ខេត្តកំពង់ចាម៖ កម្លាំងកងរាជអាវុធហត្ថខេត្តកំពង់ចាម បានបង្ក្រាបក្មេងទំនើងដែលជិះម៉ូតូប្រើប្រាស់បំពង់ស៊ីម៉ាំងម៉ូតូកែច្នៃបំពងសំឡេងឮខ្លាំងៗជច្រើននាក់យកអនុវត្តតាមច្បាប់ុការបង្ក្រាបនៅម្តុំរង្វង់មូលត្រើង ស្ថិតក្នុងភូមិខែលជ័យ ឃុំអូរស្វាយ ស្រុកកំពង់សៀម ខេត្តកំពង់ចាមកាលពីថ្ងៃទី២៦ខែធ្នូឆ្នាំ ២០២៤។
មន្ត្រីអាវុធហត្ថខេត្តបានឱ្យដឹងថា មុនបង្ក្រាប កម្លាំងមូលដ្ឋានកងរាជអាវុធហត្ថស្រុកកំពង់សៀម បានចុះល្បាតក្នុងភូមិសាស្ត្រស្រុកកំពង់សៀម។ ពេលនោះបានឃើញក្មេងទំនើងម្នាក់កំពុងប្រព្រឹត្តសកម្មភាពជិះម៉ូត១គ្រឿង ម៉ាក Suzuki riders ពណ៌សលាយខ្មៅ គ្មានផ្លាកលេខ ជិះម្នាក់ឯងដោយប្រើប្រាស់បំពង់ស៉ីម៉ាំងកែច្នៃខុសបច្ចេកទេសបំពងសំឡេងរោទិ៍លាន់រំពង ធ្វើឱ្យមានការរំខានដល់ប្រជាពលរដ្ឋនៅក្នុងភូមិ ។
មន្ត្រីដដែលបានបន្តថា ភ្លាមនោះកម្លាំងសមត្ថកិច្ចបានហៅឱ្យឈប់ដើម្បីសាកសួរ ហើយជាលទ្ធផល អ្នកបើកបរម៉ូតូម្នាក់នេះឈ្មោះ សុខុម ករុណាពេជ្រ អាយុ១៦ឆ្នាំ មុខរបរជាងឡាន រស់នៅភូមិក្រសាំងពុល ឃុំមៀន ស្រុកព្រៃឈរ ខេត្តកំពង់ចាម និងម៉ូតូ១គ្រឿងខាងលើ សមត្ថកិច្ចបានបញ្ជូនទៅបញ្ជាការដ្ឋានកងរាជអាវុធហត្ថខេត្ត ដើម្បីអនុវត្តតាមនីតិវីធី៕
