ខេត្តកោះកុង ៖ ស្នងការដ្ឋាននគរបាលខេត្តកោះកុងកាលពីថ្ងៃទី១៥ ខែកក្កដា ឆ្នាំ២០២៤បានវជូនដំណឹងដល់អ្នកដំណើរនិងប្រជាពលរដ្ឋអ្នកធ្វើដំណើរ និងប្រជាពលរដ្ឋរស់នៅតាមសងខាងផ្លូវជាតិលេខ ៤៨A ដោយមានកំណាត់ផ្លូវខ្លះ ត្រូវកែសម្រួលឱ្យកាន់តែប្រសើរឡើង និងមានសភាពបែកភក់ រអិលពិបាកធ្វើដំណើរ និងរំខានដល់ការរស់នៅ ប្រកបអាជីវកម្មប្រចាំថ្ងៃ ក្នុងរដូវវស្សាភ្លៀងធ្លាក់នេះ ជាពិសេសនៅម្តុំ ៖*ចំណោតតាប៉ន ត្រង់គីឡូម៉ែត្រលេខ ១៤០+៣០០-១៤០+៧០០និងបង្គោលអង់តែន៣ដើម ត្រង់គីឡូម៉ែត្រលេខ ១៣៧ -១៤០*ចំណោតត្រើយខាងកើតស្ពានតាតៃ ត្រង់គីឡូម៉ែត្រលេខ ១២៧ -១២៨។
ចំពោះការចរាចរណ៍លើដងផ្លូវគឺដំណើរការធម្មតា។ ប៉ុន្តែសូមធ្វើការបើកបរដោយប្រុងប្រយ័ត្ននៅចំណុចខាងលើ ពេលដែលមានភ្លៀងធ្លាក់។សូមបងប្អូន ធ្វើដំណើរប្រកបដោយ សុវត្ថិភាព មិនយូរទេផ្លូវនឹងស្ថាបនារួចរាល់ បង្កលក្ខណះងាយស្រួលដល់បងប្អូន ក្នុងការបើកបរ ៕
ជិះម៉ូតូដេញចោរលួចម៉ូតូស្រាប់តែដួលខ្លួនឯងបណ្តាលឱ្យបោកក្បាលស្លាប់
ភ្នំពេញ ៖ បុរសម្នាក់ឃើញចោរជនសង្ស័យជាចោបានលួចម៉ូតូមិត្តភក្តិ ក៏ជិះម៉ូតូហើយបើករត់គេចខ្លួន ក៏ជិះម៉ូតូដេញតាមបណ្តាលឲ្យដួលបោកបែកក្បាលស្លាប់ភ្លាមៗនៅកន្លែង រីឯជនសង្ស័យជិះម៉ូតូគេចខ្លួនទៅបាត់។ ហេតុការណ៍នេះបានកើតឡើង នៅតាមផ្លូវបេតុងអង្គតាមិញ ភូមិទ្រុងមាន់ សង្កាត់អូរបែកក្អម ខណ្ឌសែនសុខ រាជធានីភ្នំពេញ កាលពីម៉ោងជាង២ទៀបភ្លឺថ្ងៃទី២៩ ខែមិថុនា ឆ្នាំ២០២៤ ។
សមត្ថកិច្ចបានឲ្យដឹងថា ជនរងគ្រោះ ឈ្មោះ តុញ ឆេង អាយុ៣២ឆ្នាំ មុខរបរបុគ្គលិកចាក់សាំង ស្នាក់នៅផ្ទះជួល ក្នុងភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។
សាក្សីបានឱ្យដឹងថា មុនកើតហេតុ ជនរងគ្រោះនឹងមិត្តភក្តិ មានគ្នា៣នាក់ ទើបត្រឡប់មកពីហូបអាហាអីវិញហើយ ចូលដល់បន្ទប់ជួល ក្នុងភូមិគោកចំបក់ សង្កាត់ចោមចៅទី១ ។ពេលនោះឃើញជនសង្ស័យ២នាក់ កាច់សោ.កម៉ូតូហុងដាឌ្រីម ស៊េរី២០១៥ មួយគ្រឿង របស់មិត្តភក្តិ ដែលចតទុកនៅមុខបន្ទប់ជួល ក៏ផ្អើលឆោឡោ ជនរងគ្រោះ និងមិត្តភក្តិម្នាក់ទៀត ជិះម៉ូតូស្កុបពី ពណ៌ខ្មៅ ពាក់ផ្លាកលេខ ភ្នំពេញ 1HU-0904 ឌុបគ្នាជិះដេញតាម បណ្តោយផ្លូវអង្គតាមិញ ពីត្បូងទៅជើង។ លុះដល់ចំណុចកើតហេតុ តាមទាន់ ម្នាក់ជិះខាងក្រោយលោតចុះ ដេញវាយ ប្រតាយប្រតបគ្នាជាមួយជនសង្ស័យមួយប្រ៉ាវ។ ពេលជនសង្ស័យ បន្តជិះរត់គេច ជនរងគ្រោះជិះម៉ូតូស្កុបពីតែម្នាក់ឯង ដេញតាមស្រែកពីក្រោយ ស្រាប់តែដួលបោកក្បាលស្លាប់ភ្លាមៗនៅកន្លែង។ ចំណែកជនសង្ស័យជិះម៉ូតូដែលលួចបានគេចទៅខ្លួនបាត់។បន្ទាប់ពីកើតហេតុ សមត្ថកិច្ចចុះទៅអន្តរាគមន៍ ពិនិត្យ ស្រាវជ្រាវ ធ្វើកោសល្យវិច័យរួចប្រគល់សពជូនក្រុមគ្រួសារ ដឹកសពយកទៅធ្វើបុណ្យ។ រីឯជនរងគ្រោះជាម្ចាស់ម៉ូតូ ទៅដាក់ពាក្យបណ្តឹងនៅប៉ុស្តិ៍នគរបាល ដើម្បីឱ្យសមត្ថកិច្ចស្រាវជ្រាវមុខសញ្ញាដែលលួចម៉ូតូយកមកផ្តន្ទាទោសទៅតាមនីតិវិធី ៕
