ឋាន ចុះទៅពិនិត្យកន្លែងកើតហេតុ និងបានហ៊ុំព័ទ្ធខ្សែ មិនឲ្យមានអ្នកចូលទៅបាននោះទេ ។
ពាក់ព័ន្ធករណីនេះផងដែរ សមត្ថកិច្ចមិនទាន់អាចបញ្ជាក់ថា ជនដែលស្លាប់អាចសង្ស័យលោតសម្លាប់ខ្លួនឯង ឬមិនពាក់ព័ន្ធករណីផ្សេងៗនោះទេដោយកម្លាំងជំនាញធ្វើកោសល្យវិច័យបច្ចេកទេសវិទ្យាសាស្ត្រនៃស្នងការដ្ឋាននគរបាលរាជធានីភ្នំពេញ កំពុងតែធ្វើការពិនិត្យនិងបន្តការស្រាវជ្រាវ៕
